شالحــــــــــل ويا أم زوجي .. بتخررب الولد ..!!

السلااااااام عليكم خواتي ...



فديتكم الله يرضى عليكم أبي حل ويا أم زوجي ,,

هي طيبه وحليووه وصخييه وتحاول ترضيني بأي شي .. بس مشكلتها إن تربيتها لعيالها عــــــدممم

يعني مب تربيه والله .. إستغفر الله ,,

مدلعتهم دللللللع أعوووذ بالله .. هي الله يسلمكم ماعندها غير 4 أولاد بس..

لكن والله مافيهم ذررة تربيه وياليت بعد نافينهااا الحمد لله والشكر الله لايبلانا ولا يبلاكم ..

في البدايه ولدها الصغير عمره الحين 6 سنين ونص.. ومن أربع سنين من تزوجت يعني وهو مأذينااا

ماأتكلم عن الشيطانه أو نشاطه الزايد .. لا لأن كل اليهال فيهم نفس الشي ويمكن الأولاد أكثر..

بس واااااااااااااايد قليل أدب أو ماقررب صوبه الأدب أبداااا .. كلام وصصخ الله يعزكم حركاااات تجيب الضيقه والله مايحترم أحد ويسوي أي شي عشان ينرفزناااا ..

محد قادر يتحمله أنا أقول أشوا إن ماعندي خوات ريل .. وهو طلع لي ألللللعن أعوذ بالله ...

طيب الحين فهمنا إن المشكله مع أم ريلي وفهمنا طريقة رعايتها لأن ماتربييي هي كأنها ترعى غنم الله يعزكم مثل ماقال الشيخ محمد العريفي ..

طيب الحين البلوووه إنها قامت تعلم ولدي وتبي ترعيه نفس عيالها ..

قامت تعلمه كلام عيييييب اليهال يقولونه .. يعني بالضبط في الجسم .. انا ماأحب ولدي يقول هالكلام .. هو ماله ذنب انا هاوشته وضربته بعد وهو صغيــــــــــــر عمره سنه ونص .. بس أبي أربييه .. لكن أم ريلي تخررب علي وايد أشياء..
والله ياخواتي تعبت وياها ..
تبي تدلعه انا ماأنكر حبها له وقومتها فيه .. الكل يشهد ,, بس هالشي مب لصالحي ولا لصالحه

الياهل قاعد يتعلم كلام غلط وأشياء غلط .. وكم مرره قال الكلمه جدامها وقلت له عيييييب وهاوشته .. عشان تفهم إني مب راضيه عن هالشي..

بس بعد مافي أي فايده .. إلي خلاني ألجأ لكم وأطلب المساعده من الله ثم منكم هو إن ولدي قام يحرجني وااااايد جدام خواتي وأهلي ومن أهل أبوه بعد ..
قام يأشر ويقول إسم الشي الغلللط ..

قاموا يقولون وشو هالكلام علمي ولدج شي عدل ..
أقول لهم جدته علمتته إنتوا تعرفوني ماأحب هالكلام ولا أحب أعلمه هالسوالف..
طيب هاي بس إلي يعرفوني ..
وإلي مايعرفوني شقول لهم ؟؟؟؟؟؟؟
وإشلون أبرر موقفي ... إنتوا تدرون هالشي صعب وااايد .. ومحد بيصدق إلا بيقولون أمه أكيد علمته ..
خواتي انا وااايد صارمه بالتربيه .. أخاف يطلع ولدي مثل أعمامه ماينفعووون أبـــــــد ..

ويوم يتصررف تصرف غلط أضربه وهو ماله ذنب تقول لي أم ريلي حرام عليج هاي ياهل وقلت لها إلي يعلمه هالكلام مايحبه لأني بضربه هوووو ...

ساعدونيييييييييييي أرجوكم قبل لا يندمرر ولدي ...
ترى انا عادي أقدر أكلمها .. بس أبي كلام يأثر فيها .. لأنها ماتتأثر بأي شي..
وتقول لي اوكي ماراح أقول .. بس أنصدم من ولدي وأنصدم لما أسمعها بعد بدون ماتدري ..

شاسوييييي وانا كلمت زوجي عاد هو بعد نفس الحاله .. يقول عادي ياهل .. كأن هالياهل مابيكبر وبيصير ريال إن شالله ..

أرجوكم طلبتكم شوفوا لي حل ... :confused: