مشكلة بنتي لسانها؟!

مشكلتي نفس مشكلتك ولدي نفس الحاله بس اصغر من بنتك عمره سنه


واي شي يحطه في فمه

سمااا نسيااان;7228607:

مشكلتي نفس مشكلتك ولدي نفس الحاله بس اصغر من بنتك عمره سنه


واي شي يحطه في فمه

الله يصلح حالهم يارب..


بصراحه تعقدت من بنتي .. اريد اعاقبها بس ماعرف

هل العقاب مناسب لسنها ولا هل هو الحل؟

هذه حال كل الأطفال يحطوا أي شي في فمهم..

الغلا23;7228716:
هذه حال كل الأطفال يحطوا أي شي في فمهم..

ماتوصل فيهم لهدرجه !؟



لازم نعلمهم الصح والغلط ولا بيكبرون عليه

Mrs.Lilac;7228738:
ماتوصل فيهم لهدرجه !؟



لازم نعلمهم الصح والغلط ولا بيكبرون عليه

حاولي تخلي نفسك زعلانة أو معصبة لما تشوفيه بهالحالة عشان يحس أن هالشي مازين

الغلا23;7228842:
حاولي تخلي نفسك زعلانة أو معصبة لما تشوفيه بهالحالة عشان يحس أن هالشي مازين

مافي فايده

حتى عصبت وصرخت مافي فايده


يمكن في احد يعرف

[/COLOR]

تعاقبينها؟؟؟ بنتك تمر بالمرحلة الفمية وهاي كل الأطفال يمرون فيها بس أنتي عليك تراقبينها من ألحين لين تكمل ثلاث سنوات بس لا تفكرين تعاقبينها لأن ما فيه طفل في سنها ما يحط الأشياء في فمه

زئبقية;7229162:
[/COLOR]

عزيزتي الظاهر هاذي اول بنت عندك وانشالله الله بيرزقك اخوان لها
ترى إللي تسويه بنتك عادي جدا ولا تحاتينها بكرة بتكبر وبتبطل كل هالاشياء
أهم شي انك تراقبيناها لا تبلع شي وتختنق
أنا عندي بنتين ولما كانو صغار كان يسوون نفس الشي
ترى الطفل بهالعمر يكتشف الأشياء إللي حوله
لا تمنعينها عن اي شي خليها تخرب وتوصخ وتسوي كل إللي تبيه بس الأهم انك تراقبيناها
أهم شي المراقبة
وانا من رأيي بعد تصورينها بالفيديو وهي تسوي هالاشياء عشان لما تكبر تتذكرون هالايام وراح تضحكون أنا سويت جذي. انا مصورة كل حركات بناتي لحد عمر 4 سنوات ومصورتهم لما كانو ياكلون الأحذية.

كلامك صحيح يمكن لانها اول طفل لي عشان جذي احاتي..

انا اخاف عليها من الامراض والحساسيه هي بشرتها حساسه وبسرعه تمرض

وفكرة تصويرها بالفيديو فكره حلوه ... راح انفذها ..


جزاج الله خير وبارك فيكي وزوجك وعيالك وبيتك.

زهرة اليقين;7230970:
تعاقبينها؟؟؟ بنتك تمر بالمرحلة الفمية وهاي كل الأطفال يمرون فيها بس أنتي عليك تراقبينها من ألحين لين تكمل ثلاث سنوات بس لا تفكرين تعاقبينها لأن ما فيه طفل في سنها ما يحط الأشياء في فمه

في وايد حريم يقولون العقاب احسن حل في انضباط الطفل ..

وكل سن له عقاب.. والله اعلم؟

على العموم جزاك الله خيرا ويبارك فيكي وفي اهل بيتك..

هي ع الأقل تفهم شويه؟؟
حاولي تعاقبيها انك تحرميها من حاجه تبغاها مثلا؟؟
او انك تقولي لها انتي فيك يع مابغاكي؟؟

حبوبة الموضوع عااااااااااااااااااااادي ... انا بنتي الاكل من الارض عندها ادمان ... حتى ابتكرنا طريقة نخليها تاكل فيها .... نجيب مفرش نظيف وننثر الاكل على الارض وسبحان تاكل تمام التمام ... بس نفس الاكل تحطيه في الصحن مستحيل يدخل بوزها

بنتك بعدها صغيره وهذا شي طبيعي بالنسبه لعمرها-بس أنا عندي بنت اخوي عمرها 5 ونص ولحد الحين تسوي هالحركه لاأراديا تلحس أي شي وأهلها تعبوا منها ماخلوا شي ماسووه ومافي فايده

انا من خبرتي مع بناتي ..

اقول اهم شي المكان يكون نظيف وتتأكدين مافيه اشيا ء صغيرة لاسمح الله تقوم وتبلعها ..كل الاطفال يمرون بهالمرحلة فما فيه خوف عليهم وزيادة النظافة بعد موزينة اشوية وصاخة اتقوي مناعتهم مثل ماسمعت من دكتورة كانت تنصح وتقول لاتعقمون كل شي وخلوا اعيالكم ياخذون راحتهم في اللعب وفي انهم يعيشون طفولتهم بحرية

الله يحفظ بنتج ويهديها قولي لها ترى البيت نظيف ماله داعي تكنسينه مرة ثانية هههههههههه

الله يحميها و لا تنسي تحافظي علي نظافتها و في انواع حليب تزيد المناعة و الله يحمي الاطفال كلهم يا رب

كريم كراميل;7247518:
حبوبة الموضوع عااااااااااااااااااااادي ... انا بنتي الاكل من الارض عندها ادمان ... حتى ابتكرنا طريقة نخليها تاكل فيها .... نجيب مفرش نظيف وننثر الاكل على الارض وسبحان تاكل تمام التمام ... بس نفس الاكل تحطيه في الصحن مستحيل يدخل بوزها

:lol: حلوة هالفكرة
و كثير كوميدية و ذكية
:I: و على رأي الأخت كريم كراميل
صوريها فيديو... بس رسليها لبرنامج "أطرف الفيديوهات المنزلية" :lol: :lol: :lol:
تقبلوا مروري

الطفل اول مايتعلمه بدنياه هو انه يشرب الحليب عن طريق الفم
فالفم بالنسبه لطفل هو الاداء الي يبدا فيها اول استكشافه
يعني كل طفل اول مايبدا يدرك الي حوله اول شي راح يستكشف عن طريق الفم
يعني مو بس بنتج الي تمر هالبحاله
وهالشي مايحتاج لضيق بس انتي راقبيها لاتحط شي خطير بمفها
او بامكانج تعوديها على اللهايه ((المصاصه)) آنه بنت مو متزوجه بعدني ولا عندي اطفال بس دائم اقول لهم انه المصاصه هي السلاح في وجه هالشي
لان الطفل بيمصها فما يمديه يدخل شي بفمه
ولو احد قال لج المصاصه تضر آنه اقول لج غلطان بنت اخوي بقت تمصها لين وصلت سنتين وشي ماضراها بشي اسناها مافيهم شي وكلامها ماشاء الله يعني ماتضر بشي