السلام عليكم ورحمة الله وبركاته
كيف حالكم يا عرايس؟
سلسلة جديدة نبدأها معاكم
بناء على طلب احدى الاخوات
ابدا الموضوع هذا
مناسبتك في البيت؟
حابة انك تعملي كل شي بيدك ؟
تبغي افكار ؟ تبغى احد يساعدك؟
نفسك تسوي شي حلو بس ما يكلف كثير؟
تعالي اعطيك مجموعة اولى من الافكار!!!!
=-=-=-=-=-=-=-=-==-
نصائح مبدئية:
- احسبي عدد المعازيم.. بما ان المناسبة في البيت اكيد عدد المعازيم لا يتعدى 30، مهما كبر المنزل، لان المناسبة اللي في البيت غالبا ما تكون لان عدد المعازيم قليل (اقول غالبا)
- اعرفي المكان اللي راح تعملي المناسبة فيها :
المجلس، الصالة، الحوش، السطوح
- اعرفي اللون اللي تبغي تعملي كل التزيين بيه
نصيحتي اختاري لونين واضيفي عليهم الابيض مثال:
وردي - موف وابيض
اخضر تفاحي - اصفر ليموني وابيض
بني - اخضر وابيض
لان الابيض راح يكسر القسوة في الالوان، وراح يعطي نعومة ولطف
حتى لو كانت المناسبة زواج، دخلي الالوان لا تخلي كل شي ابيض
لان الابيض ما راح يبرز الا اذا اضفتي له لون
حتى بوكيهات الورد البيضا فيها ورق شجر اخضر عشان يبرز اللون
- اعرفي كل شي تبغي تعمليه وحطيه في جدول
مثال:
- كوشة
- توزيعات معازيم
- عصيرات و شوكولاتات و فطاير تتوزع
- تزيين المدخل
- تزيين الصالة والمجلس
- اضافة اضاءة على حوش المنزل والمدخل
- ..... الخ
عشان لو كان كل شي واضح بالنسبة لك راح يسهل عليك
بعد ما تعملي الجدول السابق
اعملي جدول الوان
مثال:
- كوشة = ابيض + احمر
- توزيعات معازيم= احمر + ذهبي +ابيض
- عصيرات و شوكولاتات و فطاير تتوزع= عصيرات حمرا : فراولة ، حبحب (جح) .. الخ
- تزيين المدخل= احمر + اخضر + ابيض
- تزيين الصالة والمجلس = ابيض + قليل من الاحمر
- اضافة اضاءة على حوش المنزل والمدخل= المدخل اضاءة صفراء عادية
في الحوش اضاءة حمراء
- ..... الخ
كذا راح تبدأ توضح الصورة عندك
بعدها تقدري تزودي على الجدول العدد والتفاصيل الثانية
- اكتبي كل شي في دفتر، وخلي الدفتر هذا معاك دايما، ما تدري متى تجيك فكرة! وقسمي الدفتر اجزاء، خليها مثلا:
- الكوشة
- التوزيعات
-التزيين
-الكوفيرة
-الفستان
وكل ما تجيك فكرة لاحدى الحاجات هذه تحطيها!!
=-=-=-=-=-=-=-=-==-
نجي للافكار اللي نقدر نطبقها في البيت
واشكر اختي (لحظة مشاعر) لما ردت على موضوعي وقالت:
ومعاها حق 100%
للازم تخلي في بالك انك ما تبذري او تجيبي حاجات زايدة عن اللزوم
صحيح ان العرب معروفين بالكرم
بس في فرق بين الكرم والتبذير
خلوها في بالكم ...
=-=-=-=-=-=-=-=-==-
بالنسبة لكروت الدعوة:
انا اعتقد انو لازم تعملي، حتى لو المعازيم قليل، لانها ذكرى!!
يختي انا اقدر الذكريات اللي زي كدا،
الفكرة هي انك اذا عملتي كروت دعوة
تقدري بعد كدا تأخذي الكرت حقك
تحطيه في البوم الصور
انا عملت كدا اول صفحة في البوم صور ملكتي
حاطة بطاقة الدعوة
وفكرة تانية تستغلي فيها كرت الدعوة
حطيها في اطار صورة
وعلقيها في غرفتك او في بيتك
تظل ذكرى حلوة
اجمعي كرت الملكة مع كرت الفرح في ايطار واحد
او حطي كل واحد في ايطار وعلقيهم جنب بعض
يختي والله الذكريات الحلوة اللي زي كدا لازم نحافظ عليها
وهذه نصيحتي!
