فطور قطاف إختراعات وتطبيقات

الطبق الثاني عبارة عن صينية التوست بالتونه

في صينية الفرن صفيت طبقة من التوست مقطع الأطراف بهذي الطريقة



الطبقة الثانية عبارة عن (علبة تونه كبيرة الحجم (العلالي) مفتته وفلفل أسود ورشة ملح وحطيت معاه مشروم قطع صغيره وأضفت له ملعقتين من خلطة الكريمة (كوب كريمة خفق + ملعقة جبن + ملعقتين مايونيز) وصفيتها على التوست.



بعدين طبقة ثانية من التوست منزوع الأطراف
والطبقة الأخيره نصب خلطة الكريمة على التوست



ورشيت عليها جبن البارميزان (طبعا أنا خليتها ربع ساعة على ما أجهز البيتزا عشان أدخلهم الفرن مع بعض وتشرب التوست الخلطة زين.




وهذي شكلها بعد ما طلعت من الفرن (طبعا تركتها في الفرن بس من فوق لمدة 15 دقيقة أو ليما تتحمر.



يتبع

الطبق الثالث كان عبارة عن بيتزا التوست شوفوا اش سويت

أولا ما كان عندي وقت أسوي العجينه وبصراحة ما قط ضبطت معاي عجينه البيتزا (لأنها تبي وقت للدلع وأنا ما عندي وقت أدلع عجاين هههههه)
فكان خياري الذهبي التوست قمت قطعت أطراف التوست ، وكنت شارية صلصة البيتزا الجاهزة من العلالي اللي فيها قطع زيتون ومشروم (كلش ما أنصح فيها طعمها فاشل) وحطيت عليها جبن البارميزان ودخلتها الفرن بس من فوق عشان اتذوب الجبنه، وهذي شكلها (طبعا جنكم ما أتشوفون المحروق هههههههه) طبعا بعد ما طلعتها من الفرن غطيتهم 10 دقايق بصينية عشان ما ينشفون.





والطبق الرابع هو الحلاوة الهندية على طريقة عيوز قطرية بصراحة روعههههه وطعمها مثل الإلبه

نحتاج كوب حليب نيدو + بيضة + ملعقة صغيره بيكنج بودر وأنا أضفت لها شوية حليب جوز الهند
طبعا تعجنين المكونات باليد حتى تتكون لج عجينه متماسكة ولينه (بس شويه ما تاخذ وقت)، وبعدين غسلي يدج وإعملي كور صغيره (أنا عملت 16 كره صغيره بحجم الخاتم) طبعا هم ينتفخون بعدين بما أن فيهم بيكن بودر. لو تلاحظون الصورة أنا حطيت شوية سكر بس كلش ماله داعي وحسيتهم تبططو من السكر بس لحقت عليهم.



وبعدين حطيت 3 أكواب ماء وخلطتهم بثلاث ملاعق حليب نيدو (أنا ما كان عندي حليب طازج) وفنجان سكر وحطيتهم على النار وضفت لهم كم قطرة ماء الورد + ملعقة هيل + شعرات الزعفران، وخليته لين يغلي بعدين خففت النار وسقطت الكور فيه وغطيته، طبعا أبدا ما ياخذ وقت يعني كلها 10 دقايق واتشوفين الكور كبرت (عاد مو أتخلينهم يتفجرون هههههه) وطفيت النار وتركتهم يرتاحون وتنزل حرارتهم بعدين حطيتهم في ملال مع شوية من الحليب اللي غليتهم فيه وعلى الثلاجة، وبعدين قدمتهم وهذا شكلهم.



وبالهناء والشفاء

مشكوره حبيبتي على كل الاطباق

حياج الله ماذا أقول

يسعدني مرورج الطيب

عجبتني المعكرونة


تسلم يدج إختي


تحياتي

يسعدني مرورك عرادية

مـــــا شـــاء الله تسلـــم ايدك

يمي يمي لزييييييييييييييييييييييز...


تسسسسسسسلمين حبوووووبه

ماشاء الله شكل الاطباق لذيذة و بتشهي يعطيك العافية

يسلمووووووووووووووووو

تسلم ايدك

أطباق رائعة

تسلم ايدك عزيزتي(f)

تسلم ايدك عالاكلات الحلوة والافكار الجميله

تسلم يدج اختي على الفطور ...

عساج على القوه..

مع حبي..

تسلم ايدك

شكل الاطباق روعه

تسلم ايدك يا عسل

رووووووووووعه اطباقك
تسلمي يا عسل

مشكوووووووووووووووورة

تسلم ايديك عيوني