السلام عليكم ورحمة الله وبركاتو
كيكم ياعرايس وكيف الصيام معاكم ان شاء الله ربي يتقبل صيامنا وقيامنا
انا اليوم نزلت موضوع لاني لاحظت انو كثرو البنات الي ينزلوه
الي هوا انا انخطبت اوافق ولا لأ:eek:
يعني احنا مانعرفك ولانعرفو وبصراحه نخاف نظلمو معاكي لو قلنا وافقي او تنظلمي معاه ولا يفوتك القطار ولا يدعسك
احنا بنرد على الكلام الي انتي كاتباه بس مانعرف الكلام صحيح او لأ
والمشكله نقولك وافقي تقولي العمر والتانيه تقول اسمر والثالثه تقول وحش والرابعه تقول مو من نفس قبيلتي وتقول انا اعلى منو في المستوى الدراسي
طيب ليش تاخذي رأينا:ss::ss:
بصراحه يعني انا لما انخطبت مافكرة اخذ رأي احد خليت بابا وماما يوافقو اول بعدين انا اتخذت قراري وماشاء الله
اما انك تاخذي رأينا طيب انتي تعرفينا ولا تعرفي مين احنا اصلا
وبعدين هذا زواج حتكوني اسره وتبني جيل حتاخذي الرأي من بنات ماتعرفي ايش اصلهم اصلا صالحين ولا طالحين ولا استغفر الله مو كويسين(n)
ترى هنا من كل الشعوب وكل القبايل فكل وحده لها رأي وحتحتارو اكثر
يعني الحكايه مو هديه اقبلها ولا لأ لااااااااااااااااااااااااااااااااا هذا زواج وانتي الي حتتحملي النتيجه ايجابيه او سلبيه
وبصراحه اتمنى كل موضوع زي كذا ينحذف لانو مااشوفها مشكله وتحتاج حل او رأي مننا والاتخاذ يكون بين الاهل مو بيننا
لانو عندك اهلك الي ربوكي وتعبو عليكي ماتاخذي حتى رأيهم لما تتزوجي
هذا الشي كان مضايقني وحبيت اقولو ولاتزعلو مدري اشبكم دي اليومين عاملين حرب عليا من ردودي مو عاجبتكم من دحين والي حتزعل عاااادي تنتقد كلامي :D:D:D
ترى اتقبل النقد بكل رحابة صدر ماشاء الله :cool:
واستنى ردودكم عشان اعرف انتو برضو متضايقين من نفس الموضوع ولا انا بس
عيون الفهد