للي متواجدين في البحرين فقط

أم طروقي وهنوفه 14-09-2008 10 رد 1,541 مشاهدة
أ
السلام عليكم ...

عندي استفسار وارجو منكم المساعده .....الموضوع بخصوص ثياب العيد ....انا عندي بنت شهر 11بتكمل ال3سنوات وابي اشتري لها فستان حلو حق اول عيد بحيث ان مايكون وايد مكركش ولا يكون في اشيه وايد ابي يكون ناعم يصلح حق اول يوم عيد وبسيط وناعم وعملي في نفس الوقت ....اي ابي يكون في مستوى هاي الفستان حلو وناعم وبسيط ...







الحين ابي من بنات البحرين اللي تقدر اتساعدين ..في وين اقدر احصل فساتين في هالمستوى اي المحلات اللي في البحرين عندهم...اللي تعرف لاتبخل علي بالمساعده ....
ب
هلا حبيبتي انا بنتي في سن بنتج تعبت من كثر ما ادور ولا حصلت عيزت ما حصلت شيء قلت باطلع باجر وبدور مرة ثانيه حصلت في مذركير السيف فستان ناعم واونه مورد ب15 يمكن يعجبج روحي وشوفي
ز
تحصلين في مذركير السيف الفستان بالصندل يهبلون وبعد روحي مجمع سترة بتشوفين انواع واشكال
ا
في مجمع ستره وايد حلوه ثيابهم
و
بنتي اشتريت لها فستان من دبنهامز كان ابيض مافيه ولا شي
بعدين رحت مخل الاكسوارات ما الثياب واشتريت مثل الورد فيه شوي كريستال وتوديته الخياط وخيط وطلع واجد حلو
أ
رحت مذركير ثيابهم كل مال لشته .....عبالهم عندنه برد بطين ..ويا هالثياب اللي منزلينهم ..وانشالله بروح مجمع ستره وبشوف ..وبعد وين ممكن احصل ؟؟
أ
اختي روحي محل مونسون اللي بالسيف ترا ثيابه حلوة

يمكن تحصلين انا شريت حق بنتي فستان من عندهم
ب
اختي شوفي wool worthاللي فوق برادة الجزيرة يم النادي الاهلي و شوفي شيكو يم صيدلية ناصر في نفس المنطقه و شوفي ليدي بيرد في مجمع سترة... بس الفستان وايد بسيط يصلح حق ثاني العيد يعني اخذي لها شي كشخة و عملي و ما يعيق حركتها
آ
ليدس بيرد بتحصلين واكسوسريز روحي اللي في مجمع سيتي سنتر الجديد لأن البضاعة هناك جديدة ومتوفر مقاسات كثيرة والله يوفقش وانصحش تسترين بسرعة لأ، اللي راح ينز ل كلا شتوي
أ
بي اتش اس
ومونسون
في السيف
*

مرحبا أختي :shy:

هذي أول مشاركة لي في هالمنتدى الطيب الله يجمعنا فيه على الخير ..

أنا بنتي عمرها سنة ونص ورحت الخبر (مجمع الظهران) ولقيت بضاعة وايد عجبتني في آدمز وحتى ليدي بيرد ومذركير ..

بس آدمز بصراحة الخيارات وايد وخذت لها 4 بدلات وفكيت روحي ..

جوفي آدمز في البحرين يمكن عنده نفس البضاعة ..

بس خفي روحج لأن كل المحلات بتنزل شتوي من الحين ليش مادري!!

وإذا لقيتي صنادل خفيفة وحلوة ياريت تخبريني وأكون لج شاكرة ..
X