اليوم اول مره انزل موضوع بهالركن ,,دايما قبل كنت انزل بركن الاستفسارات <<مو زود مع المكياج:D
انا بعطيكم اول شي نبذه عن مكياجي قبل..(مثل مكياج الممثلات الهنديات) بودره مضغوطه من ماك عشان تصفي ويهي ,, وشدو فاتح , وآي لاينر ,, وماسكرا وحمره وجلوس ,, وبسسسسسسسسس
لاحظو اني ما احط كونسيلر مع انه عندي هالات ,, ولا حتى بلشر ,,,
وهذا المكياج طبعا انا احطه بكل وقت ,,يعني دوام ,,طلعه ,عرس ههههه يعني بتاع كلووو..
كان ودي اجرب مكياج ثاني بس مشكلتي ما اعرف غيره ,,واخاف اني احط شي يطلع مو حلوو ,,ومحد كان يعلمني,,
لين الله طيحني على منتدااكم ..منتدى عروووس,, والله يجزااااااااااهم كل خير البنات الي وقفوو معاااااااي باستفساراتي عن المكياج,, وبردودهم ,,وبمواضيهم مشالله الله يبارك لكم بنات ..(y)(y)
قبل يومين كان عندي يمعة بنات وكانت بدلتي الوانها بيج وبني شوي,, فقلت يصلحهلها المكياج البرونزي ,,,المهم قلت ليش ما اروح ماك وجرب حظي مع المكياج ,,
المهم رحت واعتمدت على نفسي باختيار الالوان ,,بس ساعدتني شوي الي تبيع ,,عجبتني رووحها وايد حلوه ,,عكس الباجي ,,انا متعقده من الي يبعون بمحلات ماك ,,كلهم نفسياتهم خايسه ومايعطون ويه ,,ههههههههه
عاد انا رحت عند وحده حبووبه وايد ,,وعلمتني اساسيات اختياري للمكياج بما اني مبتدئه ,,,:o
المهم هذا الي شريته..
بلاشر ,,Mineralize blush
ونسيلر 40 NW
Vanilla Pigment للاضااءه
واخترت 4 الوان آي شدو وحطيتهم بعلبه
1-النايلون الابيض 2- كربون الاسود 3-الذهبي 4- البني
وخذيت كحل داخل العين لونه ذهبي ,,
هذا الكونسيلر
هذي الحمره (الروج)New york apple
والتحديدHalf red
والجلوس ,,ذهبي ,,ٍSupreme
وحاولت أقلد هالمكياج,,,اقولكم من وين لقيته,, اول شي
علمتني عليه ((حور قلبه )) الله يجزاااااها كل خيييييير ,, جد جد انها تستااااهل الواحد يدعي لهااااااا,,لانها بصراحه فادتني وااايد وفهمتني شغلات وايد ,, وفادتني باساسياات الميك اب ,,فديتهاااااا(f)(f)(f)
حاولت اسوي مثل هاالميك اب,,
اول شي حطيت كريم مرطب,,
وبعدين حطيت بودره مضغووطه من ماك رقمها 40 NC
وبعدين كونسيلر..
وحددت حواجبي بعلبة رسم الحواجب من بودي شوب
وبعدين الشدو البني بالجفن المتحرك من الباليت المربع مال ماك.. ومديته لي فوق بحيث انه يغطي كل الجفن المتحرك ..
وبعدين فوقه حطيت الشدو الذهبي,,ودمجتهم شوي,,
وتحت الحاجب حطيت شدو النايلون
وآي لاينر ,,
وتحت عيني حطيت الكحل الذهبي,, وحددت عيوني من تحت بالشدو البني مثل الصوره ,,,
وحطيت مااسكرا آخر شي,,, وعقب ما حطيت الماسكرا ,, أخذت فرشة الماسكرا جافه الي من ماك ارجع امشط رموشي وتصير جنها طبيعيه!!!!!!<<عجبتني الحركه هذي طلعت رموووووشي خيااال طبيعيه جني مو حاطه ماسكرا وجنها كثيره من الله!!
وحطيت بلاشر البرونز
وحددت شفايفي كلها بالتحديد وكبرت شفايفي من فوق شوي لانهم صغار ,,وحطيت الروج
وحطيت فوقه الجلوس..
وآخر شي حطيت البيجمنت,,الاضااءه.. تحت عيني (فوق خدي ) وعلى جبهتي وذقني ...
بصراااااحه طلعت خيااااااال وآحلى من كل مرررررره احط مكياااااااج,,
صج صج وااااايد استفدت من منتدااااكم فديتكم...
اي ونسيت اقولكم,,شسويت بشعري..سويته ويفي ,,وحطيت فووم ,, وصاار اينن
( انا شعري طويل لي ظهري,)كان كيرلي ورفعت نصه بكلبسه فوق والباجي فليته ,,, ((كاان شعري وايد حلووو ))
الحين انا ابيكم ,,تردون علي وتعلقون على الي سويته؟؟شرايكم بخطواتي بالمكياج؟؟ والي عندها اضافه تضيفها لي وتعلق ,,حتى لو سويت شي غلط تعلمني عشان استفيد...
واذا تحسون مكياجي ناقصه شي هم قولولي,,,
تكفون ردو علي لاتحرجوني ,,اول مره انزل موضووووووع:o
مع حبي...:15::15: