استنفار للعيد .. للمتزوجات الذويقات
مفتون
13-09-2008
25 رد
4,375 مشاهدة
استنفاااار لكل العرايس و المتزوجات ..
للمتزوجات حديثا .. مثلي :wink:
وللي صار لهم فالزواج مده .. وحابين يغيرون ويجددون ..
شو خطتكم الاستنفارية لهالعيد .. ؟؟ :wink:
و شو أفكاركم في استقبال العيد .. وليلة العيد ؟
أنا عن نفسي .. هذا ان شالله بيكون أول عيد يمر عليه وانا (a) عروس (a)
ومب عارفة .. كيف احتفل به مع زوجي .. وكيف أحسسه انه البيت فيه عيد
هل اشتريله هديه؟
أو اسويله ترتيب معين .. ؟
أنا خذت مفرش يديد للسرير .. على أساس من ليلة العيد فليل ... يحس انه البيت معيد (i)(i)(i)
بس مادري يا متزوجات .. خبرونا شو يكون شعوركم في العيد وانتو متزوجين.. هل في شي غير عن يوم كنتو آنسات :wink:
وشو تسوي كل وحده منكم لزوجها من تهيأة و استعداد و احتفال بالعيد .. ؟
يالله كل وحده تحط أفكارها ...
ويا آنسات .. تراكم معزومين على الموضوع لا تزعلون يالله أفيدونا بالافكار الحلوة :wink:
انا اتعيد عند اهلي كل سنه لذلك مااسوي شي << ياشين اللي بعيده عن اهلها
ان شاء الله البنات يفيدونك
انا طارحه سؤال في ركن افكار وخبرات اللي هو(شنو اهدي زوجي في العيد) وانا مثلج اول مره يمر علي عيد وانا متزوجه ....بس تصدقين مو متخيله اقوم الصبح و البس بدون ماما وخواتي صج اني بروح لهم على طول من الصبح وبعيد عندهم انشاء الله بس اللي صعبان علي اكثر ان زوجي ممكن مايعيد معاي بكون بالدوام فديته
top elegance..
افا يعني ما يتصبح بج زوجج صباح العيد ... :rolleyes: الله يهنيكم ان شالله ....
زوجة نايف..
هلا عزيزتي .. موضوعج شكله حلو بشارك فيه الحين :wink:
انا بعد والله مب متخيله كيف ما بصلي العيد مع اهلي .. :confused:
يا مشرفات ..
هاي ثاني مره تنقلون هالموضوع .. ترا مب حلوة منكم .. انا اعرف انكم تحاولون تنظمون المواضيع بس كل يوم اي احصل موضوعي مكان..!
ياليت لو تتفقون على مسألة النقل..
ولله للحين ماتزوجة
يدخلون المتزوجات يفيدك
والله يوفقك ويسعدك
م
مجنونة منتديات
عروس مشرقة
15-09-2008 | 03:18 AM
وانا مثلج اول مره يمر علي عيد وانا متزوجه ....
