تقرير رحلتي في شهر العسل إلى (( باريس ))<< صووور

السكن كان في فندق (( هيلتون )) قريب من شارع الشانزليزيه ..
الليله كانت ب 1450 درهم ..
وقضينا فيه 9 ليالي .. يعني ما غيرناه ..
وبصراحه الفندق كان حلوو ..
وهاي صور من الفندق الصور طبعاا كانت من الانترنت لان انا الصور عندي امتسحت ..

هاي البطاقه لباب للغرفه

















هاي الخريطه وين مكانه بالضبط عن شارع الشانزليزيه

[

يتبع ,,

الجزء الاول

وصلنا تاريخ 22 / 6 / 2008 تقريبا الساعه 7 المغرب .. وخلصنا الاجراءات في المطار والحمدلله خلصنا بسرعه وخذنا الشنط وسرنا الفندق ..تقريبا 40 دقيقه من المطار للفندق .. وانا ما كنت ادري بأي شي. وكنت وايد احاتي كيف بنحصل سكن .. بس ريلي ): الله يطول في عمره كان مرتب الرحله كامله حاجز الفندق ومخلص كل شي ..

المهم وصلنا الفندق وحطينا اغراضنا وارتحنا شوي ونزلنا نستكشف المكان قبل ما يظلم الجو وقلنا بنتعشا في شارع الشانزليزيه .. نزلنا والجو كان روووووووووووووعه و تعشينا في مطعم (( بينو )) وخذنا بيتزا طعمها لذييذ وخذنا بيبسي .. وها المطعم مشهور في شارع الشانزليزيه .. وتعشينا وبعدين تمشينا في الشارع لان الجو كان ما يتفوت بس باااارد وايد ,, وع الساعه 12 تقريبا ردينا الفندق ..

تاريخ 23 / 6 / 2008

نزلنا من الفندق وسرنا قوس النصر وتصورنا فيه وطلعنا ولفينا مشي من الساعه 1 لين الساعه 5 العصر كنا نستكشف باريس .. وسرنا ع الساعه 5 ونص برج ايفل وبصراحه ها البرج فضيع روووعه وركبنا من الطابق الاول لين الطابق الثالث والمنظر من فوق ما يتفوت شفنا باريس بكبرها ...
اسمحووولي بنات انا صورت كل شي من بداية الرحله لين ما ردينا بس الصور اللي في تاريخ 22 / 6 و تاريخ 23 / 6 امتسحت وباقي التقرير كله بيكون بالصور ان شاء الله :)..

بس لقيت لكم كم صوره

هاذا قوس النصر



وهاذا برج ايفل ..

تذكرة الدخول لبرج ايفل لآخر طابق ب 12 يورو يعني تقريبا 60 درهم ..








يتبع ,,

تاريخ 24 / 6 / 2008

طلعنا من الفندق وقلنا بنستكشف المحلات اللي في شارع الشانزليزيه والمحلات كله ماركات عالميه وها المحل المشهور في الشارع اسمه (( سيفورا )) للعطور والمكياج .. وموجود عدنا في الامارات في مركز دبي فيستيفال سيتي



وخلصنا من الشارع وسرنا آخر الشارع وشفنا مباني وايد حلوه .













وهاذا مطعم فيه اكل فرنسي واكل امريكي

وهاذا ميدان الكونكورد







وفي ها الصوره برج ايفل طالع

وها التماثيل في كل مكان موجوده في باريس




وتمشينا ولقينا كوشك صغير يبيعون فيه سندويشات ومشروبات خذنا كوكاكولا




ولقينا بحيره صغيره ..

وهاي حديقة ..


















وصلنا آخر الحديقه وحصلنا متحف اللوفر .. كنا بندخل بس حسينا ان ما شي وقت .. وقلنا بنسير له باجر العصر ..وطلعنا من الحديقه ..
..




وها آخر الجزء..

وان شاء الله باجر بنزل لكم الجزء الثالث .. كنا في متحف اللوفر ..

حلوين الصور تسلمين
الله يهنيك

يسلموو رووعهـ والله يهنيكـ ياارب ويسعدكـ

ما شاء الله ..

يالله عااد الله الله بالسفرات والروحات والجيات .. هههههـ

تقبلي مروري ..
نور العاج

مشاء الله مناظر حلوه يعطيج الغافيه

الصراحه اكثر من روعه ماشاء الله الله يبارك لج ويرزقج بلذريه الصالحه

الصور بيجننوا
وحياه سعيده

تسلمين ع الصور الحلوه والف مبروك الزواج:con1::9_33:،وااااااااااااااااااااي ابي اروح فديت فرنسا انا كنت فيها بشهر 7 لين بداية 8 بس وربي رجعت وماشبعت:no:

تتهنين يالغالية

صورج وايد حلوه

الله يرزقج بالذرية الصالحة الي يفرحونج يارب


وذكرتيني بشهر العسل مالي كان ابباريس بس من قبل 3 سنين

ولا صورة طالعه ليش :(

روعه وتسلمين ع الصور والله يوفقج ويسعدج في حياتج والله يرزقج بالذريه الصالحه

تسلمين على الصور الجميلة

مااشـالله رووعه الصـوور

اللـه يوفقك ياارب ويكتبلك السعااده بحياتك الجديده

ألف مبروك الزواج وبالرفاه والبنين وماشاء الله تقريرك روعه بالمره..بالتوفيق حبيبتى

الله يسعدك ويوفقك يارب ويرزقك الذرية الصالحة


وماعاش من يسمعك كلام زي السم

احنا هنا عجبنا الموضوع واكثر من رووووووووووعة ماشاء الله