(رابطة عارضات الأزياء الرشيقات :21_209: )
فديييييييييتنا
احم احم
نرجع لموضوعنا :21_213:
حبيباتي عضوات و مسؤولات رابطه (عارضات الأزياء الرشيقات) و الزائرات :87457:
بفضلكم و بفضل تواصلكم في اكبر رابطة للرشيقات، كان الإقبال على الاجزاء السابقه كبير ، و بسبب وصول الردود لاكثر من الف في كل جزء تم اغلاقها واحد ورا الثاني حسب شروط منتدانا الغالي ،
و هذا الرابط للجزء الأول
:8884:
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الأول}
و الرابط للجزء الثاني
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثاني}
و الرابط للجزء الثالث
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثالث}
و الرابط للجزء الرابع
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}
والرابط للجزء الخامس
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الخامس}
و الرابط للجزء السادس
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السادس}
والرابط للجزء السابع
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السابع}
و الرابط للجزء الثامن
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثامن}
والرابط للجزء التاسع
اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء التاسع}
و الرابط للجزء العاشر
اللي تحلم بوزن عارضات الأزياء تنضم لي ومابي كسل،،رابطة عارضات الأزياء{الجــ(10)ـــزء}
و الرابط للجزء الحادي عشر
اللي تحلم بوزن عارضات الأزياء تنضم لي ومابي كسل،،رابطة عارضات الأزياء{الجــ(11)ـــزء}
و الرابط للجزء الثاني عشر
اللي تحلم بوزن عارضات الأزياء تنضم لي ومابي كسل،،رابطة عارضات الأزياء{الجــ(12)ـــزء}
و الرابط للجزء الثالث عشر
اللي تحلم بوزن عارضات الأزياء تنضم لي ومابي كسل،،رابطة عارضات الأزياء{الجــ(13)ـــزء}
و انا حطيت الراوبط لانه في كل رابط ذكرى خاصة لنا نحنا ، و كل رابط فعلا كان انجاز و في حال رغبه اي مشتركه بالعودة لأي جزء سابق لأي سبب من الأسباب ما تلاقي صعوبه في هالشي ،،،
هالجزء جاء تكمله للدورات السابقه (كل دورة أسبوعين) اللي بديناها أنا والرشيقات و أحب أول شي أهني كل بنات الرابطة من جميع الأجزاء السابقة المشتركات من بدايه الدورة الاولى الى الآن على المجهود و على نزول الوزن و على التواصل و نجاح الرابطه و تهنئة خاصة لكل البنات اللي وصلوا لهدفهم اللي حطوه من دخلوا الرابطة :clap:
، و بما إني عانيت سابقا أنا وخواتي المسؤولات و خصوصا في الاجابه على أسئلة بعض الخوات الفاضلات اللي يسألن أسئلة موجودة إجابتها أصلا في الشروط!! :eeksign:
قررت لها السبب الالتزام بنفس الموضوع مع اضافه بعض الشروط و تعديلها للتوضيح و الأخذ باقتراحات الكل و ياريت الالتزام خواتي، و هالشي فعلا لمصلحتكم و الدليل على هالشي افتتاح هالجزء بحمد الله :21_195:
الموضوع
بنااااااااااااات :shy:
كلكم تحلمون بالوزن المثالي و بوزن عارضات الأزياء و تشوفون الممثلات و العارضات و تتحسرون، وتقولون ليش و ياريت، و الحقيقة انه هاي أجسامكم انتوا و إذا ظليتوا تقولون ياريت ما راح تستفيدون و بتمون تقولونها طول العمر، نحنا رشيقات و لازم نهتم بأنفسنا أكثر عشان الكل يأشر علينا و يقول ياريت مثل ما انتوا تأشرون على عارضات الأزياء و تشوفون الملابس الحلوة و تقولون ياريت.:21_186:
مواضيع متعدده دخلتها هني عشان اشوف الهمة و الحماس، و كلها فيها مجموعات بنات يحلمون بالوزن المثالي و يشجعون بعض ، بس فرق بين موضوع و موضوع، في مواضيع يكون الحماس فيها واصل حده أول يومين و بعدين البنات تموت الارادة عندهن و ترجع حليمة لعادتها القديمة، عشان هالسبب بالذات أنا بديت و وصلت و قررت اكمل و أفيد البنات اللي فعلا عندهم اراده لها الشي و حطيت شروطي عشان ما يتكرر اللي صار في معظم المواضيع لأني ما أرضى بهالشي ، و الدليل على نجاح هالسياسة وصول الموضوع لهالعدد من الأجزاء في هالفترة القصيرة و نزول وزن كل بنات الرابطه و وصولي انا لهدفي !!!.