امم
اخــتي انا مومتزوجه بس ماحبـيت امر من دوون مااعلق
امم بعطيك بعض الأفكاار
سووي فطـور غيـر الفطور المعتـاد
يعني جيبي دونات وعصـير ووحطي معاه ورد جووري احمـر
وشغـلي فواحـه في بيتك كلـه
واشتـري له هـديـه وغلفيـهـا
واشتري كيكه واكتـبي عليـها كل عـام وانت غلا روحـي
ام مم وقولي له هذي هديتك يعني الكيكه
عقب جيبي الهـديـه اللي شريتيها له وعطيـها اياه
امم احس الحركـه حلووه
وحطي المفرش الجديد اللي شريتيـه من الصـباح وشغـلي الفواحه او البخور بالبيت
اتمنى اني ساعدتك بالقليل
ودعواتك ليـ
انا مثلك اول عيد يمر علي وانا متزوجه ونفسك فكرت ايش اسوي في العيد
بس شوفي انا خطر على بالي اشتري مفرش جديد واشتري شموع جديده وشكلها جديد وحلو
واخلي غرفة النوم كلها بلونات واجيب ورد طبيعي ورق وارسم فيه قلب ع السرير واجيب كيكة وهدية لزوجي
والبس لبس جديد وعاد انتي حددي متى بيكون هذا اليوم اول يوم العيد في الليل او ليلة العيد بس انا افضل
ليلة العيد لان اول يوم العيد احس الواحد يصير تعبان وبس يبي ينام وماله خلق شي
انا محتاره اسوي كذا ولا لا ،،،، بس انا على ماظن اني ماقدر اسوي لأني حامل واتوحم فمزاجي ونفسيتي
مايسمحون لي ،، سويها انتي وخليك بنت ليل إلا حبة بعدين صباح العيد طبعا البسي وبخري بيتك وسوي
قهوة مع حلاو العيد وتمر وشغلي صلاة العيد في بيتك وسلمي على زوجك وخلاص الحمدلله
ان شالله اعجبتك افكاري
هلا حبيبتي اقترح انك تحتفلي بيه ليله العيد وتشتري قميص نوم جديد وحركات وشموع وفي الصبح ريوووق خطير
والله انا زيك اول عيد يمر على وانا متزوجة
انا متزوجه من سنه وهذا ثالث عيد بيمر علي مع حبيبي
انا اقولك استعداداتي
بغيير ستايل غرفتي اولا بجيب مفرش لون تركواز والستاره نفس اللون ومفارش للتسريحه والطاوله ومخدات نفس اللون تركواز طبعا
جبتله هديه وهي عطر وشماغ وبيجامه للبيت بغلف الهديهوبحطها على زاويه في الصاله بشكل مرتب مره
انا بسوي عشا رومنسي اول وبحطه بالصاله بعد تزيينها بالوان التركواز والبني والبيج نفس غرفة النوم
بعدين الحلا والعصير مع شموع ورد و كريستالات على الطاوله
بلبس اول فستان ناااااااااااااااااااعم
بعدين ببدل بقميص نوم اسود وبه شوية تركواز
مكياجي وردي
شعري بسويه كيرلي
ماتصير ليلة عيد من غير اللمبات اللي تجي على شريط واحد بشتري منهم وازين فيهم الصاله
وماراح انسى تزيين الحمام شريت مجموعة حمام جديده من بودي شوب
والمناشف جبت لون سكري وكتبت اسمه على طرف المنشه بتركواز
برتبهم كلهم على طرف البانيون
وثاني يوم بعد الحمام بنروح الصلاه ونجي نتجهز ونطلع نسلم على الاهل
هذا خططي حتى الان
وانشالله تستفيدي
تحياتي
بقولك على فكرتي بالعيد اللي فات
عملت ليله كلها فراوله بفراوله
كيكة الفراوله من كتاب النخبه
عصير الفراوله
لبسي كان الطقم اللي بنكهة الفراوله
جبت مجموعة الحمام من بودي شوب بريحة الفروله
الفواحه حطيت عليها عطر زيتي بالفراوله ومعطر جو بنفس الريحه
ولون المفرش والستاره والبالونات وفارش الطاولات كلها عنابي
انشالله تعجبك الفكره
تحياتي
طيب انا مخطوبه وخطيبي صارله غايب عني 3 شهور برا الديره بدواعي الدراسه وراح يرجع بالعيد
يعني هالعيد بالنسبه لي راح يكون عيدين
افيدوني كيف افاجأه واخليه يفرح لمه يرجع .. انا مخطوبه واستحي اعمل حركات وبالونات في غرفتي وقدام اهلي فيدوني خواتي
#روحـ مغليها#
مجنونة منتديات
ايمي2009
Praivet
مشكورين هالردود الطيبة .. (f)
--
عنفوان أنثى
مشكورة وايد عالرد :) .. حبيت فكرة الكيكة لأنه دايما عندنا فالعيد تكون حلويات البيت ... والكيكه لاعياد الميلاد.. فالتغيير بيكون حلو :) شكرا اختي
--
(عـــروس 2008 )
وايد حبيت افكارج :wink: .. وبالنسبة للتجهيزات .. احس انه اول يوم عيد حلو تلبسين اليديد .. يعني مهما كان ليلة عيد الفطر تحسين انه بعده رمضان ما خلص .. بس يوم العيد لازم بترقدون شوية تريحون الظهر عقب عناء يوم كامل الصبح حق السلامات ففالليل بيكون عندكم مجال حق الحب والوناسه :wink: ههههه
lolo*caty
الله الله عالافكار الحلوة .... :wink:
بس تدرين .. احس انه تجهيزاتج كلها قبل يوم العيد .. ليش ما تخلين شي حق يوم العيد نفسه (y) ..
