عيدية زوجي الغالي

ممم فكرتج حلوووة انتي تقصدين البزمة عدل

الي تنحط على الكم مال الدشداشة

اذا هذا قصدج ممكن تاخذين معاه قلم وبوك

الله يهنيكم ياارب


الكبك حلووو

فيه بمحلات الحميضي لساعات مجموعه عجبتني وصندوقها بالمرررررره فخم عباره عن ادراج الدرج الاول فيه ساعه وتختارين اللون الي تبين والثاني بوك والثالث كبك + قلم

كله ماركه ( وينر )وسعرها 1500

اختي اخذتها لخطيبها عجبتني كثير

ممكن تهديه طقم كامل ، قميص و بنطلون و جزمة .. يعني شي مختلف على ذوقك ...

مشكورين خواتي ساعدوني اكثر الله يساعدكم

انا بعطيج جم اقتراح :
تقدرين تشتريله خام دشداشة كشخه من كاكولي او محل معروف بخامات الدشاديش مع غترة ا شماغ دانهل أو جيفنشي :>
أو اخذيله بوك ماركه حلوة :>
قاعده احاول اعصر مخي لأنه انا بعد ودي اشتري شي حق زوجي بس ياربي كل شي اشتريتله وماكو شي يديد :> أتمنى ياقلبي أكون ساعدتج :>

مشكورين بس اللي خليني احتار احنا تو معاريس كل شئ جديد الحمد لله
..............
اختي قطوة القطاوه مشكوره على العصر ههههه بس اليوم راح وفصل ثياب وعنده شماغ حنفشي جديد

والله كل شي هديناه حق رياجيلنا
لكن نعصر نفسنا لين ما نطلع بفكره جديد
عن نفسي
بديت اجمعله مجموعه عطووووور
وهذا موضوعي بقسم العطور عن العطور الي بشتريهم له بس لسه محتااااااااره

http://www.3roos.com/forums/t379750.html
-------------------------------

والحاجه الجديده بسويله البوم صور لكن الصور مو حق العرس لالالا من يوم ماكان طفل لين ما خذيته جااااهز
هههههههه
وفي كل صفحه بعلق على الصور
وبحط شعر
ومسويه فيهااا جيوب داخليه اخبي فيهااا هدايا تكون صغيره لكن رجاااليه
وهذي مفاجئتي للعيد
ان شاءالله يعجبك

تصدقي إني ما فكرت شو راح أهدي زوجي
بس أن مجهزة له ليلة رومانسية و مفاجأة أحلى مما يتوقع
بس أدعولي أن الله يوفقني لأني يمكن أكون حامل و هذا أول حمل لي

قوة أختي زوجة نايف والله يهنيكم ويخليكم حق بعض ، وأنا فكرتي تهدينه كبك عندج ديور وجفنشي ونينا رتشي ووايد ماركات معروفة وحلوة بعد وعزميه على العشا في فندق محترم . أو إذا عندكم منتجعات أو شاليهات ليش ما تحجزين لكم حق ليلة وتسوين عيد ميلاد هناك وتيبين له كيكة. والله عندج وايد خيارات والبنات أكيد ما بيقصرون معاج. والله الموفق

اممم عندي فكرة يمكن تكون تقليدية بس شوفي فايدتها ..

تييبين علبة و تحطين داخلها القش مال الهدايا و لا أي ورق هدايا المهم شي يملي العلبة

وبالوسط تحطين مصحف صغير .. و حوالين المصحف أشرطة دينية و كتيبات

واذا تبين تحطين الكبك او اي هدية ثانية معاه يستوي ليش لاء ..

هالشي بينفعه وايد وبتاخذين أجر عليه ..

ان شاء الله افدتج و السموحه منج ^_^

مممم .....

هديه هديه هديه....

الكبك فكره حلوة .. ممكن تاخذين له نعال العيد بعد

يعني شي يكشخ فيه يوم العيد ويوم الناس بتقول له حلو بيتذكرج بالخير .. بيحس انه اللمسة الانثوية لفتت نظر اصحابه وبين انه في شي متغير في حياته ;)