ممكن من وقتك 5دقايق

قصدك تبين بف

من قدام و الباقي ملفلف ؟؟ كيرلي ؟؟

الصراحه ما فهمت عليك ..

للرفع ماعندي فكره

أيوة هذا قصدي لاني بحثت كم
مرة ولا طلع الي ابيه

اوكي انا بقولك كيف انا اسويه

1- الشعر يكون نظيف - تقسمين شعرك جزئين

الجزء الاول:
راح تعملينه بف - مع الغرة او القصة اذا تبين..

الجزء الثاني:

راح يكون كيرلي -يعني باقي الشعر-

تبدأين بالجزء اللي فوق

خذي الجزء اللي بتعملينه بف

الجزء اللي على ورا لازم يكون منفوخ.. كيف؟

- اما انك تمشطينه على تحت - عكس اتجاه الشعر-

زي ما يعملون المشاغل و تبخين عليه سبراي

هذي الطريقه فعاله لكن تقطع الشعر

- او انك تحطين حشوه صغيره من الصوف او حشوة

لون بني اللي يبيعونها المشاغل و تثبتينها زين

بمشابك شعر (بنس)

- او انك تاخذين خصله من نفس الشعر و تلفينها

باصابعك كانك تلفينها على لفافة شعر بس

باصابعك ثم تثبتينها بمشابك و ترشين عليها سبراي

بس هذي الطريقه تسوي بف صغير مو كبير

و احسن يكون الشعر مو ناعم مره



***

الحين عملنا البف لازم نغطيه بالشعر طبعا

تاخذين الباقي من الجزء الاول و تغطين فيه البف

زيـــــــــــــــــــــــــــــــــــــــــــــــــن

و تثبتينه بمشابك شعر..

و اذا تبين غره اقسمي لها من الشعر قبل

تسوين البف و بعد ما تثبتين البف سشوريها و اشبكيها

بشباصه صغنونه -حقت الاطفال- على جنب شوي عشان

تشوفين :)


***

الحين الجزء الثاني اللي راح يكون كيرلي

خصله خصله تسشورينها ثم تحطين عليها

رغوة شعر -موس- و علطول تلفينها:

- اما انك تبرمينها باصابعك لحد اخرتها

و تثبتينها بمشبك شعر

- او انك تلفينها بلفافه شعر -رول- اللي حجمها صغير

و بس ,,

اهم شي تسوين شعرك من بدري عشان يمديه يثبت

و تمسك اللفه..

و لما تفكين اللفافات او المشابك بخي عليه سبراي

و ان شاء الله تستفيدين

:)

مشكورين ويعطيكم الف عافيه

بس لو تكون بالصور علشان تكون الخطوات واضحه

اذا ماعليكم كلافه

العفو

ما عندي صور انا هذا الكلام كتبته من عندي

اقريه زين ترى مره سهل و بعد كذا

سوي بروفه قبل العيد و ان شاء الله بيضبط معك

وجودكم في صفحتي شرف لي

اشكر توجدكم التي اشعلت الدفء والحنان بقلبي