بنات بسسسسسسسررررعة help me

ي

يارا*_*

عروس مشاركة

18-09-2008 | 03:29 PM

السلام عليكم ورحمة الله و بركاته...
كيف حالكم يابنات ؟؟ إن شاء الله بخيرررررررررر وكيف رمضان معاكم ؟؟
المهم مادري كيف أدش في الموضوع ...حابه أخذ برايكم أنا مخطوبة من أكثر من سنة و زواجي بإذن الله راح يكون في شهر ..12 أو 1.. هجري طبعاً يعني بافي 3 أشهر تقريباً و أنا لسى ماجهزة ولاشئ أبداً مادري متى أبدى و أيش الأشياء اللي لازم أبدى فيها و المشكلة أنا أول وحده في عايلتي أتزوج ماعندي أحد عنده تجربة قبلي و أنا صغيره يعني حتى رفيجاتي ما عندهم خبره و الله مبتلشه بعمري مادري شسوي و لاخذت مهر و لاشئ مادري كيف أبدى حتى فستان الملكة ما اشتريته ياليت تساعدوني تخبروني كيف أجهز متى أبدى والله مالي إلا الله ثم أنتم ..
بليز لاتطنشوووووووووني ..:confused::confused:

3

3ahad

عروس مشاركة

20-09-2008 | 08:18 AM

وسعي صدرك يالغلا
والف مبرروك يارب يجعله ربي زواج العمر .. ودعواتك لي بالزوج الصالح يارب

المفروض تستلمي المهر عشان تبدي تدبشي غريبه مخطوبه من سنه ولا فكروا للحين يدفعون المهر

يالغلا في ناس كثير يعطون المهر بالملكه بس هذول اللي يسون ملكتهم قبل الزواج بشهور عشان البنت تقضي

لكن انتي للحين ماسويتي ملكه لازم ابوك يتكلم ويطلع على الاقل نص المهر
في مواضيع كثير للتجهيزات يالغلا ادخلي قسم التجهيزات وطبي واختاري

ابدي اول شي بفستان ومتطلبات الملكه
التدبيش ماراح يطول ان شاء الله شهر او حتى اقل وانتي قاضيه كل شي بس اهم شي رتبي طلباتك
ابدي بفستان الملكه وحاولي تبدين بأشياء معينه مثلا الملابس الداخليه يوم الجواتي والشنط يوم القمصان يوم وكذا

اتمنى اني افدتك ولي رجعه للموضوع ان شاء الله الحين دايخه نوم ولا حبيت ادخل واطلع ماقول كم كلمه لك
برب

س

سارة المزعورة

عروس رائعة

20-09-2008 | 01:23 PM

اية فستان الملكة دة؟

{

{ الـسنعوسيه ~

عروس مشرقة

20-09-2008 | 01:31 PM

يارا

الف الف الف مبرووووك

ولا تحاتين التجهيز ما ياخذ وقت وايد اهم شي تاخذين المهر وتكتبين الاشيا اللي تحتاجينها

ومثل ما قالت عهد بتخلصين في اقل من شهر

نظرا لاني عزابيه ماراح اقدر افيدج بتجربتي بس حطيت لج مواضيع حلوه ومفيده

http://www.3roos.com/forums/t262062.html

http://www.3roos.com/forums/t218694.html

وعساج اتهنين حبوبه

ساره المزعوره
فستان الملكة يعني فستان كتب الكتاب

ي

يارا*_*

عروس مشاركة

20-09-2008 | 11:17 PM

مشكووووووووووووووووووورررررين على الردود طمنتوني الله يطمنكم ...

3ahad... الله يعطيك العافية طمنتيني ما ملكت لحد الأن لأنه مو هني يدرس في الخارج ...

سارة المزعورة .. نورتي و أتمنى أفدتك أختي السنعوسية ..

السنعوسية ... الله يجزاك خير و عقبال لك إن شاء الله و مشكوووررة مرة ثانية..