أحب أول شي أعرفكم بنفسي و على المسئولات في الرابطة
أنا ღ روح الحب ღ
و طولي 165
وزني سابقا اول ما ابتديت 58
و وزني اللي كنت احلم فيه و وصلت له 46
و المسؤولات هن:
عيون الليل، casrolaaa، أريش العين و فلسطين حبيبتي
هالبنات كانوا معاي أيد وحدة و لهن راي في شروط كل جزء و تعديلاتها ، و احييهن على المجهود و المشاركة و الإشراف
وأيضا العضوات حبيباتي كلهن كانت لهن مشاركاتهن المتميزة في كل الأجزاء السابقة و أتمنى أشوف نشاطكم في هالجزء بعد :8875:
بالنسبة لي وصلت الحمدلله للوزن اللي ابيه و الحين اتابع حبيباتي بنات رابطتنا الحبيبة و بحاول اوقف وياهم و اساندهم كثر ما اقدر
في الجزء الأول يعني أول ماابتدينا ، وايد بنات قالولي ما يحتاج و كل صديقاتي و اللي حولي يقولون ما يحتاج بس بنات جسم عن جسم يفرق، يعني في بنات عندهم العظام ثقيلة فتفرق في الوزن، و أنا عن نفسي ما امشي على الوزن مثالي ، أنا امشي على قاعدة الشكل المثالي (تناسق كامل الجسم)،، و أنا جسمي رياضي بس اللي كان مخرب عليه قبل الأرداف و أنا ما أحب الأرداف والحمدلله تخلصت منها و صار جسمي جسم عارضات ازياء مثل ما حلمت طول عمري و الحمدلله وصلت للي ابيه بالصبر و قوه الارادة و بفضل رب العالمين اولا و اخيرا :yahoo:
و بالنسبة للرياضة ، أمارسها حتى قبل لا ابدا رجيم ،، من 5 سنين ع الأقل 4 أيام في الأسبوع لو مو يوميا، ايروبكس و جري و أثقال (حديد) و تعودت عليها بس ما كنت امشي على نظام معين بس كنت أحافظ على وزني و هالشي الحين ساعدني وايد في الوصول لهدفي و مستحيل استغني عن الرياضه طول عمري ،،
و هذا اللي تحتاجونه بالنسبه للرياضه
اول شي الاوربت تراك و هو الجهاز اللي راح نعتمد عليه اكثر شي و خصوصا للبنات اللي مشكلتهم في الأرداف
الاوربت تراك مهم جدا للي يبون ينحفون في الجزء السفلي من الجسم و انا الحين ابدا ما استغني عنه ، يحرق الدهون و ينحت الجسم نحت و لو مو هو ما اظن كان صار جسمي بهالتناسق :yahoo:
ثاني شي ثقلين ، للمبتدئات 2.5 K , للمتمرسات 5 K
رفع الاثقال مهم جدا مو بس للشباب للبنات بعد ، لانه يعدل شكل العضلات للي عندها مشكلة في الزنود أو اي منطقة ثانية ، واللي خايفه تطلع لها عضلات بارزة و تشوه منظرها ما تاخذ اوزان اكبر من ال5 كيلو
ثالث شي تحتاجونه خبرة في رياضه رفع الاثقال و رياضات الشد و اللي ما عندها خبرة لازم يكون عندها DVD و انصحكم بواحد اسمه boot camp DVD فيه اشخاص ما حطيت صورته
أو ممكن تشتركون في جم
و عن الخبرة في الانظمة الغذائية أنا من كليه الأغذية و أي شي أقوله واثقة فيه و الحمدلله وصلت للي ابيه مثل ما تشوفون يعني نظامي ما عليه كلام و ان شاء الله بالتعاون و التشجيع اضمن لكم انه الوزن بينزل بشكل صحي و بدون أعراض جانبية و اوثقوا بأنفسكم قبل لا توثقون فيني و الحمد لله كل اللي بدوا معاي من الدورات السابقه نزل وزنهم و وصلوا لأهدافهم (r)
و هني اللي بتحتاجونه نظام غذائي راح اعطيكم اياه
و شاي اخضر (اختياري) انا اشرب هذا