اما تجهيزات العيد اللي فات ففكرة حلوة وايد .. بحاول اسوي مثلج اخلي ثيم واحد لليوم كامل (f)
--
7zn
خطيبج يعني ملج عليج ولا بس خطوبة؟ لأنه لو ما ملج عليج يكون بعده يحرم عليج يشوف عورتج فالافكار المطروحة ما تناسبج ابد.. (a)
بس اذا انتو في مرحلة خطوبة و الاهل فالصورة .. ممكن تسوين له مفاجأة تطلبين له كيكة كاكاو مثلا من احلى مكان متوفر عندج ويوصلونها له لين بيته .. وتكتبين له شي حلو عالكيكة ..
احس بيستانس وايد :)
والله يوفقكم :)
انا مملكه يعني انكتب عقدي عشان كذا شاركت في الموضوع
بس مستحيه وفشله اسوي حركات لخطيبي قدام أهلى يعني لو بزين غرفتي اخواني راح يعرفون واخذي التعليق بعدها
عشان كذا ودي بفكره ماتحسس اهلي بشي
مع اني مشتاقه لخطيبي موت صارلي اكثر من 3 شهور ماشفته
انا مثلج هذا اول عيد لي اكون عند الغالي....
من ناحيتي اشتريتله هدية العيد....عطر الشيخ وساعة Guess .. ومب عارفه كيف اقدمها له...حاطه فبالي فكره..اني يوم بسير عند اهلي طبعا هو بيدخل داخل...وفي هذاك الوقت بخلي واحد من اخواني يحطها له علي سيته فالسياره....احس بيتفاجأ بها...
وفخاطري اسويله ليلة خاصه..بس ما بتكون اول يوم لأني من الصبح بسير عند اهلي وهو عنده شفت الظهر وما برجع الا ثاني يوم او ثالث ....فبتكون ليلتها على فاااااااقه :)............
انا يقولكم شنو جهزت حق هالعيد
شريت حق زوجي هدية عبارة عن عطرين وموبايل بغلفهم بطريقة حلوووة
وبعد بزين الغرفة طبعا راح تكون ليله العيد
وبعد شريت شرشف وكفر يديد للسرير ممم اي وشريت لعبه غرفة النوم راح نلعبها :)
اما الصبح شريت لي دراعه حلووة وناعمة وبجهز له ريوق خفيف وراح اودي له الفطور للسرير
انا الصراحة شسوي
اللي اسويه ياطويلة العمر
اولا: اسوي تغييير في ديكور البيت قبل بفترة او اغير ترتيب الاثاث
ثانيا: اشتري له هديه اغلفها واحط عليها كرت
اول عيد عطيته ايها لمن عايدني
والسنوات التالية صرت احطها تحت مخدته يصحى يلاقيها
العام الماضي مد يده ماشاف هدية دور لقى ورقة تقووول له رووووح
افتح الخزانة بالخزانة روووح افتح الثلاجة بالثلاجة وهكذا لين قرا الكرت الاخير
هديتك ع السرير
وجا اللي انا اقوول له شرايك بي مو كفو اكون هديتك
هههههههههه
ثالثا: هدايا الاطفال
رابعا: القعدة من الصبح ونطلع نعايد
وهكذاااااااا
طولت عليك السموحة