تجمع خاص بالحوامل البكر (( أول حمل لكِ تفضلي معنا )) .. الجزء الثالث..

فديتج ام طلال حبيبتي الله يخليج
ان شاء الله ناويه افهمه مع انه والله متحمس كثير علشان البيبي بس ما يعرف اللي انا امر فيه ..


اي والله الأيام بسرعه تمر ما تحسي فيها


انتي بأي شهر الحين؟؟


الله يحفظ اجنتنا و يثبت حملي و حمل خواتي في عروس و يرزق كل محروم بالذريه الصالحه

شمس الضحى ..

تعرفين .. انا قبل ما اعرس كانو معايه بنات ايام الدراسة والدوام يوم يحملون ما يداومون وما يسوون شغلهم .. كنت اتضايق واقول شو هالدلع .. كل حد يحمل ويربي والشغل شغل ..

هذا وانا بنت .. لأني ما عمري كنت اتخيل الشعور اللي احس فيه الحين ..

كنت شعله من النشاط ماشالله واسوي كل شي وما اقول لا ..

تعالي شوفيني الحين.. يسموني كوالا هههههه

يا اما راقده .. يا اما منسدحه عالكنبه فالصالة ..

سيارتي اسبوعين ما ركبتها تخيلي ...


فما بالج بالريال .. ؟ مستحيل يستوعب بروحه .. ولو فهمتيه ما بيقدر يحس بنفس شعورج .. وهالشي يستويلي مع زوجي ..

اذا الموضوع بسيط ومب مضايقنج طنشي .. اذا تحسين انه مب حاس فيج مع انه هو طيب ومستانس عالبيبي.. ها معناته انه ببساطه مب متخيل انه الحامل فعلا تتعب .. مثل ما كنت انا قبل ...


انا ساعدني اني كنت افتح مواقع الحمل اللي فيها اسبوع باسبوع .. واقراها مع زوجي .. ويوم يقرا انه متوقع الحامل تحس بالخمول و التعب والنوم و هالسوالف يقتنع .. ويوم نسير عند الدكتورة اقوللها بالعمد اني ارقد وايد ومافيني طاقه تقول لي طبيعي .. هو يتفهم ..


قالوها ترا .. المرأة من الزهرة والرجل من المريخ

هههههههههه

فراشة بين الزهور ...

مشكورة عالمعلومات الطيبة .. ان شالله ما يكون فيني شي .. بسير اسوي الفحص هالاسبوع ان شالله

سلام حبيباتي ربي يثبت حملنا يارب

شمس الضحـى;7767398:
فديتج ام طلال حبيبتي الله يخليج
ان شاء الله ناويه افهمه مع انه والله متحمس كثير علشان البيبي بس ما يعرف اللي انا امر فيه ..


اي والله الأيام بسرعه تمر ما تحسي فيها


انتي بأي شهر الحين؟؟


الله يحفظ اجنتنا و يثبت حملي و حمل خواتي في عروس و يرزق كل محروم بالذريه الصالحه

انا بالشهر الرابع
توي بالبدايات

على ما اعتقد تاريخ 13\12 بدخل الشهر الخامس
على حساباتي

وعليكم السلام وفاء
هلا بك

آمين يا رب

تصدقون بنات

اني صار لي كم يوم آكل سيريلاك
من شهر صار خاطري فيه
وقلت الا هالشهر اشتريه مستحيل افوته
واخلي شي بخاطري

جان اشتريه :D

زوجي ضحك علي .. وصديقاتي يقولون لي تبين تعودينه ع السيريلاك
وهو في بطنك خخخخخخخ

كلمة وداع;7757531:
اللى خوفنى يافراشه ان النغزات دى بتطول مش ذى النغزات العاديه اللى بتيجى بعنى كانت النغزه الواحد تفضلها حوالى دقيقتين وتخلص يجى غيرها والحال ده فضل لمدة نص ساعه[/glow]

حبيبتي روحي المستشفى للإطمئنان أكثر وياااارب خير

السلام عليكم ورحمة الله وبركاته

شحالكن كروشات وشحال الكتاكيت

فراشه بين الزهور طمنينا شو نتايج فحوصاتج

آهات الليل شحالج وشحال البيبي وكيف الحمل معاكي
بالنسبه لجنس البيبي قالتلي الدكتوره بس قالتلي مش اكيد مش واضح زين لان جهازها مش مطور واريد اروح عياده او مكان ثاني بس متعايزه هههه قلت بشوف موعديه هو بعد اسبوع بشوف شو بتقولي بعد