والحلو اذا المعازيم قليل تقدري تعملي الكروت في البيت!!
ما راح تتعبي كتير ان شاءا لله
وما راح يكلفك كثير برضو
هو ورق وكمبيوتر ، وعشان لمسة الـ ( وااااااااااااو) شرايط و جلتر وشوية افكار حلوة
وتصير عندك الذكرى!
=-=-=-=-=-=-=-=-==-
اول ما نجي للبيت ، راح نشوف المدخل، فأكيد لازم نزين المدخل
غالبا المدخل عبارة عن باب بكم درجة امامه
سواء كان مدخل البيت للحوش
او المدخل الاساسي للمنزل
-1-
جيبي قماش باللون اللي تبغيه واللون الابيض
وخلي القماش مرة بسيط ، وجيبي شي رخيص ، ترى راح يتعلق على الجدارن وما راح يكون فستان تلبسيه ، فجيبي حاجة رخيصة بس ما تتشق بسرعة
راح نعمل الحركة هذه
اذا كان عندك في مدخل البيت عواميد زي هذه
لفي عليها القماش الملون
ومن فوقوا اللمبات الصغيرة هذه ، اللي تجي زي الخيط الطويل
في ملكتي اللمبات كانت عبارة عن حبل طويل، وفي نصه في اللمبات
عشان ما تحرق اللمبات القماش
كأن اللمبات مغطية ببلاستك
ولما اشتغلت ووراها قماش مرة طلعت حلوة
انتي تقدري تسوي الحركة هذه في العواميد
واذا ما عندك ، وعند بس الباب
حطي حوالين الباب القماش الملون، كانه ايطار له
و على امتداد الجدار اللون الابيض
ونزلي الانوار زي الصورة الاخيرة
-2-
انا مرة شفت في (ستي بلازا - سنتربوينت) يبيعوا ستاير من خيوط
يعني هي بس عبارة عن خيوط نازلة من فوق و تستخدم كـ خلفية للستارة الاصلية
انتي جيبيها وحطيها على الباب
ولميه على الطرقين بشرايط زي الصورة
يعني تصير الخيوط نازلة من فوق
ومتجمعة على الاطراف
انتي جمعيها في الثلث الاخير من الباب
عشان تعطي شكل حلو
ومن فوق الباب عشان تخبي بدايات ستارة الخيوط ، تقدري تخطي قماش تل
تلميه فوق زي الكتل، وبعدين تنزليه على اطراف الباب
بس خليه خفيف ومو كثير مرة
-3-
جيبي اكياس ورق بحيث يكون شكلها حلو ولونها ابيض سادا
وحطي في وسطها شمعة صغيرة
وعشان ما ينحرق الكيس
حطي فوق الشمعة كاسة زجاج، بس ما نبغى الشمعة تنطفي
ف راح نعمل التالي:
حطي حوالين الشمعة قطع كرتون بحيث تصير الشمعة في النص
وقطع الكرتون تحيطها، وبعدين الكاسة من فوقها، راح يدخل الهواء من تحت
وما راح تنطفي الشمعة
ورصي الاكياس على المدخل
زي الصورة
واذا ما نبغى زحمة الشمعة ويمكن تحرق الكيش
تجيب اللمبات الصغيرة اللي تشتغل بالبطارايات
ونريح دماغنا
=-=-=-=-=-=-=-=-==-
الكوشة
اهم شي بالنسبة لك الكوشة تبغيها تكون حلوة وناعمة
وفي نفس الوقت فخمة و لها وقع في القلوب
انا اقول..
خليها بسيطة وفيها حركة قوية
يعني قد ما تقدري خليها ناعمة
وبعدين اعملي شي واحد يخلي الناس تقول
( واااااااااو، ما شاء الله كوشتها مرة طلعت حلوة)
نجي للامثلة
-1-
اللعب بالاضاءة هو كل شي
هو السر اللي راح يخلي الكل يقول ( ما شاءا لله الكوشة تجنن)
شوف يالصور هذه سهلة تتطبق
بس تبغى اقمشة و اضاءة
اكيد دحين جالسة تسألي نفسك
( يا سحاب الله يهديك كيف نسوي هذا في البيت!!)
