بيس .. فاونديشن ... بودر .. كونسييلر ..

Hams Alba7ar 21-09-2008 3 رد 1,910 مشاهدة
H
السلام عليكم
شخباركم يا عرايس
وشخباركم مع رمضان
وان شاء الله جهزتو للعيد

المهم انا يدخل في الموضوع

لاحظت ان اصعب شي وقت الي نشتري المكياج اهو البيس والفاونديشن والبودره واللوز بودر والكونسيلر

ودايما نشتري بودر وفونديشن ويطيح في جبدنا
يا انه مو ثابت او انه مايناسب نوع بشرتنا
ياريت نسوي هالموضوع ملف او مرجع للفاونديشن والبيس والكونسيلر والبودر واللوز بودر
وياريت كل وحده تدش الموضوع تقول لنا عن نوع بشرتها ( دهنيه جافه مختلطه عاديه حساسه ) وماركة البيس والكونسيلر والبودر والفاونديشن والووز بودر
وياريت كل وحده جربت شي من هالمنتجات وماعجبها تقول لنا الماركه والسبب

اتمنى ان الكل يشارك
وعيدكم مبارك مقدماً
ب
بشرتي دهنيه
البيس that gal من بينفت
الفاونديشن Guirlain
البودره Guirlain
اما اللوس باودر عندي حاليا Clinique بس مدحولي Mac و حابه اجربها

بس لا تنسين كل وحده تجربتها غير عن الثانيه و مب شرط اذا ناسبني يناسبج و العكس ..
c
يسلموا الغلا على الموضوع الفله
وانا هذا اول رد لي من شهووووور
بس عشان ما اكسر بخاطرج ^_^


البيس..
الصراحه جربت وايد بيسات بس ما بهرني ولا واحد
بس اللي حبيته اكثر شئ اللي من بينفت



أما بالنسبه للفاونديشن..
استخدم double wear من استي لودر للمناسبات او المسا... يجنن شوي عليه
وللايام العاديه او للصبح استخدم ماك فاونديشن face & body.. يعطي لوك طبيعي ولامع؟ (dewy)
واذا مالي خلق احط فاونديشن استخدم المينيرالايز سكن فنش فاونديشن من ماك.. وها يكون فاونديشن بس على بودره.. وخفيف على البشره.. احبه وااايد ومرتاحتله
طبعا هالفاونديشنز اللي جربتهم وحبيييييييتهم من اعماق قلبي!!
فيه فاونديشنز جربتهم وعيبوني فترى وعقب غيرت مثل مايبلين اللي على موس.. وماكس فاكتر جربت ثلاث انواع بس اللي عيبني اكثر شئ هو اللي مثل سائل على كريم اظني اسمه Long performance بس مب متأكده.. جربت بعد بوبي براون، لانكوم، شانيل، ماك ستوديو فكس، ايف سان لوران، استي لودر day wear، كانيبو...
بس اللي استخلصه من تجربتي ان وايد جربت وحبيت فاونديشنز بس كنت بين فترى وفترى اغير،، لانه طبيعة بشرتنا تتغير مع الوقت والخ.. والفاونديشن مب شرط يكون ماركه عشان يكون حلو... بس اهم شئ انج تختارين الفاونديشن اللي يناسب نوع ولوووون بشرتج



أما البودره.. فيه اللوز والمضغوطه
للوز حبيت جيرلان... حلوووووه ونااااااعمه,,, بعد عندي لوز باودرز من ماك.. حلوين ,, وجربت مع مال جيفنجي اللي بو اربع اظني اسمها برزم لول.. بس ابدا ما حبيتها.. ما ادري ليش مع ان البنات يمدحونها وجربت من رد ارث.. مب شئ
وشاريه بعد من ماركز اند سبنسر translucent powder رخيصه اظني اب 15 درهم بس ترا حلوووه
والمضغوطه جربت جيرلان وماك وكانيبو وجيفنجي... كلهم حلوين الصراحه ما استخدم وايد المضغوطه.. بس تعيبني مالت جيرلان.. كانيبو حلوه. وجيفنجي عاديه وماك وايد حلوه بس الوانها ما ناسبتني..



امم واحين الكونسيلر..
جربت من ماكس فاكتر اللي مثل قلم.. زوينه.. وجربت مالت ريميل حلوه حق سعرها... وجربت الباليت من ميك اب فور ايفر وااايد حلوه.. وبعد من ميك اب فور ايفر جربت اللي اسمه كونسيلر لفت.. حلو بس الدرجه اللي خذتها غامجه علي فما استخدمها ... ومن ماك جربت اللي اتكون في تيوب واللي اتكون جامده وثنينتهم روعه...
بس احلى كونسيلر استخدمته وكل ما يخلص اخذه هو كونسيلر ايف سان لوران! اكثر واحد ناسبني...


امم وشو بعد... جني وايد هذربت هههههههه قلت اطلع كل اللي عندي
وكان خاطري احط صور بس الهيازه واهوالها ههه

وصح انا بشرتي عاديه بس حساسه
س

الله يعطيك العافية
ممكن سؤال ياليت تعلموني وش هو ( البيس )
وش هو افضل نوع كونسيلر ويعطي لون طبيعي
X