مقبلاتي غييييييييييير حياكم

:poster_vt: عندي مقبلات وايد حلوة بس اسمحولي بالصور مو موجودة
أول وصفة :
خبز بالثوم
المقادير : صمون فرنسي ( مقطع شرايح مدورة ) والحشوة : ربع زبدة ، 2 فص ثوم ، 3 ملاعق كبيرة جبن ، 2 ملعقة كبيرة مايونيز ، قليل من البقدونس .
الطريقة : تذاب الزبدة ويوضع عليها الثوم المدقوق حتى يصفر ثم يرفع من النار ويضاف الحبن والمايونيز ثم يعاد للنار مرة ثانية على نار هادية ثم يرفع من النار ويضاف البقدونس
تدهن صينية الفرن ويضف الصمون ثم توضع الحشوة على الصمون ويدخل الفرن والنار تفتح من فوق وتحت .
ثاني وصفة :
سلطة قيصر
المقادير : خس ، توست ( مقطع مكعبات ومحمر بالفرن ) ومقادير الصوص : 4 ملاعق كبيرة مايونيز ، 4 علب زبادي ، فص ثوم مطحون ، رشة فلفل اسود ، ملح قليل ، 1 ليمون .
الطريقة :يقطع الخس وتضاف له الصوص ثم التوست المحمر . ( ملاحظة انا اضيف دجاج مشوي ومقطع مكعبات يصبح لذيذ )
الوصفة الثالثة :
توست الدجاج
المقادير : توست ، ودجاج ( صدور دجاج مفيوحة وبعدها انتف الدجاج مثل الشاورما واحط بالمقلى بصل وبقدونس واضيف الدجاج مع البهارات المشكلة وقطعة ماجي وحده ) جبن موزاريلا ، بقسماط ، بيض ، مايونيز .
الطريقة : افرد التوست بعد ما انظف الاطراف وادهنها بالمايونيز واضع قليل من الدجاج وألفها وأضعا بالبيض ثم البقسماط وهذا الحال مع بقية التوست وأقلية طبعا يصلح للتثليج عادي .
وبالصحة والعافية .