اااااخ معاناتي مع الحمــــــــــل

الله يهوون عليج ذكرتيني بنفسي اول ماحملت ..

روحي ريحي بيت اهلج لين تخلص النساه مايسوى علييج حتى الماي تكرهينه :(


بس حاوولي تاكلين شي يقويج ويعطيج طاقه ونصييييييييحه لاتهملين نفسج ع الاقل بيجاما مرتبه وشعرج مرتب

وحاولي تفهمين زوجج انج متوحمه فيه ,, اعتقد ماراح يزعل الحين اذا ماقلتيله بيحط بخاطره


فيه حبوب للوعه تخففها اخذيها من الصيدليه .. والله يهون عليج وعلي وعلى كل حااااااااااامل يالله هانت لي وصلتي الرابع بتخف النساه ان شاء الله

والله حالتج مثل حالتي بالضبط


أنا الإسبوع إلي راح دخلت الشهر الرابع


وللحين اللوعة والدوخة ذابحيني


حتى ما صمت إلا 3 أيام من الترجيع والحالة


زوجي ما اطيق ريحته ولا احب اشرب شي


احس كل الأكل حامض


وجسمي قاعد يضعف


لكن ما نقدر إلا نصبر


كلها جم شهر وإن شاء الله تنقضي على خير


وتحياتي

الله يتمملتج على خير ويفرحتج بجنينتج

ام جهاد

سلامتج الف سلامه

بس ياحبيبتي الي يبغي شي يصبر على شي

ان شاءالله الوحام يخلص وترجعين مثل الاول

بس نصيحتي مثل نصيحه اخواتي روحي قعدي ف بيت اهلج ع الاقل اسبوعين تغيرين جوو ومنهااا تشتاقين لزوجج...وترتبين له ليله ولا احلى :)

ما عندي خبرة بالنساة ..

بس دخلت عشان ادعيلج ربي يشافيج من اللوعة والنساة باقرب وقت ممكن.. ولا تهملين نفسج يا قلبي .. حاولي قبل لا يجي بساعة تآخذين شاور دافي ينشطج والبسي وتعدلي ..

وبخصوص الماي اخلطيه بماي الورد يمكن تحبينه..

اما بخصوص الجماع اغلب صديقاتي الحوامل يكرهون الجماع ببداية الحمل .. يعني شي عادي

الله يكون بعونك يا قلبي وتفتكين من النساة وترجعين مثل اول واحسن :)

والله يا أختي ذكرتيني بوحمي و لما كنت ب 9 أسابيع إلى 12 إسبوع كان القمة ..
اشم ريحة غريبة في الشقة و اكره الماي و كل الأعراض اللي قلتيها حتى الجماع أول 4 شهور من الحمل كان مستحيل .. كنت اتعمد ادخل انام قبل زوجي مسكين :)
كنت طول اليوم في بيت أهلي ارجع بس حق النوم ..
بس كلها فترة وراح تروح .. وانشاء الله لما تدخلين الشهر الخامس راح تحسين بتغير في نفسيتج و راح تحسن انا الحمل ممتع ،..

الله يهون عليج و يخفف عنج ..

اختي عروس قطرية ...و الله حتى زوجي قال لي روحي بيت اهلج اسبوع حتى تغيرين جو و النفسيه
بس مشكلتي ما اقدر اعيش برى شقتي .. حياتي في هالمكان
و اصلا حتى لو بروح ما بقدر انام في مكان مو مكاني و لا اغراضي و لا حمامي عندي
و بيت اهلي بعييييييييييييييد عن شقتي ما بيقدر زوجي كل يوم يجي يشوفني
و ما اتحمل افارقه يكسر خاطري
صابره و متحمله ما ادري الى متى ..
بشوف الصيدليه حق حبوب اللوعه .. انا سالت حماتي قالت لي بس الي يصيدهم ترجيع يعطونهم حبوب انتي حالتج عاديه ما يعطون
و مشكوووووورة اختي على ردج الجميل