هههههه كويس دعيتولي << صدقت
انا اقول لكم
اول شي شوفي الجدار اللي تبغي تعملي عليه التزيين هذا
وجاوبي على الاسئلة التالية
- هل في شباك في الجدار؟
- هل في ابجورة ( ثريا) في الغرفة؟
- هل في كرسي مناسب في الغرفة؟
- ايش لون الجدار؟
- هل في صور او لوح معلقة على الجدار؟
اول شي راح تسويه هو انك تشيلي اللوح والصور اللي على الجدار اللي راح نزينه، خليه عاااااااااري بدون اي شي ، اذا في شباك راح نغطيه باللاقمشه، اذا كان اللون اللي اخترناه يتضارب مع لون قماش الشباك ايش نسوي؟؟؟
هو حل واحد من الاثنين
- تشيلي الستارة
- تجيبي قماش ابيض سادا وتغطي الستارة بالقماش يعني تخفي الستارة!!
الان شيلي كوووووووووول شي من امام الجدار لا كراسي لا سجادات ولا شي
وقيسي الجدار بالمتر من الزاوية للزاوية
وجيبي المنتصف
راح نبدا كل شي من المنتصف
ما راح تضبط الكوشة الا اذا كان فيها اتزان والتوازن ما يجي الا بالمقاييس
اول ما تعرفي المنتصف، حطي اشارة
لا تشخبطي على جدار البيت لا تذبحني الوالدة :confused: حطي مثلا لصق ( شطرطون)
عشان يحدد لك المنطقة ومن هنا راح نبدا كل شي
اختاري القماش الابيض الاول و يفضل لو انه قماش خفيف
اعتقد ان التل اسهل خيار واسلم خيار
تأكدي ان طوله ضعفين طول الجدار اللي قستيه
وجيبي المنتصف االقماش واربطيه بخيط، ولصقيه في منتصف الجدار
فووووووووووووووووووووووووووووووووق اعلى شي تقدري توصلي له
لو تقدري توصلي للثقف احلى واحلى
بعدين امسكي الطرف اليمين من القماش وقيسي النص، وروحي للزوايا على اليمين ولصقي القماس في الزاوية من النص، بحيث يكون عندك جزء من القماش نازل على الارض
واذا ما نزل على الارض وصار قصير ما هي مشكلة، اهم شي في جزي منه نازل
وبكدا حطيتي حجر الاساس
بناء على اول قطعة قماش تحي البقية زي الصور اللي فوق
وتضيفي الاضاءة فوق القماش
ملاحظة:
اذا في ثريا في الغرفة، تقدري تمدي القماش الى الثريا
و لا تشغلي الثريا، لكن استخدميها في الديكور
وتصير الاضاءة فقط على اللمبات الصغيرة
طيب نحن كدا زيينا الجدار الخلفي للكوشة
ونقدر نعتبر الكوشة خلاص كاملة
بس نجيب الكرسي اللي راح يكون في صدر الكوشة
حلو لو في عندك الكرسي اللي يجلسوا فيه نفرين
بدل ما تحطي كرسيين متفرقين
ما ادري احسو احلى على كوشة ..
وعلى الجنبين نقدر نحط هذا
طاولة قلبناها ابجورة
كيف؟
قماش تل يغطي الطاولة الصغيرة
وتحتها لمبة بالبطارية
او لمبة بالكهرباء
بس مو شمعة عشان زي ما اتفقنا ما نبغى نحرق البيت ههههه
ومن فوق الطاولة حطي بوكيه ورد مثلا
او كرستالات
اي اضافات حلوة
وتصير الغرفة تنور على اللمبات اللي منتشرة في الجدران
والابجورتين على طرفين الكوشة
واذا الكرسي سادا ومناسب للون اللي اخترتيه
اتركيه زي ما هو
خليكي ناعمة وبسيطة
لان نحن ما نبغى الكوشة تغطي عليك!!!
