لبنات البحرين وإلا عندهم ليسن وإلا يدربون سياقة

فترة تدريب السياقه حلووووه
بس للاسف ما حسيت انها حلوه الا لما خلصت و اخذت الليسن
طبعا تدربت شهر 6 الي فات و اخذت الليسن نهايه شهر 7
كنت متازمه نفسيا و كل يوم و الثاني اصيح و اتدمر عند زوجي
و بعد عنااااااء نجحت و الحين اضحك على روحي
ما ادري ليش كنت متعبه نفسيتي على شي ما يسوى
و في نفس الاسبوع الي اخذت الليسن حملت هههههه

[COLOR="Green"]أنا بعد حاليا أتدرب وحالتي النفسية تعبانه كثير لانه المدرب لا يقبل مني اي غلطة وانا كلي اغلط هههههههه مأساة عن جد مأساه بس أدعولي أنجح وأفتك المسألة يبغي لها شوية تركيز[/COLOR]

حلوو الموضوع

الموضوع حلو بس السياقة شي ممل

انا كنت احن واحن ابي ليسن ومن اول يوم تدريب حسيت ان السياقة مملة ولاعت جبدي على ماخلصت خصوصا وان المدربة الي خذتها مأسااااااااااااة درجه اولى رسبت بعدين بدلت الى مدرب رجال ونجحت وطلع كل الي تعلمني اياه غلط في غلط

بس ترى سهل حده اهم شي تركيز

الله يوفقكم الي تتدربون

مرحبا

انا تدربت عند مدربة و كنت خايفة اني ما أنجح من الإمتحان الأول، بس الحمد الله خذيت الليسن من أول مرة .
ساعات احس السياقة مملة ،بس وقت الضرورة أحمد ربي اني تدربت.



في أمان الكريم

حلم السعادة هههههههههههه ضحكتني من الصبح على مدربك

يلا واصلو سوالفكم حلوه:tongue:

*um_jihad*;7266555:
فترة تدريب السياقه حلووووه
بس للاسف ما حسيت انها حلوه الا لما خلصت و اخذت الليسن
طبعا تدربت شهر 6 الي فات و اخذت الليسن نهايه شهر 7
كنت متازمه نفسيا و كل يوم و الثاني اصيح و اتدمر عند زوجي
و بعد عنااااااء نجحت و الحين اضحك على روحي
ما ادري ليش كنت متعبه نفسيتي على شي ما يسوى
و في نفس الاسبوع الي اخذت الليسن حملت هههههه

شكرا على مرورك أنا بعد كله أتذمر عند زوجي وهو يقلي صبري

للجميع شكرا على مروركم وانا حطيت الموضوع لأتحمس خخخخخ وفعلا فترة التدريب ممله جدا

الظل أن شاء الله انا بعد ناويه أخذه من اول مره بكل حماس

حلم السعادة أشلون قدرتي تتحملين بس ههههههه

the Queen 82;7277245:
حلم السعادة هههههههههههه ضحكتني من الصبح على مدربك

يلا واصلو سوالفكم حلوه:tongue:

اخ يا اختي كانت معاناه والحمدالله عدت على خير

أم مريم 5;7277427:
للجميع شكرا على مروركم وانا حطيت الموضوع لأتحمس خخخخخ وفعلا فترة التدريب ممله جدا

الظل أن شاء الله انا بعد ناويه أخذه من اول مره بكل حماس

حلم السعادة أشلون قدرتي تتحملين بس ههههههه

شسوي يا خيوه تحملت غصبا عني هههه بس حمدالله الريال كان في قمه الاحترام
طيب حده بس عيبه اتصالته الي ما تخلص ههههههه اقولج انا من اخلص تدريب من عند
باب السكه مال بيتنا ررررررررركيض مرفعه اكمام العبايه وعلى طووووووول وين المغسله انا عليها
اغسل يدي بلكس وديتول ههههههه وامي تضحك عليي من الصبح ههههههه بس صج انا بنسبه
لي ايام حلوة هههههه