و مفيد للجسم ويعطي طاقه و له عده فوايد يطول شرحها و كلنا الحين ما نستغني عنه حتى بعد ما وقفنا الرجيم
و أنبه انه الوزن اللي ينزل بسرعة يرجع بسرعة و نزول الوزن أكثر من 2 كيلو في الأسبوع يسبب ترهلات في الجسم و ما أظن في وحدة فيكم تبي تدخل غرفه العمليات و تشوف المشرط بسبب ترهل الجسم،:pain:
في وقت لا تستعجلون و أهم شي توصلون للنتيجة المطلوبة في آخر المشوار
أنا اقدر اطمنكم واقولكم الوزن بينزل و بسرعة، بس أنا ما أقول إلا الصدق، لأني أبا اللي يكونن وياي هن النخبة من البنات, واللي معاي الحين الحمد لله من النخبة، :Z_cool_c:
و اللي تخاف في مواضيع وايد ما تخوف، أنا أحب الالتزام و هالشي ما راح يتغير، واللي تبي تصير جميله لازم تصبر و تلتزم، الدلع هني ما يمشي، :UP202: لا لا للكسل
وصلنا للشروط، اللي هيه للعضوات في الرابطة حاليا ، و بنات حبيباتي أنا تعبت وايد في الموضوع ، ما احلل أي وحدة تنقل أي شي منه دون ذكر المصدر (ღ روح الحب ღ، منتديات عروس) و اللي تغلط و تسويها بدعي عليها بشحوم ودهون في كل مكان في جسمها :sa36:
و حبيباتي بنات الرابطة و الزائرات أي وحدة حاسة انه هالموضوع بكل أجزاءه يستحق التقييم قيموه بالضغط على الميزان هذا
الموجود في نهاية الموضوع :21_207:و شكر خاص لكل من قيم الاجزاء السابقه منه
الشروط و ياريت الالتزام عشان كلنا نكون أيد وحدة
(أول شرط) :
أنا حاطة انظمه غذائيه سهله و خفيفة و محدده و هالأنظمة خاصه ببنات رابطتي و اللي ما تبي تمشي عليها في مواضيع ثانية ممكن تختار منها اللي تبيه، ما أتي وحدة تقولي والله أنا عندي رجيم مال أسامه حمدي و لا أبا أجرب الكيميائي و لا غيره، أنا ابي تمشون على نفس النظام لاني واثقة من النتايج و وصلت للوزن اللي ابيه بعد معاناه كبيرة بفضل هالنظام و الرياضه اللي ابدا ما راح استغني عنها ، كلنا خوات حبيباتي و في موضوع واحد و حابه يسري علينا نفس الشي و بعد ما أبي وحدة أتي و تقول روح الحب طيحت شعري و لا غيره، اللي ما تبي تمشي بنظام محدد براحتها بس مو عندي
(ثاني شرط):
تبعدين عن الميزان لين يوم الوزن اللي أنا احدده ويحددونه المسؤولات و عضوات الرابطة حبيباتي و اللي المفروض كل دورة مرة يعني (كل أسبوعين مرة) نحن بدينا الدورة الأولى بتاريخ 26\6 ، و الدورة الثانية ابتدت بتاريخ 10\7، و الدورة الثالثه ابتدت بتاريخ 26\7، و الدورة الرابعه ابتدت بتاريخ 11\8 و الدورة الخامسه ابتدت بتاريخ 27\8 ، والدورة السادسه ابتدت بتاريخ 13\9 ، و هالشرط حطيته لعده أسباب أول شي لان الوزن كل يوم اييبلج الإحباط و أهم شي عندنا النفسية و ما نبي إحباط من أولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري ، و بعد انتظار الوزن يزيد الحماس و نحن كلنا جربنا هالشي و ساعدنا و صبرنا و كان في حماس و تواصل
(ثالث شرط والاهم):
التواااصل، أنا والعضوات المتواجدات حاليا مثل خوات و يوميا ندخل نقول شنو سوينا بالرجيم و نسولف ،،،
نتبادل الخبرات في كل شي مو بس في الرجيم،،،