انتي اهم شخص في اليوم هذا
والمفروض العيون عليك مو على الكوشة!!!
-2-
الفكرة اللي هنا
انك تجيبي قماش
وكرستالات نلاقيها في اي محل ادوات فنية او يمكن حتى خياطة
وجيبي فلين اللي نشتغل عليه في المدرسة نسوي لوح وزي كدا
اول شي تمسكي الفلين وتقصيه على الشكل اللي في الصورة
كأنك تسوي قووس، وطبعا الفلين صغير
فانتي راح تستخدمي مجموعة من الفلينات
وتلصقيها على بعض بصمغ مسدس
الين ما تعملي القوس اللي بحجم الجدار اللي راح نزينه
راح تغلفيه بقماش سادة يخفي الفلين
بعدين راح توقفيه على الجدار
نحط من فوقه التل والكرستالات
وتخلي التل ينزل من الطرفين ( التل الملون)
والتل الابيض السادا نخليه ينزل في النص
عشان يعمل خلفيه من فوقه تنزل الكرستالات
-3-
فكرة بسيطة جدا جدا جدا
تقدري تستفيدي من الشباك اذا كان الشباك في الخلفية
تحطي القماش الابيض فوق الستارة عشان تخبيها
والقماش الملون يمتد من الطرفين
وحطي بوكيه ورد على الطرفين
بسيط وناعم وحلو
=-=-=-=-=-=-=-=-==-
الدرج
غالبا تنزل العروسة من الدرج وهذا مررررررررررة شي مهم
لان ما راح تكون العروسة جالسة مع المعازيم اول ما يجو
راح تدخل بعد ما يكونو جلسوا وتنزل بطلتها وجمالها
لازم نزين لها السلم!!!
-1-
.jpg)
شوفي الدرج هنا
خياااااااااااااااااااااااااااااااااااااااااالي
وقت الزفة راح يطلع شي روعة
وما يبغالو شي!!
بس تحطي اضاءة في كعب الدرج والدربزين
من فوق لتحت
وطفي الالوان
ويا سلام عليك وانتي نازلة من الدرج زي كدا
بسم الله عليك ، راح يكون شي رووووعة
-2-
تقليدي هو التل والورد
بس مو شرط نسوي زي كل الناس
نستخدم نفس الخامات
بس نعمل شي جديد
نغطي الدربزين كلو بالتل مثلا
من فوق لتحت
بحيث نرمي القماش من اعلى ونخليه ينزل الى الاسفل
وبعدين كل مثلا 30 سم، تجمعي التل وتحطي بوكيه ورد
بحيت يكون التل كأنه امواج على الدرج
والورد في النص
بكذا تغطي الدرج ، وتعطيه شكل حلو
-3-
لا تزيني وتسوي زحمة كبيرة
انتي جيبي قطعة قماش زي القطيفة تكون ما تزحلق وتثبت في مكانها
جيبي لون صارخ زي الاحمر
وخليه من فوق الدرج يمتد الين الكوشة
كأنك انتي على the red carpet تبع هولييود
كل الشخصيات المهمة يفرشوا لها الموكيد الاحمر
الملوك والنجوم وكل من له اهميه
وفي اهم منك في اليوم هذا؟
افرشي البساط الاحمر من فوق لتحت وامشي بكل زينتك لزوجك!
=-=-=-=-=-=-=-=-==-
التوزيعات:
تقدري ترجعي لمواضيعي التانية
فيها افكار للتوزيعات، سهلة ممكن تنعمل في البيت
وتتوزع و تبقى لها ذكرى حلوة
=-=-=-=-=-=-=-=-==-
هذه نهاية الموضوع
وان شاء الله في لها اجزاء
نفكر مع بعض ونجيب افكار حلوة نقدر نطبقها بسهولة
ومن وجهة نظري
لما تعملي الشي انتي بيدك
راح تكون روووووووووعة لان يبقى ذكراها للابد
غير لما احد يسويه لك وانتي بس تشوفيه جاهز مجهز
ويمكن على ذوقك ويمكن لا!!
