الله يرزقكم ابي احد يرد علي

*

*نوف*

عروس جديدة

15-09-2008 | 03:38 AM

السلام عليكم ورحمة الله وبركاته
اخواتي هذا اول موضوع لي وابي احد يساعدني ويفهمني بالراحه وكلام واضح ومفهوم ومو معقد

انا صار لي سنتين متزوجه وماحملت ابد ابد وبصراحه زوجي مو مستعجل ولا انا بس جاء هجوم
من مامته اللي هي خالتي وقالت له ياتحمل او تطلقها وازوجك اربع غيرها (ياقوها ياناس محد يصدق كلامها يمشي غصب عنهم )

المهم زوجي بعد عمري رفض وقال انا قلتلها تاكل مانع بس اذا تبين احفاد وتصيرين عجوز مو مشكله اقولها تتركه واوديها الطبيب بعد علشان تحمل بسرعه المهم مشت عليها

ورررررررررررررررحت الطبيبه قالت انتي مشكلتك بسيطه وافهموا زين الله يرضى عليكم ترى مافهمت شيء لدرجه انه الطبيبه قالت انا حاضربك يابت

لحد يقول غبيه انا مو غبيه بس في هالامور مافهم ولاشيء حتى خالاتي حاولوا يفهموني ايام التبويض وعجزت افهما والله للحين :o

المهم اسمعوا الطبيبه وشقالت بالحرف الواحد

(((انتي عندك كيس مااااااااء قلت وش هذا قالت علاجه بسيط قلت وشو هو قالت حجم البويضه الطبيعي عشرين انتي عندك خمسه وثلاثين يعني الزياده ماء وسوت تحليل هرمونات مادري وشي والنتيجه للحين ماطلعت))))

اللي ابي اعرفه الكيس هذا او الماء وينه هو على المبيض او في الرحم وبعدين وشدخل البويضه ذي في ذا الكيس انا ابي افهم

وبعدين هي سوت لي اشاعه ذي مدري وش اسمها بس التصوير اللي من جواء وقالت يخرب عقلك ايه ده بصي الورم داء عاد يوم قالت الورم انهبلت قلت وشو ورررررررررررررم قالت لالا كيس ماء شايفه اللي لونه اسود هذا قلت ايه قالت هو بصراحه يابنات شكله يخووف كبيير مره انا خايفه وقلت لامي قالت والله مدري وش تقولين مو فاهمتك الله يسامحها انا قلت لها تروح معيبس هي قالت وشوله روحي انتي خلاص انتي مره الله يعين تكفون ردوا علي وريحوني

بس بالله اللي تعرف ترد والتخمينات مابيها انا ابي افهم وش معنى كلام الدكتوره وهو شيء بسيط والاخطير

ااااااااااااااااسفه ادري طولت بس مو قادره انام بس افكر وعندي موعد بعد اربع ايام ...:tears:

ش

شمس 31116

عروس فضية

15-09-2008 | 03:50 AM

لا تخافين انشاء الله شئ بسيط وبالعلاج كل شئ صير اووكي واللي فيج شئ مو شئ خطير
بالعكس يتعالج بسهوله ..

والله يرزقج ان شاء الله الحمل بالقريب العاجل ..

*

*نوف*

عروس جديدة

15-09-2008 | 03:51 AM

الله يخليكم وينكم حد يرد عليه ارررررررررررررررررج و ك م

*

*نوف*

عروس جديدة

15-09-2008 | 03:56 AM

الله يرزقك ويسعدك ياشمس بس تعرفين وشو معنى كلامها الطبيبه او لا

*

* وريف *

عروس برونزية

15-09-2008 | 04:09 AM

انا ماعندي خلفية كافية عن هالموضوع ممكن تفيدك..

لكن عادي اسمع كثير ناس شووا عملية وشالوا الكيس وحملوا اخرهم مرة خالي ..

الله يكتب لك كل خير يارب

ولاتخافين ان شاء الله بترد عليك وحدة مرت بحالتك نفسها

ج

جمال الزهره

عروس برونزية

15-09-2008 | 04:14 AM

الدكتوره بنفسها طمنتج , يعني ان شاء الله شغلتج ما بطول
اهم شي تابعي العلاج وأمشي على كلام الدكتوره ,,
والتكيسات علاجها يا بالأبر والحبوب أو عملية بسيطه ويشلونها
وانشاء الله ما عليج شــر
والله يكتب لج الذرية الطيبة
وتفرحين زوجج بالخبر الحلو

ن

نسبم الصباح

عروس مبدعة

15-09-2008 | 04:43 AM

روحي لدكتورة ثانية وشوف تقول

*

*نوف*

عروس جديدة

15-09-2008 | 04:44 AM

لا بنات صدق عمليه انا خوافه انا لما رحت لها اليوم نزل الضغط عندي فما بالكم لو تقول عمليه لا ان شاء الله ماتوصل لذي الدرجه
وعموما الله يرزقكم رؤيه وجه الكريم يوم القيامه ويضلكم بضله يوم لاضل الا ضله يارب ياخواتي
شمس&وريف&جمال الزهره
وبالله وين الباقين بالله ابي احد يعرف عن هالموضوع شيء يرد علي او مر فيه او سمع عن احد به مثل هالحاله
يرد علي ارجوكم

*

*نوف*

عروس جديدة

16-09-2008 | 03:37 AM

نسيم الصباح شكرا لمرورك الطيب
والدكتوره اللي انا رحت لها مره ممتازه مابي اروح لاحد ثاني واتوهق بكلام غير بعد بمشي مع ذي واللي كاتبه ربي بيصير ان شاء الله