اختي عراديه ...الله يعينا جميعا .. و الله اكره شي لما يتغير طعم الاكل حتى انى اغلب الاكلات احسها صارت مالحه
معقوله الى الشهر الرابع يستمر النساه ... الله لا يقوله ما اقدر اكثر من الثالث اصبر نفسي و احسب متى اخلص الثالث و ارجع طبيعيه .. الله يعينج الى الرابع نفس الحال .. ما تشوفين شر

اختي شااانيل .. تسلمين على دعواتج الطيبه و ان شاء الله الفال لج تتنسين بس مو مثلي

اختي ام منصور .. يهون التعب قدام الي جاي هي اكبر هديه حق الزوج
صعب اروح بيت اهلي ما اعرف انام هناك خلاااص تعودت على سريري و غرفت نومي
و بعد العيد ذكرى ملجتي نكمل 3 سنوات على الملجه و خاطري اسوي له حفله بسيطه في الشقه
بس ما ادري اذا اقدر او لا بشوف ايام العيد اذا احد من خواتي يساعدني
محتاجه اغير الروتين و يشوفني بوجه مرتب من حملت الى اليوم ما شاف شعري مسشور او حاطه مكياج او لابسه عدل .. ادري ان غلط بس مو بايدي غصب عني

اختي دريم ويب ... ان شاء الله تتنسين عن قريب بس على خفيف ادعي لج من كل قلبي
بحاول من بكره ارتب نفسي قبل ما يوصل من الشغل .. و اذا استانس بقول له ترى هذي فكرة دريم ويب .. اكيد بيقول عني تخبلت و هذا من الجوع هههههه
تسلمين اختي على دعواتج الحلوه مثلج


اختي نور النجوم ... الله يسهل لج و تولدين بالسلامه .. ان شاء الله تعدي هالاربع شهور و اتحسن نفسيا و معنويا و اعوض زوجي عن هالايام
ان شاء الله نسمع خبر ولادتج بسلامه ..و يسلمووو على ردج

الله يسهل عليج اختي انا حالتي كانت صدق صدق صعععععبة و كل شي ممنوع حتى الجماع لانه كان ينزل علي دم و الحمدلله انه زوجي كان مسافر ..صدق اللوعة و الروائح و الارف و التعب ماله علاج الا الوقت و الصبر و الراحة و الله انه ما نفعني شي من 5 اسابيع الين 14 اسبوع و حالتي حالة بس اللوعة خفت شوي بعد 12 اسبوع ..كل هذا يختفي مع الوقت في ناس ياخذون ادوية بس انا ما انصحج فيها لانه اهم شي صحة البيبي و كل شي يهون..كل باجره بس انتي حاولي تمتنعين عن المشاوي و الاكلات الدسمة حتى لو شوي و نامي عدل و ان شاءالله التعب يخف بعد رمضان ..و الله يسهل عليج

هالشي طبيعي اغلبنا مر فيـه

نصيحه روحـي بيت اهلـج وارتاحي هنـاك لين ترووح منج النسااه

انـا نسااتي استمرت معاااي للخـامس كرهت كل شي في بيت اهل زوجي حتى اكلهم ويومي كله ترجييع

وبالعكس زوجـي خذاا بيدي ووداني بيت اهلي قـال انتـي اللي تهميني مابي يصير فيـج شي

والحمدالله اول ماحسيت اني بخير رجعت بيتي وامـوري مستقره

لاتفكرين انه يكسر خاطرج وبتحمل ,,, فكري بنفسج وبصحتج انتي محتاجه طااقتج هالفتره

والله يتمم لج على خيـر

الحمدلله .. ربي يخفف عنك ويتمم لك على خير وسلامه ..