لنا لقاء في الجزء القادم
<< مسلسل هههههه
كيف حالكم يا عرايس؟
سلسلة جديدة نبدأها معاكم
بناء على طلب احدى الاخوات
ابدا الموضوع هذا
مناسبتك في البيت؟
حابة انك تعملي كل شي بيدك ؟
تبغي افكار ؟ تبغى احد يساعدك؟
نفسك تسوي شي حلو بس ما يكلف كثير؟
تعالي اعطيك مجموعة اولى من الافكار!!!!
=-=-=-=-=-=-=-=-==-
نصائح مبدئية:
- احسبي عدد المعازيم.. بما ان المناسبة في البيت اكيد عدد المعازيم لا يتعدى 30، مهما كبر المنزل، لان المناسبة اللي في البيت غالبا ما تكون لان عدد المعازيم قليل (اقول غالبا)
- اعرفي المكان اللي راح تعملي المناسبة فيها :
المجلس، الصالة، الحوش، السطوح
- اعرفي اللون اللي تبغي تعملي كل التزيين بيه
نصيحتي اختاري لونين واضيفي عليهم الابيض مثال:
وردي - موف وابيض
اخضر تفاحي - اصفر ليموني وابيض
بني - اخضر وابيض
لان الابيض راح يكسر القسوة في الالوان، وراح يعطي نعومة ولطف
حتى لو كانت المناسبة زواج، دخلي الالوان لا تخلي كل شي ابيض
لان الابيض ما راح يبرز الا اذا اضفتي له لون
حتى بوكيهات الورد البيضا فيها ورق شجر اخضر عشان يبرز اللون
- اعرفي كل شي تبغي تعمليه وحطيه في جدول
مثال:
- كوشة
- توزيعات معازيم
- عصيرات و شوكولاتات و فطاير تتوزع
- تزيين المدخل
- تزيين الصالة والمجلس
- اضافة اضاءة على حوش المنزل والمدخل
- ..... الخ
عشان لو كان كل شي واضح بالنسبة لك راح يسهل عليك
بعد ما تعملي الجدول السابق
اعملي جدول الوان
مثال:
- كوشة = ابيض + احمر
- توزيعات معازيم= احمر + ذهبي +ابيض
- عصيرات و شوكولاتات و فطاير تتوزع= عصيرات حمرا : فراولة ، حبحب (جح) .. الخ
- تزيين المدخل= احمر + اخضر + ابيض
- تزيين الصالة والمجلس = ابيض + قليل من الاحمر
- اضافة اضاءة على حوش المنزل والمدخل= المدخل اضاءة صفراء عادية
في الحوش اضاءة حمراء
- ..... الخ
كذا راح تبدأ توضح الصورة عندك
بعدها تقدري تزودي على الجدول العدد والتفاصيل الثانية
- اكتبي كل شي في دفتر، وخلي الدفتر هذا معاك دايما، ما تدري متى تجيك فكرة! وقسمي الدفتر اجزاء، خليها مثلا:
- الكوشة
- التوزيعات
-التزيين
-الكوفيرة
-الفستان
وكل ما تجيك فكرة لاحدى الحاجات هذه تحطيها!!
=-=-=-=-=-=-=-=-==-
نجي للافكار اللي نقدر نطبقها في البيت
واشكر اختي (لحظة مشاعر) لما ردت على موضوعي وقالت:
مشكوره اختي على هالجهد يسلمووو
بس ماحس له فايده هالاشياء ليش نبذر وناس غيرننا محتاجين ويمكن لاسوينا كذا تصيبنا عين وبعدين نتندم ياليتنا وياليتنا احس الزواج يكون عادي
ومعاها حق 100%
للازم تخلي في بالك انك ما تبذري او تجيبي حاجات زايدة عن اللزوم
صحيح ان العرب معروفين بالكرم
بس في فرق بين الكرم والتبذير
خلوها في بالكم ...
=-=-=-=-=-=-=-=-==-
بالنسبة لكروت الدعوة:
انا اعتقد انو لازم تعملي، حتى لو المعازيم قليل، لانها ذكرى!!
