شو الحل مع التطنيش؟ - منتديات عروس

J

JUST_BROKER

تاجرة

11-09-2008 | 03:05 AM

السلام عليكم..

انا اريد اطرح موضوع التطنيش..

الحين الواحد لازم يحط ان الدفع مقدم لأن بعض العضوات الله يهديهم مش جادين في الشراء..
ونحن ننطحن وانتابع وهم ولا مفتكرين الله يسامحهم...
تي العضوة وتحجز وتقول خلاص بكرة انا بحول لك الفلوس مرو 10 ايام حتى ما اعتذرت ولا عبرت..

غير اللي تطلب .. واطنش..لانه فجأة غيرت رايها ولا حتى تعبرج انها غيرت رايها..

المفروض ابصراحة يكون فيه قائمة سودا عشان الواحد لما يطلب أقل شي يقدر ان اللي قدامة بشر قاعد يتعب .. مش مصيبة لما الواحد يغير راييه هذي تحصل بس عالاقل بلغونا قبل ما ندبس في الطلبية..

انا ما اعمم بالعكس فيه فئة الله يبارك فيهم ويرزقهم من حلاله اللي فعلا لما يريدون الشي يتابعون.. ولا يتأخرون...

عموما انا اتمنى من ادارة المنتدى انها تحط لو قانون لست كحلية بعد مب لازم سودا خخخخ

لمثل هالاعضاء...

تحياتي للجميع(f)

U

Um.Abdullah

عروس فضية

11-09-2008 | 08:11 PM

لا حرام اللستة الكحلية ههههههههههه
انا مرات اطلب وبعدين ما ارد عالتاجرة عقب ما احجز ههههههههههه
لاني انسى والله اقول لها بحول مثلا وما اقدر احول لها
والمشكلة ان التاجرات الله يهديهن يتمون يحنون ها بتحولين؟ ترى بسافر!
هالجملة يعني حولي والا بلغي الطلبية يعني خلاص مافي داعي اخبرها

وفي زبونات ما شاء الله عليهم من تطلب تحول، بس لما تجي تطلب مرة ثانية ما تحول ولا ترد عليج، وتجي المرة الثالثة تشتري يعني على حسب ضروفها

انتي اللي عليج تقولين لها الاغراض تنحجز لج اسبوع بس، حولتي الاغراض لج، ما حولتي ولا اعتذرتي خلاص امشي البضاعة،، وجذي تكونين مرتاحة

انا مرة وحدة حجزت عندي الاغراض شهر هههههههههههه عقب اشترتهم، ردت علي عقب الشهر سالت عنهم، قلت لها موجودين، قالت بحول واتاخرت اكثر من اسبوع ههههههههههه، ولكن في الاخير حولت واستلمت :)

&

&أوركيدا&

عروس مبدعة

24-10-2008 | 02:29 AM

والله بأعاني من نفس المشكلة أفففففففففففففففففففففففففففف طفشوني الله يسامحهم
من جد لازم حل

س

سديم الفجر

عروس برونزية

28-10-2008 | 06:34 AM

وانا بعد...:(
تطلب وتسال عن الشحن وفجأة تختفي

O

Omniyat Shop

تاجرة

08-11-2008 | 06:21 AM

انا ما احجز الصراحه

الي تبي تطلب تطلب وتدفع ،، ولا الكلام ترى ملينا منه ،، لما يصحون من رقادهم ويحولون المبلغ وتكون البضاعه خلصت مو ذنبي !!

والله سوو مثلي الي تبي حياها الله ،، لكن المصيبه اذا يات من تاجره تطلب ولما اطرشين لها اطلع الف عذر عشان ما تستلم وترجع الطلبيه .. الله المستعان

انا حاطه عندي لست بالاسماء المستعاره وارقام الموبايلات والعناوين عشان ما ارجع واتبهدل مع زبونه غير جاده وما ارجع اتعامل معاها

م

مراوي

عروس ماسية

22-12-2008 | 10:56 PM

سديم الفجر;7568137:
وانا بعد...:(
تطلب وتسال عن الشحن وفجأة تختفي

شكلنا كلنا نعاني من نفس المشكله بالضبط

تسال و تستفسر و تقولين انها جاده و لمن خلاص كل شي يوضح لها

وين البنية .. فص ملح و ذاب :)

حتى من كثر قعدتي عند النت ارد على هذي و هذي زوجي عصب عليي

فأحاول اذا اهو موجود في البيت استخدم الجهاز بالخش :D

ك

كريستالة منحوتة

عروس رائعة

30-12-2008 | 11:18 AM

والله نفس المعاناة:(

انا نفس الشئ مافيه شئ اسمه احجز

فاضية لهم ولأسالتهم اللي ماتخلص بعد تبيني احجز وهاه يافلانه تبين ويافلتانه ماتبين

اللي تبي تحول او اصله لها

واللي ماتبي مع السلامه

يكفي اسألتهم اللي مدري من وين يخترعونها مهما حطينا التفاصيل عالعام

الا ماتطلع لك بسؤال مال امه دخل:(

الله يسهل يارب ويساعدنا :)

r

rafall

تاجرة

30-12-2008 | 12:48 PM

الحال من بعضه خواتي شنقول بس الله يعين
والحمدلله على كل حال

O

Oriana

تاجرة

04-01-2009 | 02:11 PM

هههههههه ضحكتوني

فعلاً في زبونات الله يهديهم يحنون عليج طول الوقت يبون الطلبية وتأكد عليك ولين ياج آخر يوم ما حولت لج فلوس وتقولين لها خلاص آخر يوم ومافي وقت تيلس تترجا انش تمددين لها!

هذا غير اللي تلومج انج ما ذكرتيها!!!!!!!!!!!!!

وفي النهاية تطنش

بعضهم مساكين عندهم أعذار

بس التجارة ما تنتظر!
يعني مثلاً لو البضاعة عندي وبدزها وقت اللي بتحول ما عليه
بس أني بسوي أوردر من برا على حسب الطلب وتجيني بعد ما أخلص الطلب تبي تحول!! شسوي فيها؟؟!

الله يهديهم بس!!

ضحكتيني كريستالا منحوتة على الأسئلة!! فعلاً تجيج أسئلة غريبة ما تدرين من وين :D