أختي أم جهاد نفس المعاناة اللي تمرين فيها أنا بعد أمر فيها وأزيد بعد خاصة مسألة الجماع زوجي مسكين صابر علي واحساسي بالذنب ذابحني اتمنى أغمض عيني وأفتحها ألاقي نفسي ولدت . الله يهون علينا أجمعين

هلا وغلا بإختي ام جهاد >>> شخبار ج وشخبار رفيج ولدي

إختي الله يساعدج >>> ويهون عليج وعلينا

انا بشكي لج حالي >>> اللي ما يعلم فيه إلا رب العالمين >>> وما ابين لاحد من برا >>>> يعني الكآبة صايرة في حدود شقتي وبس


انا الماي لمن اشربه احس اني قاعدة اشرب شي معدني من بداية الحمل لحين >>> وحزة الصيام خاطري اشرب جيك كامل من الماي البارد >>بس اول ما اذوقه تلوع جبدي >>> والحين كله اشرب من ماي الصحة ((المياه المعدنية )) لا ومو كل نوع احبه >>>>>

وكله بردانه وأرجف ويا مشغله المكيف يا مطفيته >>>

وبخصوص الاكتئاب والزعل حدث ولا حرج >> صار لي اسبوع ما اكلم زوجي >>> ما ابي اكلمه ليش وعشان شنو؟؟؟؟؟؟؟؟مادري >>> طبعا الاسباب حدها تافهه >>> وهو مسكين متحملني

تصدقين انا من بداية رمضان ما طلعت اللهم إلا بيت أهلي ومرتين طلعنا ساعة وردينا مالي خلق حتى الثياب اللي علي ما اشتهيهم >>>> وكله متضايقة ابي اصيح بسبب ومن غير سبب >>>>

لا اتعدل مثل العالم والناس وشعري من اسبح سيده اربطه كله >>>> عكس قبل كله شعري مسشور >>>> وكله قاعدة بالبيجاما >> وراقدة في الصاله مجابلة التلفزيون لليل يعني >>>اكل وتلفزيون ونوم >>> تخيلي الوضع وبدون كلام >>>> كاني عايشة بروحي >>>> وكله دايخة زين مني اغسل الصحون والثياب واكنس الشقة واغلبهم هو يسويهم فديته والله >>>لو واحد ثاني مكانه جان طفش من زمان >>>> وإذا يطلع كل شوي يتصل ماأرد عليه >> اقوله التليفون في الحجرة >>>مع اني ما حب اسوي له هالحركة ولا لأحد >>> بس لاني ما اشتهي اكلمه ولا اكلم احد >>>>والتليفون أغلب الاوقات سايلنت

حتى الفطور ما اشتهي انزل بيت عمي آكل وياهم >> اتفطر فوق >>>> آكل وأرجع لما كنت عليه من الكآبة والحزن والتلفزيون والوحدة>>>>>

ومسكين هالريال كل ما يقرب ابعده >>> حتى إذا بالليل يبي يدلعني ويرقدني ادزه ما بيه ....... وأعصب على شنو مادري

الله يساعدني ما دري هالوضع لي متى بيستمر معاي
ما حسيت برمضان ولا حتى بالعيد ماشريت ولا شي ....

سامحوني إذا طولت عليكم >>>> بس والله ما عندي أحد اشكي له الحال

الله يكون بعونج اختي ام جهاد >>> شخبار الم الظهر معاج ان شاء الله احسن

شمس حياته ...
تسملين اختي على ردج .. و الله خففتو عني واسيتوني احس ان مو بس انى في هالوضع كل البنات جذي
ان شاء الله يمر الشهر الثالث على خير و ارجع مثل قبل ... راحت ايام العز هههههه

يغار الحلى ...
مشكورة اختي على تفاعلج و ردج علي ... كلامج صحيح المفروض ابعد عن الشقه كم اسبوع .. انا مثل السمكه ما اعيش برى البحر .. بس اتفقت معاه ان يوميا العصر اروح بيت اهلي الى الساعه 12 يجي ياخذني على الاقل اشوف بيت اهلي كل يوم و اغير جو معاهم و انسى الروائح الي في الشقه و اشرب ماي على راحتي