نتكلم عن الخلطات اللي موجودة بالمنتدى و نحاول نجربها،،،
و عن الكريمات و المنتجات المختلفه اللي فادتنا ،،،
نتبادل وصفات الأكل و نحط صور و نجوع بعض هع ،،،
نصور اي شي عجبنا و نحط الصور و نعلق عليها ،،،
نتكلم عن حياتنا دراستنا شغلنا و كل شي يهمنا و نفضفض لبعض ،،،
والرابطه صارت كبيرة بحمدلله و بفضل بنات الرابطه اللي اوجه لهم كل الشكر والتقدير،
يعني ،، لو تغيبتي فترة طويلة بدون عذر مثل ما سون بعض البنات طرددددد و سألو أنا ما أتساهل في هالشي، لأني مثل ما قلت أبا النخبة يكونن وياي و اللي تبي توصل لشي لازم تصبر و لأنه الإرادة أهم شي و ذولي ما عندهم إرادة و أنا قلت ما أبي الكسولات خواتي و ما أبي حد اييبلي إحباط يكفي إهمال لأنفسنا و لجمالنا و انشالله تشوفين النتايج و لا تخافين من شي و خواتي حبيباتي في الرابطة ما بيقصرن وياج، الرابطة حلوة و جدا ممتعه والله يخلي البنات اللي فعلا اثبتن انه عندهن الارادة للتحسين من شكلهن، و للعلم أنا و المسؤولات نسجل الحضور اليومي و عندنا معلومات كل البنات عشان نقارن الوزن قبل و بعد يعني لعب عندي ماااااافي ، و مو مستعدة ابدا اتابع بنات مو مهتمات بنفسهن و ما عندهن ارادة و اضيع و قتي و جهدي و جهد المسؤولات اللي معاي على مهملات
(رابع شي):
انسي شي اسمه مجبوس و دهون و مقالي و بطاط و حلاوة و شوكولاه و غازيات و سكريات
بس مسموح عصير دايت مخفف السعرات أو بيبسي دايت و مو تشربينه كله و مو بين الوجبات لأنه مضر بس في حاله العطش، ولازم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا، ما أتي وحدة و تقولي أبي نظام في هالسوالف ، قلت اللي تبي شي لازم تصبر،،
ممنوع برجر كنج و كنتاكي و هارديز و بيتزا هت و شيليز و كل مطاعم الوجبات السريعه و اللي تخالف بنعلن حالة الخيانة و بتتعاااقب :UP202:
واللي خاطرها في شي معين تخليه ليوم الكسر اللي نحدده نحن
اتفقنا يا بناااااااااااات
ملاحظه هامة:
قبل كنا نكسر يوم واحد الحين عندنا يومين كسر في النظام لكل دورة ، هالشي عشان تكافئون أنفسكم و ما تحسون بالحرمان فترة طويلة و عشان كل ما تبون تاكلون شي و يكون في خاطركم تقولون لا باكله في يوم الكسر ما بخرب رجيمي :sm2441:
بالنسبه للتسجيل و شروط التسجيل انا لغيتها لانه التسجيل حاليا متوقف لكثرة العدد و اي جديد يكون في توقيعي
خطه اليوم و التنظيم من ترتيبي انا و حبيبتي casrolaaa
و كل العضوات ساعدن و شاركن وأي عضوه عندها اقتراح جديد ممكن تقوله في الموضوع و نناقشه و لو الكل وافق نحطه في خطتنا و نحط اسمها بعد عليه :yahoo:
و بنات لا تزعلون مني لو شديت عليكم في يوم ترا والله لمصلحتكم و لو تساهلنا ما كنت انا وصلت و لا انتوا وصلتوا
و مرة أخيره ما احلل أي وحده تاخذ أي موضوع من مواضيعي بدون ذكر المصدر او النظام الغذائي او حتى خطط العضوات بدون ذكر مصدرها
حبيباتي انا ابي تدعولي من قلوبكم بالتوفيق ما ابي منكم اي شي ثاني :21_201:
دمتم بود و معا في طريق الرشاقة :shy:
