امانه تدخلون وتعلمونيـ كيف !!!

السلام عليكمـ ورحمة الله وبركآته


وآحلى صبآحوو لـ آحلى عرايس



شلونكمـ ؟ عساكمـ بــخ ــير ؟؟



والله يابنات حالتي حاله ومالي من بعد الله غيركـمـ والله اني احبكمـ وآحب أخذ رايكمـ في كل

شيء قبل ماأسويه وعادتكمـ خواتي عاد لا تبخلون علي باللي تعرفونه ,, وأقروا كلامي للآخير

مو تملون وتطلعون من الموضوع يعني غصب تقرونه كله :tongue:



:D



ياحلوووين


تعرفون الحين كل البنات بالسووق وانا وحدهـ منهم المهم وانا أفرفر هنآك خشينآ محل وشفت

المجموعه المغربيه قلت لا تحوشني خل اشتريها وشريتها بمـ الحمدلله وقوته هع :D

ايه عاد اهي فيها خمس قطع وهي كالتآلي :


الصابون المغربي بزيت الزيتون ,, الليفه المغربيه ,, قناع الطين المغربي النقي ,, صابون الطاووس ,

وصابون الفواكه المشكل ,,


عدل هذا كله عندكمـ ؟؟؟؟؟؟؟


وبعدين حبيتـ اسألكمـ كيف استخدمهـ ,,,, أنا قريتـ طريقة الاستعمآل وعرفتـ بس قلت اول اسأل

حبايبـ القلبـ وبعدين استخدمه يعني الى الحين ماجربت شيء منه,,


وأحب أعرف أنتوا بكمـ تشترونهـ ؟؟


ويعني كل وحدهـ تدخل تكتب كل شيء عنه وشلون تستخدمه وبالتفصيل الممل وشنو النتايج

وكم مرهـ اسويه ؟؟؟


وتعرفون الحين ورانا عيد عسى كل سنه وانتوا سالمين ومبسوطين وسعيدين ياربـ وبعد العيد


ورانا خطوبات وأعراس جعل ربيـ يسعد المتزوجآت ويزوج العزابيه وانا وياكمـ قولوا آمين :D آآآآآآآآمين :o


وبالمرهـ بقول لكمـ


جفون عنوني شوي متنفخه وأنا أحب العنون الداخليه يعني أكيد فهمتوا تراني مو الجاحظ بسم الله

علي خخخخخـ :cool:


ايه وانا جربت أكيآس الشآي خمس دقايق وبعدها حطيت قطنه فيها مويه باردهـ خمس دقايق

وسويتها مرهـ وحدهـ فـ مدري اذا عندكم طريقه غير هذا تفيدوني فيها او نفسها اهي ؟؟

المهم اللي حالتها نفس حالتي واستخدمت شيء واستفادت لا تبخل علي تكفى


وبعد امممم


رقبتي الله يعافيكمـ سمرهـ وفرق بين وجهي ورقبتي وجسمي لاني بيضه الحمدلله بس رقبتي

سمرهـ واستحي منها كثير بصراحه وحابه بشيء يفيدني بسرررررررعه وقبل العيد ضروري

ودوم اذا شلتـ الشيله احط الاسكينول وادري يطلع بلاوي بس ابي غير وشيء له مفعول ضروري

وبعد اكتشفت في رقبتي خطوط وطالعه مو شيء تكفووووووون شوفوا لي حل تكفوووووون

عاد ابي شيء طبيعي يعني ماحبـ كريمـ او مرهم او شيء جذيه لااا كلو طبيعي


وأدري أنو مايجي منكمـ غير الشيء الزين وانا واثقه فيكمـ بتساعدونيـ


ولازم لازم اعالج نفسي قبل العيد لانو عندنا خطوبه وابي اكشخ عددددددل يمكن يخطبوني هههه

<<< مو تقولون الحين بل عليها ميته ع الزواج بس الوحدهـ مالها غير زوجها والله او ابوها وبسس

اسألوني اناااااااا


ع فكرهـ انا عمريـ 18 ومو متزوجه ولا مخطوبه << شكلها تسوي دعايه البنت :D :o


وبس


جعل ربي يوفقكمـ ويسعدكمـ ويزوجكمـ ويرزقكمـ يالذريه الصآلحه ويجزاكمـ الجنه وكل اللي تبونه

يتحقق بجاهـ الحبيب محمد صلى الله عليه وسلمـ


وسلامتكـ وانتظر طلتكمـ الحلوهـ ع الموضوع