انتبهوا على شعوركم ولا تسووا مثلي

السلام عليكم

خواتي أريد اشكيلكم من شعري اللي كرهني في حياتي كلها
أنا واعوذ بالله من كلمة انا..كنت من ذوات الشعر الكثيف جدا لدرجة انه والدتي لما كانت تمشطه لي كان المشط ينكسر منها بسبب شعري والله العظيم ما اكذب عليكم ..وطبيعته مجعد شوي.. يعني كان الله عاطني نعمه كثيرين حسدوني عليها ولما كنت اسشوره كان اللي يشوفه يفكر اني مسوية وصل لشعري ..المهم .. لحد ما عرفت طريق كريمات الفرد والصالونات والصبغات والتسريحات يعني كنت مسوية شعري حقل تجارب الخ... وياليتني ما عرفتها خف شعري وصار باهت ولا حياة فيه وضعيف جدا وشو ما أسوي ما ينفع هذا غير التقصف ..اعترف انها غلطتي..لكن في شئ الحين محيرني يابنات..انه شعري مهما حطيت عليه ما يطول ..صدقوني انه طوله يوقف عند كتفي ..جربت اقصه من اول وجديد علشان اتخلص من الاطراف المقصفه ويطول على راحته لكن مافي فايده الطول يتوقف عند الكتف..خواتي الله يسعدكم يارب اللي عندها حل تقولي كيف اطول شعري؟ انا عارفه انه ما بيرجع مثل اول ثقيل وحلو ..بس على الاقل اللي عندها وصفه تطويل للشعر لا تبخل علي .. واذا في عندكم وصفات للنعومة وللتقصف لا تنسوني فيها

الله يبارك فيكم..وانتبهوا على شعوركم ولا تسووا مثلي :confused:

اختكم منال :confused: