الوصيه \\ قصة الشاب الذي ......

ليتها تقفي 23-09-2008 2 رد 1,109 مشاهدة
ل
السلام عليكم ورحمة الله بركاته


هذا اول موضوع انزله لي في هذا المنتدى ..

وببتدي وياكم بقصه شاب أتمنى انها تكون عبره لكل الشباب ...


تقول القصه :::


خالد شاب عمره 72 سنه خليجي الهويه متزوج وعنده من الاولا د 2 .. مستقر بحياته الماديه والزوجيه
في يوم من الايام كان خالد في دوامه مداوم من بدري بس عكر عليه اتصال من رقم غريب ...
كان المتصل من المستشى يخبر خالد ان ابوه جات له ازمه قلبيه ولازم يحضر يودعه ....

دخل خالد على ابوه وباس راسه وجلس عند راس ابوه يقرى القران عليه .. وفجأه سمع صوووت
ينادي ..

الاب :: خالد تعال يا ولدي ابي اقولك شي قبل لا اموووت ..
خالد :: سم يبا جعلني ما افقدك ..الاب :: خذ هذي الورقه وصيتي لك انك ما تقراها الا اذا حسيت انك بتموت ..
خالد :: بس يبا ......
الاب يقاطعه :: بدون بس اسمع الكلام ان فتحتها قبل هالوقت اعرف اني غضبان عليك ..

أخذ خالد الورقه وحطها عنده ومليووون سؤال في راسه ..

بعد دقايق من اللي صار توفى ابو خالد ......



جلس خالد في المجلس ياخذ بعزى ابوه وهو زعلان وبنفس الوقت يفكر بالورقه وليش ابوه منعه من قرايتها باي وقت ..

في 3 يوم للعزى راح خالد لامه وقال لها عن اللي صار له ويا ابوه ..


خالد :: يمه ابوي عطاني ورقه وما ادري شنو فيها وصاني ما افتحها الا اذا حسيت بالموت ..
الام :: اسم الله عليك يعمري جعل يومي قبل يومك ..
خالد :: يمه الفضول ذابحني ابي اعرف شنو فيها ..
الام :: عطني الورقه انا بقراها هو منعك بس ما منعني ..

وعطى خالد الام الورقه ..

وقرت الام الورقه في صمت ..
وهي تقرى الرساله ... صرخت صرخه سمعها اخر الفريج


الام :: مو معقوله ما صدق ..
خالد :: يمه وشفيك وش صار ؟!؟
الام :: اطلع برع بيتي أنا مب امك ولا اعرفك وانا متبريه منك ليوم الدين .. أطلع
خالد :: يمه شفيك شنو بالورقه ؟!؟
الام :: خذها وانجلع برع البيت مابي اشوفك

وطلع خالد وهو يبكي على امه وناظر الورقه ويقول مادري اقراها ولا اخاف اخسر امي وابوي ..


وراح لزوجته يبكي .. ويشكي لها الحال وشنو صار له ..

زوجته خففت عنه وقالت له عطني الورقه انا بقرها وبشوف شنو السبب اللي خلا امك تنفعل لهذي الدرجه ..

خذت الزوجه الورقه وقعدت تقرى ..


السلام عليكم ورحمة الله وبركاته

الى ابني خالد ...







وفجأه صرخت الزوجه ..

أنا أنا كنت متزوجه هذا الرجال لا ا ما اصدق
طول هالوقت وانا مخدوعه فيك يا خالد

طلقني ما ابي اعيش مع انسان واطي زيك


وطلق خالد زوجته وطلع من البيت وهو ما يعرف وين يروح بعد ما خسر امه وزوجته


صار بدون منزل بدون اهل

قعد يدور بالسياره يفكر بالورقه وشنو ممكن يكون مكتوب فيها .. وقطع تفكيره رنة التلفون ..
كان المتصل محمد صديق خالد من ايام الطفوله ...

خالد :: ألو ..محمد :: هلا بو وليد وينك ..
خالد :: موجود..
محمد :: شفي صوتك ..
خالد :: متضايق شوي ..
محمد :: تعالي المجلس نتفاهم ..

راح خالد لمجلس محمد وهو شايل الهم على راسه وما يعرف شنو يسوي .. وقال لمحمد عن سالفة الورقه ..
محمد استغرب من الموضوع وردت فعل اهل خالد .. قال عطني الورقه .. رفض خالد قال ما اقدر اخاف اخسرك

قال لا لا احنا ربع ومرت علينا مواقف ومافرقتنا ..

خالد اصر على موقفه وقال انا بنفذ الوصيه ما بفتحها الا اذا بموووت .. وقعد يصارخ على رفيجه وقول ..
انا خسرت امي اللي هي جنتي وناري .. وخسرت زوجتي .. ومابي اخسر اعز انسان على قلبي ..

قال محمد :: خير ان شاء الله انت نام والصبح يصر خير ..
لما خالد نام استغل محمد الفرصه وسحب الورقه من ثوب خالد وفتحها وقعد يقراها ..



وفجأه ....


راح محمد لخالد ورفسه وهو نايم وقاله قوم يا اخي قوم .. انت خساره اضيفك هنيه عندي قوم اطلع برى البيت..
بيتي ما يضف اشكالك .. يا نذل وتم يسبه باكره الاسماء .. ويرفس فيه وخالد مسكي مو مستوعب شنو قاعد يصير له
وحذف محمد الورقه في وجه خالد ..

وقاله خذ ورقتك ولا عاد اشوفك مره ثانيه ..


طلع خالد وهو مو مصدق شنو اللي قاعد يحصل له وشغل سيارته وراح يدور فيها مو عارف وين يروح ..

لين طلع الفجر ..

قال خالد بينه وبين نفسه خل اروح الدوام بعدين اقعد افكر شنو اسوي بهالورقه ..

دخل خالد دوامه ..

وتفاجئ المدير فيه ...


المدير :: خالد شفيك عسى ما شر ليه ثوبك معفس وجهك معفوس .. طالع من هوشه انت ؟
خالد :: خلها على ربك ..
المدير :: خالد انا ما عرفت عنك الا كل خير .. وانت انسان ملتزم بواجباتك .. ناقصك شي تبي قرض تبي عطله
انا حاضر باللي تبي ..
خالد :: لا ليتها على فلوس كان اهون ..
المدير :: قولي عسى ما شر ؟!؟
قال خالد بينه وبين نفسه :: خل اقوله يعني شنو بخسر خسرت العايلة واعز انسان .. يمكن يطلع احسن منهم ويقولي شنو بالورقه..

وقاله السالفه من اولها ..

المدير :: عطني الورقه اشفها ..

عطى خالد المدير الورقه .. وقعد يشوف وجه المدير وهو يقراها يمكن يفهم من وجهه شنو مكتوب ..

فجأه صار وجه المدير احمر وانتفخ من العصبيه ..
خالد قوم اطلع من الشركه انت مطرود .. وعلى فكره مالك معاش هذا الشهر ولا لك اي مستحقات
واطلع منها زي ما انت ..

حاول خالد يساله شنو بالورقه بس المدير ما عطاه مجال نادى السكيورتي واخذو خالد كانه مسجون وسحبوا فيه وطلعوه من الشركه ..


طلع خالد يمشي بالشارع كنه مجنون ما يعرف وين يروح .. قعد يبكي ويبكي ويبكي .. دمعه جمر على خده


فكر يقرى الورقه بس خاف .. ما قدر ..

قال بينه وبين نفسه ..

خلاص انا مالي حد هنى خل اروح واسافر وانسى كل همومي برع ..

ركب خالد التكسي وراح المطار وحجز طياره على المغرب ..



دخل المطار وقعد ينتضر بساحة الانتضار وفكر شنو راح يصير له بعد .. شنو اللي من المصايب بعد ممكن انها تصير له ..

وهو في سرحانه صحاه صوت اعلان طيارته ..



اول من ركب الطياره كان خالد كان يبي يشرد عن همومه فكر انه بالسفر راح ينسى ويشرد ..

دخل الطياره وجلس على الكرسي حط السمعات على اذنه وغمض عينه ..

وناااااااااااااااااااااااااااااام ..


شاف ابوه وهو يعطيه الورقه .. شاف امه وهي تصرخ في وجه وهي تتبرى منه .. شاف زوجته وهي تطلعه من غرفتها تطلب الطلاق .. شاف رفيجه اعز ما عنده وهو يرفسه وهينه .. شاف الغريب مديره وهو يطرده من المكتب زي الكلاب ..


وصحى على صوت ناعم يهز بكتوفه .. ويناديه ..

خالد شفيك تبكي ,, خالد ,, خالد


بطل خالد عيونه .. الا يشوف قمر مو بس قمر احلى ما خلق ربي من البنات .. شاف مضيفه الطيران اللي طيرت عقله

قالت شفيك تبكي كسرت خاطري ..

خالد هنا قال خل اتعرف عليها يمكن تحن علي وتجبر خاطري


المضيفه :: خالد انا ساره من المغرب واي شي تبيه انا حاضره ..
خالد وهو يطالعه بعيونه وده ياكلها :: سلامتك يساه بس ابي ماي ..
المضيفه :: خلاص اجيب لك ماي ولا تمر ساعه بجي اقعد جنبك واسولف وياك ممكن ..
خالد :: اي اكيد ..



بعد ساعه ..

جات ساره :: يالله قولي شنو فيك ليه شايل الهم وتبكي
خالد :: انا متضايق ..
ساره :: قول شنو فيك وانا بساعد .. والله انا حبيتك وحسيت فيك ..


خالد قالها شنو صار له في بلاده وقالها عن الورقه ..


ساره :: شوف انا ما اعرفك يمكن هم عصبوا عليك لانهم يعرفونك .. فزعلوا منك بس انا ما اعرفك فاكيد مابزعل
عطني الورقه بقراها وبقول لك شنو فيها ..

خالد اقتنع من كلام ساره وعطاها الورقه ..

ساره :: انا ما اعرف اقرى عربي كبتن الطياره يعرف بوديها له يقراها وبرجع لك ..
خالد :: اوكي انتضرك ,, بس لا تتاخري علي ..



راحت ساره وهي تضحك وتمشي بدلع وعطت الكبتن الوقه وشرحت له ضروف خالد واللي مر فيه وتعاطف الكبتن وياه وقعد يقرى الورقه ..





فجأه .........



جات سارة والكبتن يركضووووون لخالد ..


وصرخ الكبتن بوجه خالد قاله شوف يا انا يا انت بالطياره ..


خالد :: شنو شصاير ..
الكبتن :: شوف يا تطلع من الطياره وتنط من فوق .. لانك انسان ما تستحق الحياه .. او اني انا اشوف اقرب جبل وافجر الطياره .. سمعت
خالد :: يا كبتن انا ..

الكبتن :
: 1 من 2 يا تنط يا افجر انت اختار ولا ابي اسمع شي ثاني ..

خالد خلاص خلاص بنط انا شنو مستفيد من هذي الدنيا امي وخسرتها وزوجتي وتركتني اعز رفيج وتخلا عني
شغلي وانطرت منه الغريب هزئني .. خلاص انا بنط من الطياره ..


قاله يالله جهز نفسك ..

وقف خالد قدام باب الطياره عشان ينط منها ..

خالد :: لحضة شوي ..
الكبتن : شتبي ..
خالد :: ابي الورقه بقراها انا خلاص بموت اللحين ..





اخذ خالد الورقه وقف قدام باب الطياره وقعد يقرى ..




السلام عليكم ورحمة الله وبركاته ..

الى ابني خالد


رساله موجهه من ابوك .................................................. ......



وفتح الكبتن باب الطيارة وبسبب قوه ضغط الهواء تطير الورقه من يد خالد
وينط خالد من الطياره ومحد يعرف شنو مكتوب بالوصيه ......








ههههههههههههههههههههههههههههههههه



شرايكم بالقصه






$$$ ليتها تقفي $$$
n
:mad::mad::mad::mad::mad::mad::mad::mad:
:
افففففففففف والله العضيم اني كنت متأكده انه في شي
X