قرار جدا مصيري لمستقبلي؟؟؟
n
20-09-2008 | 01:35 PM
والله يا بنات انا متحيرة في قرار مصيري وهو بخصوص عملي ( وهو ان عملي حسبي الله ونعم الوكيل فنشوا تقريبا عدد من الموظفين وقاعدوهم وانا تونى مشتغلة من 11 سنة ومعاشي يقارب 500 دينار وهم حسبي الله عليهم عطونى عرض ان يعطونى درجة زيادة بأثر رجعى ويشترون لي 5 سنوات من الخدمة وانا شارية 5 سنوات يعنى بتوصل سنوات خدمتى 22 سنة ، اي قاعدونى يعنى بيمشي لي معاش تقاعدى 200 دينار وانا محتارة من امرى ( انا طبعا عندى واسطة ارجع لكن المشكلة اذا رجعت ما اعرف اي مدير بيكون مديري وشنو بتكون طبيعة العمل وهل يضايقونى او لا ، زوجى يقول فرصة دام ان يقاعدونك وانتى صغيرة بالسن احسن لك بدل ما تشتغلين 25 سنة واحصل نفس المبلغ اللهم زيادة على المبلغ 30 دينار........ شنو رايكم ارجع وما بينعرف من بيكون مديري وشنو بتكون طبيعة عملي او اقبل بالعرض واتقاعد على 200 دينار ... عملما ان عيالي صغار ............شنو رايكم يا بنات......
a
20-09-2008 | 02:00 PM
الغاليه لو مب محتاجه الشغل اكتفي بمعاش التقاعد و يلسي مع عيالج احسن لهم و لج...خصوصا اذا كانوا صغار و يحتاجونج
u
20-09-2008 | 02:07 PM
حبيبتي يعتمد عليك .. هل انتي تحبين الشغل ولا تبين تقعدين بالبيت تتفرغين لتربيه عيالك .. بالنسبه لو كان الامر لي من يعاف يقعد بالبيت ويمشي له راتب ... واعتقد زوجك والحمدالله يشتغل..
انتي فكري فيها وحسبيها .. لو عندك نشاطات غير الشغل تقدرين تمارسينها وتتفرغين لها سويها ليش لا الواحد وهو صغير يبي ييسوي اشياء وايد ... في حياته قبل لا ينشغل فيها مع الشغل وهمومه
ام جنى
انتي فكري فيها وحسبيها .. لو عندك نشاطات غير الشغل تقدرين تمارسينها وتتفرغين لها سويها ليش لا الواحد وهو صغير يبي ييسوي اشياء وايد ... في حياته قبل لا ينشغل فيها مع الشغل وهمومه
ام جنى
n
20-09-2008 | 02:36 PM
انا هاي عرض خاص ما بيصير في ولا وزارة من وزارات الدولة وانا افكر في المستقبل هل بتم على ذمة زوجى او نطلق الواحد ما يعرف شنو مخبي له المستقبل او يموت ونتغربل انا وعيالي الواحد ما يعرف شنو بالزمن يصير بس هاي عرض ما يتحصل بعد يعنى اذا بتم عقب 10 سنوات اشتغل لين اوصل الى 25 سنة واحصل على معاش تقاعدى نفس الراتب احصل او اقل لأن معاشاتنا جيذي ..... يالله باروح اتوكل على الله باجر اوقع واخذ حقوقي بعد شنو اسوى الله يرزقنى ويبارك لي في كل دينار مع العلم 200 دينار شنو تسوى بهالزمن ..... ما قول غير حسبي الله ونعم الوكيل على اللي كان السبب في ظلمنا وقطع رزقنا...........