محتاره يابنات أدلــــــــــع خطيبي ولا لا .......!!!

السلام عليكم

كيفكم ياأحلى عرايس في أحلى منتدى

أنا بصراحه صرت مدمنه نت والسبه منتدى عروس:D

الله لايحرمني منه...
..........................
حأدخل في الموضوع على طول

أنا اليوم حابه أستشيركم في موضوع بسيط ...وأتمنى تساعدوني فيه لأنه محيرني

.....
أنا مخطوبه ليا سنتين وملكت في الخمسه الشهور الأخيره

ومن يوم ماملكنا أنا وخطيبي أنا مررررررره دلعته ومن قبل الملكه كمان وطبعا سويت هذا الشي لأني أحبه:o

هوا عايش في أمريكا ...وجلس بعد الملكه بس شهيرن ورجع سافر ثاني

وأنا في هاذي الشهرين كنت بس أدلعه وأسويله مفاجئات وأجيبله هدايا
حتى من قبل الملكه رسلتله مجموعة هدايا من غير أي مناسبه ...بس لأني أحبه وأموووت فيه

وهوا ماشاء الله مرررره طيب ..وعارف أني أحبه ودايما يقلي أنتي مريحتني وأنا مقصر معاكي

وحالته الماديه ماشاء الله تمام

بس من يوم ماملكنا كنت أتمنى منه هديه زي باقي البنات اللي معايا .. أسمع أزواجهم يجيبولهم

في هاذي الفتره ويسولهم مفاجئات وكل مايدخلو عليهم لازم ورده أو هديه بسيطه ""ماشاء الله ..الله يهنيهم""وأنا لمن أسمعهم مررررررره أزعل على نفسي لأني بنت وأحب زوجي يدلعني زي باقي البنات ...

بس الله يسامحه ماقد سوالي شي زي كذا

وأنا عارفه إنه يحبني بس ماأدري ليش أنا الوحيده اللي يسويلي كذا

حتى لمن كان عندي في السعوديه كان يجيب لأقاربه وأنا ماقد فكر فيا ..لمن كنا نخرج يقلي نفسي أجيب لفلان هديه أو لبنت فلانه ..وأنا كان نفسي يقلي أبغى أجبلك كذا ..

صح الماده مهي كل شي ..بس حلو لمن زوجك خصوصا يحب يدلعك ويفكر يفرحك

.................
المهم كل صحباتي وأهلي قالولي خلاص لاتدلعيه حيتعود إنك أنتي اللي تسويله وهوا مايسويلك شي

بس أنا ماأحب أكون كريمه مع كل اللي حوليني والإنسان اللي أحبه لا

بس أنا مرررررره خايفه من كلامهم

.....

المهم هوا دحين في أمريكا والعيد قرب وأنا أشتريت هدايا لكل اللي أعزهم بس هوا لا ...وبصراحه مررررره متضايقه من هذا الشي

ونفسي أسويله صوره كأنها في مجله ...وأرسلها له عن طريق البريد
وتوصله على العيد عشان ينبسط

...بس كل ماأتذكر أنه ماحيسويلي شي ومايفكر أنه يفاجئني أتضايق مررره وأحس أني راميه نفسي عليه ...

وياريت تنصحوني أسمع كلام أهلي وصحباتي وماأسويله شي ...ولا أطاوع قلبي اللي نفسه يشوفه مبسوط في العيد
وأصبر يمكن مع الأيام يتغير؟؟؟

وعلى فكره حتى المسجات كـــان دايما يحب يرسلي أكثر من مسج في اليوم حتى جوالي كان مايسكت من كثر المسجات

بس من يوم ما رجع أمريكا ...وهوا مايرسل ولا مسج وأسمعه يقلي رسلت لأصحابي وأقاربي وأنا الوحيده مايرسلي ..ماأدري أيش اللي غيره عليا في هذا الشي وهوا عارف أنه يهمني كل شي يسويه ليا ..