بكره امتحاني ادعولي

ايام التدريب كانت حلوه بصراحه. انا تدربت رمضان السنه الماضيه واخذت الليسن بعد اجازه عيد الاضحى

راح تحسي بالملل لكن وقت الضروره راح تحمدي ربك انك تدربتي

التراي سهل وحاولي انك ماتوتري حالك

انا من ادش في كورولا ومع مرة اتخزبق وارسب

اول تراي دشيته مامشيت السياره خير شر وانا بالبارك رسبت ههههههههه

مارضت السيارة تشتغل بالمرة مادري ليش
ورسبوني
وكانت مع مرة والسياره كورولا


المرة الثانيه في ايكو ومع رجال مشيتها وسقت اوكي بس رسبت بالريوس لاني مااوقف السكان بالاخير لما اوقف من الارتباك اكمل ههههههه وتفتر السياره

المرة الثالثه في كورولا ومع مرة واول شي مارضت تشتغل بعدين اشتغلت وكل ومرتين يمكن بندت ههههههه والريوس مع اني اعرفه حسيت روحي مافهم شي ورجعتني والا معامتلهم الكريهه


كرهت التدريب وتميت اصيح هههههههههه خطيبي يقول لي عادي مب اول وحده

بس ماحس اني مستفيده من المدرب


هالمرة بغير المدرب وبندش لتراي وبنشوف والله يستر دعواتكم لي لاتنسوني الله يوفقكم


تعبت كل مرة ادش وارسب شكلي بحطم الرقم القياسي

مادري شسالفتي هو العيب بالكورولا لو مع النسوان هههههههههههه مادري

موضوع حلو

لي عودة

أخت ema شكرا على مرورك صاحبة الظل الخفي نحن ننتظرك


ميمي دشيت في كورلا امس ورسبت بس مو من السيارة مني ما ركزت عدل نفسيتي عن جد تعبانه وصار ما ودوي اكمل بسرعة دخل اليأس فيني:confused::confused::confused::confused::confused:

يالله أم مريم المره الثانية تنجحين

واتعرفين أنا رسبت أول تراي بس كرهت أقول لاحد لأني ما أعتبر نفسي فشلت لأن خطأي تعرفين شنو
شفتي آخر دوار اللي يطلعج بره هو قالي قبل ما أوصل الدوار يالله روحي أن اش عرفني بنيه وما أعرف كلام الصبيان كوعي وما أدري شنو كنت برجع داخل وأهوه قصده أطلع برع المدرسة بس صج إنقهرت عليه رسبني عشان جذي. ولما قلت للمدرب قالي لالالالالالا صج والا إتغشمرين ما صدق لأن كان دايما يقول لي إنتي دريول ههههه.

واتصدقين كرهت حتى أروح اتدرب لولا أن صديقتي قالت لي مردج بتاخذينه وخليت هالكلمة ترن في اذني ولا إهتميت ورحت مره ثانية وكان المرور ريال شايب ومن حظي كان في حادث برع المدرسة على الدوار ووقفت السيارة بس هو قالي لا شغليها وأمشي ولا حسبها علي لأن الحادث كان جدامنا، ورحت لما وقفت السيارة قلت أكيد برسب هالمره، قلت له رسبت لا، قالي لا نجحتي يبه والله إستانست وكل شوي أقوله صج صج كأني متخرعه هههههههههههه، بس صج نفعني الليسن وبعد أسبوع طلعت السيارة وسيده على السوق أشتري بدله يديده ههههههههههه.

أما المدرب سوالفه حلوه وهو أحسن مدرب في المحرق بس سيارته وصخه ههههههههه وداخلها كله رمل وزوليه شكله كل يروح البحر مع الأهل هههههه.