ريحانه القدس ...
الفال لج عزيزتي و مشكوووووووووووورة على دعوتج الطيبه و الحلوه مثلج .. ان شاء الله كل حوامل المنتدى يقومون بالسلامه

محمديه ...
الله يعيني و يعينج اختي .. صج الحمل مو سهل و الي تولد بعد 9 شهور انا اسميها بطلـــــــــــــــــه .. ان شاء الله كلنا ابطال و تروح عنا هالحاله الكسيفه .. والله الحال من بعضه من حملت الى اليوم يمكن بس مرتين قعدت مع زوجي قعده رومنسيه و غصب عني

نياز ...
لا تشكي لي ببكي لك .. نفس حالي بس انا ما انعزلت عن الناس و اسولف مع زوجي عادي بس من بعيد لبعيد لا تتقرب و التلفون هو الوحيد الي اقدر اقول له فيه كلام حب على الاقل اعوضه لين طلع و اتصل فيني ادلعه شوي .. حرام لا كلام و لا فعل ..
و بالنسبه للماي نفس الحال في الشقه يشتري لي ماي من برى ما اشرب الموجود عندي بالشقه .. و ارتاح اذا طلعت من شقتي و احس بتعب و ملل اذا يقول لي يالله نرجع شقتنا اااااخ ما احب ارجع الشقه لان ادري اول ما بدخل بشم ريحه قويه بتعكر مزاجي

و اذا على الترتيب و الله مثل حالي طول اليوم ببجامه و الشعر بس مرفوع بدون ترتيب و الوجه اصفر

الحمد لله على كل حال المهم يكون الجنيين سليم و نفرح فيه بعد هالمعاناه

حبيبتي هانت ما بقى شي ان شالله...عقب الاسبوع ال 12 ان شاء الله الامور بتتحسن :)
انا نفسج في حملي هذا كرهت الجماع بطريقه فضيعه وقلت حق ريلي عشان ما يقربلي لانه يوم كان ايقربلي احس برجع في ويهه مسكين..وخفت استمر على هالحاله وايد بس الحمدلله عقب الشهر الرابع صارت الامور عاديه وعطيته الليت الاخضر خخخ :)

اتوقع الصوم صعب عليج و لج عذرج لانج في الشهور الاولى...اذا كنتي وايد تتعبين من الصيام يجوز لج تفطرين خصوصا وان البيبي محتاج تغذيه جيده هالفتره لانه في مرحله التكون الاساسيه و كل اعضائه تقريبا تتكون هالفتره...
هانت ان شالله و بيمر الوقت وما بتحسين الا بعمرج احسن باذن الله

ياربي تعيننا بس
ومااقول الا الله يجازي والدينا الجنة
انا مرررررررة تعبانة من الوحم
يوم قريت الشكاوي عندكم استانست في احد مثلي
انا حييييييييل تعبت خصوصا ببيتي لا اكل ولاشي
اول رمضان كنت اخذ مغذي وابر
طول الليل ترجيع وبالنهار صيام
ماعاد فيني طاقة
اذا رحت لاهلي استانس واكل
بس شقتي ياربيييييييييية انواع اللوعة والتكشير
انام عند اهلي يومين ويوم ببيتي
لا ولا اسوي فطور ولاشي كلة من برا
واول حملي كنت بس ابكي ليش مدري
يضيييييييق خلقي وابكي لحد ماانام

بس الحين كاني احسن ولله الحمد
حتى الحبوب جربتها ماحس لها فايدة
على فكرة لسا بكمل شهرين ان شاء الله

السلام عليكم يا اخواتي

انا اختي بالشهر السابع من الحمل وتعاني من كلف الحمل لان جسمها بدا يسود في مناطق كثيره فاعطوني الحل وشكرا لكم