يختي انا اقدر الذكريات اللي زي كدا،
الفكرة هي انك اذا عملتي كروت دعوة
تقدري بعد كدا تأخذي الكرت حقك
تحطيه في البوم الصور
انا عملت كدا اول صفحة في البوم صور ملكتي
حاطة بطاقة الدعوة
وفكرة تانية تستغلي فيها كرت الدعوة
حطيها في اطار صورة
وعلقيها في غرفتك او في بيتك
تظل ذكرى حلوة
اجمعي كرت الملكة مع كرت الفرح في ايطار واحد
او حطي كل واحد في ايطار وعلقيهم جنب بعض
يختي والله الذكريات الحلوة اللي زي كدا لازم نحافظ عليها
وهذه نصيحتي!
والحلو اذا المعازيم قليل تقدري تعملي الكروت في البيت!!
ما راح تتعبي كتير ان شاءا لله
وما راح يكلفك كثير برضو
هو ورق وكمبيوتر ، وعشان لمسة الـ ( وااااااااااااو) شرايط و جلتر وشوية افكار حلوة
وتصير عندك الذكرى!
=-=-=-=-=-=-=-=-==-
اول ما نجي للبيت ، راح نشوف المدخل، فأكيد لازم نزين المدخل
غالبا المدخل عبارة عن باب بكم درجة امامه
سواء كان مدخل البيت للحوش
او المدخل الاساسي للمنزل
-1-
جيبي قماش باللون اللي تبغيه واللون الابيض
وخلي القماش مرة بسيط ، وجيبي شي رخيص ، ترى راح يتعلق على الجدارن وما راح يكون فستان تلبسيه ، فجيبي حاجة رخيصة بس ما تتشق بسرعة
راح نعمل الحركة هذه
اذا كان عندك في مدخل البيت عواميد زي هذه
لفي عليها القماش الملون
ومن فوقوا اللمبات الصغيرة هذه ، اللي تجي زي الخيط الطويل
في ملكتي اللمبات كانت عبارة عن حبل طويل، وفي نصه في اللمبات
عشان ما تحرق اللمبات القماش
كأن اللمبات مغطية ببلاستك
ولما اشتغلت ووراها قماش مرة طلعت حلوة
انتي تقدري تسوي الحركة هذه في العواميد
واذا ما عندك ، وعند بس الباب
حطي حوالين الباب القماش الملون، كانه ايطار له
و على امتداد الجدار اللون الابيض
ونزلي الانوار زي الصورة الاخيرة
-2-
انا مرة شفت في (ستي بلازا - سنتربوينت) يبيعوا ستاير من خيوط
يعني هي بس عبارة عن خيوط نازلة من فوق و تستخدم كـ خلفية للستارة الاصلية
انتي جيبيها وحطيها على الباب
ولميه على الطرقين بشرايط زي الصورة
يعني تصير الخيوط نازلة من فوق
ومتجمعة على الاطراف
انتي جمعيها في الثلث الاخير من الباب
عشان تعطي شكل حلو
ومن فوق الباب عشان تخبي بدايات ستارة الخيوط ، تقدري تخطي قماش تل
تلميه فوق زي الكتل، وبعدين تنزليه على اطراف الباب
بس خليه خفيف ومو كثير مرة
-3-
جيبي اكياس ورق بحيث يكون شكلها حلو ولونها ابيض سادا
وحطي في وسطها شمعة صغيرة
وعشان ما ينحرق الكيس
حطي فوق الشمعة كاسة زجاج، بس ما نبغى الشمعة تنطفي
ف راح نعمل التالي:
حطي حوالين الشمعة قطع كرتون بحيث تصير الشمعة في النص
وقطع الكرتون تحيطها، وبعدين الكاسة من فوقها، راح يدخل الهواء من تحت
وما راح تنطفي الشمعة
ورصي الاكياس على المدخل
زي الصورة
واذا ما نبغى زحمة الشمعة ويمكن تحرق الكيش
تجيب اللمبات الصغيرة اللي تشتغل بالبطارايات
ونريح دماغنا
=-=-=-=-=-=-=-=-==-
الكوشة
اهم شي بالنسبة لك الكوشة تبغيها تكون حلوة وناعمة
وفي نفس الوقت فخمة و لها وقع في القلوب
انا اقول..
خليها بسيطة وفيها حركة قوية
يعني قد ما تقدري خليها ناعمة
وبعدين اعملي شي واحد يخلي الناس تقول
( واااااااااو، ما شاء الله كوشتها مرة طلعت حلوة)
نجي للامثلة
-1-
اللعب بالاضاءة هو كل شي
هو السر اللي راح يخلي الكل يقول ( ما شاءا لله الكوشة تجنن)
شوف يالصور هذه سهلة تتطبق
بس تبغى اقمشة و اضاءة
اكيد دحين جالسة تسألي نفسك
( يا سحاب الله يهديك كيف نسوي هذا في البيت!!)
هههههه كويس دعيتولي << صدقت
انا اقول لكم
اول شي شوفي الجدار اللي تبغي تعملي عليه التزيين هذا
وجاوبي على الاسئلة التالية
- هل في شباك في الجدار؟
- هل في ابجورة ( ثريا) في الغرفة؟
- هل في كرسي مناسب في الغرفة؟
- ايش لون الجدار؟
- هل في صور او لوح معلقة على الجدار؟
اول شي راح تسويه هو انك تشيلي اللوح والصور اللي على الجدار اللي راح نزينه، خليه عاااااااااري بدون اي شي ، اذا في شباك راح نغطيه باللاقمشه، اذا كان اللون اللي اخترناه يتضارب مع لون قماش الشباك ايش نسوي؟؟؟
هو حل واحد من الاثنين
- تشيلي الستارة
- تجيبي قماش ابيض سادا وتغطي الستارة بالقماش يعني تخفي الستارة!!
الان شيلي كوووووووووول شي من امام الجدار لا كراسي لا سجادات ولا شي
وقيسي الجدار بالمتر من الزاوية للزاوية
وجيبي المنتصف
راح نبدا كل شي من المنتصف
ما راح تضبط الكوشة الا اذا كان فيها اتزان والتوازن ما يجي الا بالمقاييس
اول ما تعرفي المنتصف، حطي اشارة
لا تشخبطي على جدار البيت لا تذبحني الوالدة :confused: حطي مثلا لصق ( شطرطون)
عشان يحدد لك المنطقة ومن هنا راح نبدا كل شي
اختاري القماش الابيض الاول و يفضل لو انه قماش خفيف
اعتقد ان التل اسهل خيار واسلم خيار
تأكدي ان طوله ضعفين طول الجدار اللي قستيه
وجيبي المنتصف االقماش واربطيه بخيط، ولصقيه في منتصف الجدار
فووووووووووووووووووووووووووووووووق اعلى شي تقدري توصلي له
لو تقدري توصلي للثقف احلى واحلى
بعدين امسكي الطرف اليمين من القماش وقيسي النص، وروحي للزوايا على اليمين ولصقي القماس في الزاوية من النص، بحيث يكون عندك جزء من القماش نازل على الارض
واذا ما نزل على الارض وصار قصير ما هي مشكلة، اهم شي في جزي منه نازل
وبكدا حطيتي حجر الاساس
بناء على اول قطعة قماش تحي البقية زي الصور اللي فوق
وتضيفي الاضاءة فوق القماش
ملاحظة:
اذا في ثريا في الغرفة، تقدري تمدي القماش الى الثريا
و لا تشغلي الثريا، لكن استخدميها في الديكور
وتصير الاضاءة فقط على اللمبات الصغيرة
طيب نحن كدا زيينا الجدار الخلفي للكوشة
ونقدر نعتبر الكوشة خلاص كاملة
بس نجيب الكرسي اللي راح يكون في صدر الكوشة
حلو لو في عندك الكرسي اللي يجلسوا فيه نفرين
بدل ما تحطي كرسيين متفرقين
ما ادري احسو احلى على كوشة ..
وعلى الجنبين نقدر نحط هذا
طاولة قلبناها ابجورة
كيف؟
قماش تل يغطي الطاولة الصغيرة
وتحتها لمبة بالبطارية
او لمبة بالكهرباء
بس مو شمعة عشان زي ما اتفقنا ما نبغى نحرق البيت ههههه
ومن فوق الطاولة حطي بوكيه ورد مثلا
او كرستالات
اي اضافات حلوة
وتصير الغرفة تنور على اللمبات اللي منتشرة في الجدران
والابجورتين على طرفين الكوشة
واذا الكرسي سادا ومناسب للون اللي اخترتيه
اتركيه زي ما هو
خليكي ناعمة وبسيطة
لان نحن ما نبغى الكوشة تغطي عليك!!!