ام طلال ههههه حتى انا تيني فتره اشتهي السيريلاك وما اقصر اشتريه وآكل منه هههه شكلنا لما بنأكل عيالنا ان شاء الله بناكله عنهم ههههه

هلا وغلا بالككروشات كيفكم وكيف الحمل تعب صح؟
توني احس الحين بمعاناة امي الله يحفظها كنت اقول الحمل شي عادي لاوالله مع اني توني شهر واسبوع بس يالله عالتعب بس ابي انام ومااحب الاكل ماغير الاشياء الحاليه بس وكله كوم والكليه كوم ثاني والدرج اللي اطلعه لمحاظرتي
مااقول الا الله يعين ويعدي هالفتره على خير

مفتون الطاهر يبي لي اجلسه معي لما اتصفح معلومات الحوامل .. خله يعرف اني ما اتعير :confused:

ام طلال ههههههههههه من الحين سيريلاك؟؟ انتظري لين البيبي يطلع بعدين شاركيه هههههههه
فديتج الفرق بيني و بينج شهر اذا ولادتج 13/5 انا بعدج بشهر على طول

جادور توا حبيبتي أهم شي تحاسبي على روحج لما تطلعي و تنزلي الدرج .. خاصة بالشهور الأولى

هلا وغلا
جادور توا

صدقج والله الحمل تعب ومعاناه...بس اهم شي اخر شي بنفرح بالبيبي ^_^ ان شالله

لووول شمس الضحى

مدري احب السيريلاك وخاصه القمح

ايه وشسمه
تاريخ ولادتي 18\5

متى بس تمر الشهور بسرعه
ابي اولد

الكرشه ما طلعت لسه

هايدي

ايه شكله جذي هههههههههههههههه

كروشااااااااااات شخباركم وحشتوني..

أعتذر ما دخلت من أسبوع .. كنت بالرياض وتوني راجعه .. شخبار الحمل وياكم عساكم بخير ..
أنا الترجيع والدوخة ذابحتني الله يكون بعونا


فراشة شخبارج؟
إماراتية كيوت شخبارج؟
كتكوووته الف مبرووووووووووووووووك البيبي ..

ام علي ويارا
انا الحمدلله بخير ...ومن صوبج ؟
وبالنسبه للوعه ...عصير البرتقال الفرش وااااااااااايد يخففها ^_^ بالتوفيق

مرحبا بنااات :)

انا حامل لي شهر ونص :)
ومرررة تعباانة من الغثيااان
حتى الموية الله يكرمكم ارجعها :(

بس اليوم جبت نص ليمونة وغمستها بشوي ملح
واكلت نصها
وحمدالله ماجاني غثيااان :) انشالله بستمر كذا
ورحت راجعت عند دكتور توفيق جعفر بمستشفى الحبيب ومرة ارتحت له :) وقلت له عالليمون قال صح يخفف وكمان اليانسون يخفف الغثيان )

وانا اول سنة بالجامعة
بس جامعتي فيها مشي كثير ومحضاراتي بالدور الثالث
يمكن اسحب الرم شرايكم؟
لاانه اول 3 شهور اهم شهوووور :)

انوثة طفله
اول شي مبروك عليج الحمل والله يثبته لج ان شالله
واهم شي انج ترتاحين ....
بالتوفيق

هااااااااااااااي كروشااااااااااااات اخبااااااااااااركم

ان شالله بخير والف مبرووووووووووك الحوامل الجــدد والله يتتم لنا ولكم ع خير ياااااااااااارب

كروشااات بقول لكم ممكن أحس في الجنين واهو يتحرك ؟؟؟ وانا احين في الشهر اربع وباقي لي 3 تيام وادش الخامس أن شالله

لان أنا أحس بين فتره حد يرفق بطني بس ماادري أهاي الجنين او اي ؟؟

لي عندها خبره يااريت تقول لي

وتحياااتي يامهات المســــــــــتقبل ...

هلا كروشات انا الحمد االلخ بخير ام على ويار وحشتينا انا اقول فيه كروشات فقدتمهم

وشفتهم اليوم الحمد الله

الف مبرووك اللحوامل الجدد معا

سمويه ايوه هذي حركتة الجنين من رفت العين حركه بسيطه جدا وان شاء الله راح تحسين
فيه عن قريب اكثر انا الان حركتة واضحه جدا