حملي بعد سنتين زواج ... تعالوا أقول لكم تجربتي ..!!!

السلاااام عليكمممـ ياخواتييي,,,

شخباركم حبيباتي عساكم كلكمممـ طيبيين ...



خلوني أقول لكم عن تجربتي بالحمل ....

في البدايه انا لما تزوجت ماكنت حاطه فكرة الحمل في بالي .. ولا كنت أحاتي وقلت طبعا هالشي بكتبة الله متى مالله كتب بيصير بيصر,,,,

طيب بس على السنه الثانيه من عقب الزواج طبعا كثثثر الكلام عن هالموضوع من صوب أهل زوجي وكنت خايفه إن فيني شي ...

مع إن زوجي كان يطمني ويقول لي لاتحطين هالشي في بالج إذا الله كاتب بيصير إن شالله لأنج لو شتسويين مابيصير إلا المكتووب ..

بس انا قلت ليش ماأشييك وأشووف وخصوصا إن دورتي ( الله يعزكم ) مب منتظمه من قبل الزواج بعد ..
تميت تقريبااا حوالي شهرين وانا آخذ أوبر تنشط المبايض عندي .. لأن الدكتور في البدايه كان يبغي يضبط الدوره وبعدين يشوف سالفة الحمل...

تعبت نفسيتي بس قلت بما إني بديت .. لازم أنتهي ....

المشكله كان الدكتوور رافع من معنوياتي لين السمااا ...
وتحطممممممممت بالمررررره لما سويت التحليل وطلع سلبي.... :eek:
اوووف لاتشوفوون حالتي الله لايراويكم .... :(

حاولت ماأبين لزوجي إني زعلانه ..بس ماقدرت ..
بس شجعني وقال لي انا مابي الحين .. لاتحطين في بالج ولو الله ماكتب إن يكون لي ياهل منج ..
انا بعد ماأبيه من غيرج .... وبعدين تووناا صغار ... :o

الحمد لله تعدلت نفسيتي وقلت خلاص محد بيهمني المهم زوجي .. وكلام الناس عني مابيخرربني على زوجي الله يخليييييه لي يارب.... :)


وبعدين .. تبون الصج شلللت الفكره من مخي ... وقلت ليش أتعب نفسيتي وحياتي وهاي شي بيد رب العالمين ...

طيب في وحده قالت لي نصيحه وسويتها والحمد لله الحمد لله جابت نتيجة الحمل على طووول ..

قالت لي الله يسلمكم ...
تم الحذف لان ماكتب فيه حرمة


سويت مثل ماقالت لي ومب حاطه موضوع الحمل في راسي .. يعني قلت بسوي جذيه وخلاص ..

وبسسسس ... بعدها ب3 أيام سافرت من غير زوجي وتميت 12 يوم تقريبااا ..

ولما رجعت تميت إسبوعين .. وعقب حسيت بلووعه وصرت مدمنة نووم .. وأتذكر إني كرهت أكلات كنت أحبها ...

ولما قلت لأمي عن هالأعراض .. على طوول ودتني المختبر ..
ولما طلعت النتيجه إيجابيه ماصدقت نفسيييييي :happy1:

وحمدت ربي وشكررته على هالنعمه الحلووه ...

بس بعد من الخرعه والوناسه والشعور الغريب رحت سويت سونار عشان أتأكد ...

ولله الحمد كان كل شي تمام الحمد لله والشكر لله ...


أتمنى كلللل الحريم إلي ماجربوا هالشعور يجربوونه بأقرب وقت ياااااااااارب...

حبايبي عسى الله يعطيكم ويرزقكم ويقر عينكم بالذريه الصالحه إلي تفرح قلوبكم وتسعدكم...

عاااجلاااااا غير آجلااااااا ...