أول يوم وداني صوب قلالي وقالي سوقي قمت بكل ثقة حاطه في بالي التراي اللي خذته قبل جم يوم في سيايير الألعاب مال عذاري هههههههههه، وجان أسوق وهو يقولي سوي جذي والحلو أن يعلمج كل شي وايقول لي دوسي الكلج أقوله دايسته يقولي كله قلتله اكاني دايسته، إلا يقول لي أشوف جوتيج (جان أراويه البوت بكعب) قالي إن لبستي كعب مره ثانية بقطه في الشارع هههههههه.

ومره ثانية ياني وكان ولد أختي على الباب وأنا راكبه سيارة المدرب بكل ثقة عاد هو يبندها عشان أنا أشغلها وقعدت وعدلت الكرسي والمنظره ولبست الحزام وييت باشغل السيارة إلا أدوس البترول بدل البريك صج فشله وهو ساكت، جان يقول لي بعدين اش فيج نسيتي أكو الصبي يضحك عليج ههههههههه صج فشيله ولد أختي للحين ما نسى.

لكن ما أنسى يوم كنا راجعين من المدرسة لي المحرق عاد وإحنه على الجسر إلا يولع الليت مال البترول لأنها كانت على الإيمتي، إلا يقول لي وي خلص البترول يمكن تبند علينه السيارة، وأنا قلبي في ريولي خوفني عدل وطول الطريج أتخيل شكلي وأنا نازله من السيارة وهي مبنده في وسط الشارع والحر والعرق ههههههههه.

والأحلى في السالفة لما شفت صديقتي وأختها في المدرسة كل وحده مع مدربها واحنا نأشر على بعض صج خبااااااااااااال هههههههههه.

بس كانت أيام حلوه

قطاف شكرا على كلماتك ومردني باخذه بس نفسيتي للحين تعبانه مصدومه والوم نفسي على خطأئي

واااااااااااااااااااي ايام التدريب حده شييييييييييييييييي هههههههههههههههههههه

بس مرتين رسبت مو وايد يعني :$ احم
وكله فيالريوس البايخ :( ولا مره ريوست عدل ههههههههههههههه لازم ابركن في لتراب لووول ههههههههههههههههههههههههههه والله مسخره كنت ولا اسالهم بعد رسبت صح؟؟ امحق يعني لا اختي ناجحه وبتفوق بعد ههههههه
والثالثه الحباط بكبره فيني وكنت متحلفه ان رسبت مابي ليسن ولا شي ههههههههههههههههه
وجان ادخل لمتحان مع مرور عجيب كله يتضحك وكانو موصين علي هههههه << حركات الواسطه وبس لكن
الحمدالله نجحت بجدارتي والله وماكنت متوقعه انه ريوست صح ومن الفرحه اسأله صح او غلط؟؟ رسبت صح؟؟ مات ضحك علي ههههههههه والله وناااسه لكن لعب بعصابي لعب لين ماوصلت وانا اسال فيه قالي نزلي وبتعرفين داخل ودخلت وانا اتحلطم عليه اله دخل وناداني اله يسويلي ها عرفتي الحين شنو نتيجتج وجان اشق الحلج شكبره ههههههههههههههههههههههه

وبس ورجعت البيت وانا مبسوطه وتبدء الصرراعات مع ابوي اله حاسبي ومافي من الحين بروحج ووووو لين الحين صرت ماهره في السواقه بس الله وكيلكم فيه احد خير اقولي بركني ريوس في مكان ضيق ومليان سياير ولا بلميون هههههههههه بس اذا واسع اوكي وخذ اللعب في الريوس ابها اجيبه من اول مره وابها من بعد عشرين الف مره ههههههههههه

<<<<<< واااااااايد تهذر بس بس قلو ذكريات مو قصص ههههه
وبس سلامتك حبايبي بس عجبني الموضوع

فديتني رسبت في النظري ولا بعد عزمت الاهل بمناسبة الرسوب هههههههههههههه
وانتا ألحين موقفه بخاطري اخذ الليسن ادعولي الله يوفقني