انتي اهم شخص في اليوم هذا
والمفروض العيون عليك مو على الكوشة!!!
-2-
الفكرة اللي هنا
انك تجيبي قماش
وكرستالات نلاقيها في اي محل ادوات فنية او يمكن حتى خياطة
وجيبي فلين اللي نشتغل عليه في المدرسة نسوي لوح وزي كدا
اول شي تمسكي الفلين وتقصيه على الشكل اللي في الصورة
كأنك تسوي قووس، وطبعا الفلين صغير
فانتي راح تستخدمي مجموعة من الفلينات
وتلصقيها على بعض بصمغ مسدس
الين ما تعملي القوس اللي بحجم الجدار اللي راح نزينه
راح تغلفيه بقماش سادة يخفي الفلين
بعدين راح توقفيه على الجدار
نحط من فوقه التل والكرستالات
وتخلي التل ينزل من الطرفين ( التل الملون)
والتل الابيض السادا نخليه ينزل في النص
عشان يعمل خلفيه من فوقه تنزل الكرستالات
-3-
فكرة بسيطة جدا جدا جدا
تقدري تستفيدي من الشباك اذا كان الشباك في الخلفية
تحطي القماش الابيض فوق الستارة عشان تخبيها
والقماش الملون يمتد من الطرفين
وحطي بوكيه ورد على الطرفين
بسيط وناعم وحلو
=-=-=-=-=-=-=-=-==-
الدرج
غالبا تنزل العروسة من الدرج وهذا مررررررررررة شي مهم
لان ما راح تكون العروسة جالسة مع المعازيم اول ما يجو
راح تدخل بعد ما يكونو جلسوا وتنزل بطلتها وجمالها
لازم نزين لها السلم!!!
-1-
شوفي الدرج هنا
خياااااااااااااااااااااااااااااااااااااااااالي
وقت الزفة راح يطلع شي روعة
وما يبغالو شي!!
بس تحطي اضاءة في كعب الدرج والدربزين
من فوق لتحت
وطفي الالوان
ويا سلام عليك وانتي نازلة من الدرج زي كدا
بسم الله عليك ، راح يكون شي رووووعة
-2-
تقليدي هو التل والورد
بس مو شرط نسوي زي كل الناس
نستخدم نفس الخامات
بس نعمل شي جديد
نغطي الدربزين كلو بالتل مثلا
من فوق لتحت
بحيث نرمي القماش من اعلى ونخليه ينزل الى الاسفل
وبعدين كل مثلا 30 سم، تجمعي التل وتحطي بوكيه ورد
بحيت يكون التل كأنه امواج على الدرج
والورد في النص
بكذا تغطي الدرج ، وتعطيه شكل حلو
-3-
لا تزيني وتسوي زحمة كبيرة
انتي جيبي قطعة قماش زي القطيفة تكون ما تزحلق وتثبت في مكانها
جيبي لون صارخ زي الاحمر
وخليه من فوق الدرج يمتد الين الكوشة
كأنك انتي على the red carpet تبع هولييود
كل الشخصيات المهمة يفرشوا لها الموكيد الاحمر
الملوك والنجوم وكل من له اهميه
وفي اهم منك في اليوم هذا؟
افرشي البساط الاحمر من فوق لتحت وامشي بكل زينتك لزوجك!
=-=-=-=-=-=-=-=-==-
التوزيعات:
تقدري ترجعي لمواضيعي التانية
فيها افكار للتوزيعات، سهلة ممكن تنعمل في البيت
وتتوزع و تبقى لها ذكرى حلوة
=-=-=-=-=-=-=-=-==-
هذه نهاية الموضوع
وان شاء الله في لها اجزاء
نفكر مع بعض ونجيب افكار حلوة نقدر نطبقها بسهولة
ومن وجهة نظري
لما تعملي الشي انتي بيدك
راح تكون روووووووووعة لان يبقى ذكراها للابد
غير لما احد يسويه لك وانتي بس تشوفيه جاهز مجهز
ويمكن على ذوقك ويمكن لا!!
لنا لقاء في الجزء القادم
<< مسلسل هههههه
