هالمره اخضر !!!:eek:اكيد قلتوا شنو هذا هذا فكره يديده لونها غير العاده ( احمر _وردي _بنفسجي ) هالمره لونها اخضر الفكره ما طبقتها بس قلتها لرفيجتي متزوجه وطبقتها وكانت النتايج:wink:روووووووووووووووعه الفكره مو صعبه وما تتطلب كثير اهم شي واول شي الادوات الي تحتاجينها :- 1-خام ترور اخضر وياليت يكون وايد يعني لو تقدرين طاقه كامله تري التور معروف برخص سعره واذا تحبين غير التور انتي حره بس بيكون حلو 2- قميص نوم يكون ناعم بس مثير وياليت الي يكون قطعتنين يعني اندر وير وشي فوق باللون الاخضر طبعاً3- شور جل يكون علي النعناع لانه مريح للأعصاب ..4- اوراق من محل الورود الكبيره 5- شموع بأحجام مختلفه يعني شي قصير شي طويل شي متين وكيفج باللون الاخضر
الفكره :
انج تبتدين بالصاله (الصالون) تاخذين ورقه من الاوراق وتحطينها علي طرف طواله او اذا عندج بار تشن وتحطين عليها شمعتين وحده طويله وحده قصيره وتزهبين مطاره فيها ماي حار تحطين صينيه فيها شاي اخضر + اكواب راقيه ويفضل يكونون بالاخضر + قليل من النعناع بصحن صغير للنكهه تقصين قطعه خام تور تكون مو مرتبه تفرشينها علي الطاوله وتحطين الشمعه بوسط الخام وتلفين الشمعه راح يكون الشكل حلوو وفيه ابتكار والصينيه علي جنب ورقه الخضره بعد تحطين علي يدة الباب خام تور وتربطينه بشكل ناعم تفرشين علي فراشج خام تور وتحطين شموع علي الارض :) بالحمام تترسين البانيو تحطين الشاور النعناع وتزهبين فوطيتين وحده لج وحده له وتحطين لشموع الي تطفح علي الماي بالبانيو اول ما يدش تكونين انتي مو لابسه ومتنقعه قولي له تعال وتنقعين ولما تشبعون بيكون اهوا جن لبسي قميص نومج مع عطر خفيف وبودره وروحي شربي جاي اخضر معاه وليله خضره لج وله بس يالليت الي تبي اي سؤال تسأل ودعولي اني اتزوج واطبقها يله لا تبخلون علي بالدعاء :) الفكره :
