السياحة في هولندا..تقريري المصور

هني عاد لما وصلنا الشقة .. وبحط لكم بعض الصور الملطلة على الشقة .. وحديقة قريبه من السكن حلوة وايد ..











وهني صور لمدينة اسمها den haag سوقها حلو ... وكبيرة وفيها قلعة اثرية لفينا من حولها ما دخلناها زحمة ...















هالمنظر متكرر طول الطريج في اي مكان تروحونه حتى اني احس اني في رسوم هايدي او فتاة المراعي هههههههه


ورحنا بعد حديقة حيوانات اسمها Burgers' Zoo بصراحة كبييييرة وحلوة .. هني الحيوانات واللا بلاش مب عندنا ههه فيها حديقة استوائية صدق بجوها وحيواناتها ومسوين بعد حياة بحرية كاملة فضييييعة و الصحرا والسفاري يعني كل الي تبونه ... وهذي مقتطفات بسيطة











وهذي صور لهولندا المصغره انا ما رحتها بعدني .. حلوة فيها مباني هولندا بشكل صغير ... اسمها ميني هولند ولها اسم ثاني ما ذكره











وهذي صورتين جي هدية لكم هههه





وسلامتكم ان شالله بس تعجبكم الصور ..وهالي قدرت احطه الباجي ما ينفعون واي استفسار انا حاظرة .. وطلعاتنا محدودة هالفترة عشان رمضان تدرون ودراسة زوجي .. وخلااااص ابا ارد البلاد .. اوروبا كلها ما تسوى حر بلادي فديتها :(

:clap::clap::clap:
رووووووووووووووووعه تسلم ايدينك ياااااااااااااي شوقتينى اسافر صور فوق الخيال ابداع ويشرفنى انى اكون اول من يرد على موضوعك المميز وربي لو بيدي اعطيك تميز على هالتقرير الرائع (y)ننتظر جديدك حبيبتى الله لا يحرمنا منك:wink:

روعة تسلمين تقرير مفصل كامل وشامل
كفيتي ووفيتي

حبيبتي rasseess اخجلتيني هههه .. تسلمين الغالية على المرور الحلو .. وان شالله تسافرين لها وتقولين لنا ..

عزيزتي الفن الاصيل اشكرج على مرورج العطر ...

وتحياتي لكم

حبيبتى عيون بوظبي حبيت اسألك عن الجو عنكم الحين بارد؟؟؟؟ وكيف نظرتك عموما عنها تستحق الزياره ولا لا لانه بصراحه كان خاطري من زمان اروح لها وقاعده افكر في الموضوع:21_209:

الحين حبيبتي الجو حلو .. وعموما هولندا كل مرة شكل يعني ممكن الشمس تكون طاالعة وفجأة ما تلقين اللا مطر ..

والحين درجة الحرارة عندنا 16 برودة بس حلوة وخفيفة مب نفس برودتنا تعور في العظم ههههه

وهي حلوة وتستاهل زيارة بس مب بروحها يعني الواحد ما يتعنى لها بروحها يكون بيلف اوروبا ويزورها لأنه مافيها اماكن سياحية واثرية وايد .. يعني مشهورة بحدائق الحيوانات وطبيعة حلوة واسواقها بعد حلوة...

وترا غاليه ههههه بس اتوقع اروربا كلها نفس الشي

يسلموووووووا ياعمري

والله الصور مرررررررررررررررره شي

مشاءالله تبارك الله احسن الخالقين

الطبيعه وايد حلوه سبحان الله


مشكوره يالغالية على التصوير الحلو


وان شاءالله تردون بالسلامة بعد ماياخذ زوجج شهادته

مرحبــــا


موضوع رائـــع..


حبيبتي انا ساكنه في Den Haag ( لا هاي ) اتفضلو عندنا عل فطور.. :)

اي استفسار انا بالخدمه ..

الله يسلمكم من الشر حبيباتي .. واشكركم على المرور الحلو ..

حبيبتي سحر .. تسلمي الغاليه ما تقصرين والله .. احنا بعيد في انسخديه..

وماشالله مدينتكم كبيرة وحلوة بس غاليه هههههه واحلى شي فيها مطاعم عربية وايد عكسنا احنا هني

روعه تسلمين ع الصور

يااااااااااااااااي يام مصبح

تخبلت على صور الطبيعة..

وكله كوووووووووووم وصور الغيم كووووووووووووووووم بروحه


ما تحذفون علينا كم غيمة صوب الخليج شوي هههههههههههه


يالله ان شاء الله تنقضي الشهور بسرعة وتردون البلاد بالسلامة..

يعطيج العافية على التقرير الرائع

تسلمون على الاطراء الحلو ..

جمانة لا ممنوع الغيوم لنا بس هههههههه

شعلينا الجو دوم حلو وبراد .. ونوم بدون مكيفات..

يالله كلها كم شهر وتبردون بعد هههههههه

ما شاء الله المنطقه وايد روعه

والأحلى التصوير وايد عجبني

الله يعطيكي الف عافيه

ما شاء الله عليك يا عيون بوظبي كل شي حلو يعطيك العافية

تجنن الصور ... ما شاء الله عليكي مبدعة ... شجعتينا نروح هولندا ...

روعة تسلمين تقرير مفصل كامل وشامل
كفيتي ووفيتي

الله يسلمكم ان شالله ..

واشكركم على المرور العطر