غرفتي احترقت ومصرت اكرهها

ي

يتوم

عروس ماسية

09-09-2008 | 12:52 PM

سلام عليكم ..

بقول لكم سالفتي اللي صارت امس ...

اول شيء قولوا لي الحمد لله على السلامة ..(w)

انا كنت شوي تعبانة مصخنة ونمت في غرفتي اللي احبها وتوني صابغتها وحاطة ستائر جديدة وكل شيء جديد فيها :(

وحوالي الساعة اربع الفجر قبل الاذان الفجر بعشر دقائق بندت كهرباء البيت والحمد لله الحمد لله ربي كبير وهمي صغير .. انة انا من النوع اللي اصحى بسرعة على اقل حركة.. واول ما طفت الكهرباء صحيت بسرعة الا واشوف الستارة اللي يمي تحترق :rolleyes:

ترى الايسي تبعي احترق :confused:

واقوم من على السرير مفزوعة اصرخ احترقت احترقت ..

اخواني وامي وكل بيتنا جوني يشوفون شنو صار فيني والحمد لله ربي كريم ما صار فيني شيء لانة قمت في الوقت المناسب .. وطفينا الحريق :16:

غرفتي اللي احبها كرهتها ما ابيها ما ابي انام في بيتنا اخاااااااااف عطوني حل .. صايرة اكرة البيت ما ابي ادشة ..

ب

بناتي ياكل حياتي

عروس متألقة

09-09-2008 | 12:57 PM

اول شيء الحمد لله على السلامة

وتركي عنش الوسواس بعد هذا بيتكم اذا

مابغيتينه وين بتروحين

وتقدرين تغيرين غرفتش من احد من البيت

N

N O U R

مشرفة سابقة

09-09-2008 | 01:02 PM

حمد الله علي سلامتك وما تشوفي شر ياارب

بعدين ايش سبب الحريق ???

تقدري تخدي اي غرفه ثانيه وقرائي القران وذكر ربك بكل وقت وما يحصل غير كل خير باذن الله

الله يوفقك

ا

البشوووشه

عروس مشرقة

09-09-2008 | 02:32 PM

الحمد لله على السلامه حبيبتي ... وخطاكم الشــــــــــر ...

ماعليه ياقلبي ماصار إلا الخير .. الخيره فيما إختاره الله ...

حبيبتي تعوذي من إبليس إلي يوسوس لج وخليج واقعيه .. لأن لو الله كتب إن يصير فيج شي لاقدر الله لو تروحين أي مكان وأي بيت أو أي عالم بعد بيصير فيج نفس الشي...
هاذي كتبة الله وماتقدرين تغيرينهااا أبـــــــد ...
وقولي الحمد لله على كل حال ,,
فديتج انا من سنتين بعد إحترقت غرفنتي وكنت طالعه من الصبح ورايحه الصالون لأن زوجي كان بيجي من السفر .. تخيلي رجعت من برع الظهر وإلا أشووف الغرفه محترقه..
وعاد انا في بيت أهل ريلي وماعندي مكان غير غرفتي .. يعني حتى مب في بيت أبوي .. :sad:
وطبعااا ماأقدر أختار غرف ولا أتصرف على كيفي ,,
تخيلييييييي إني قضيت أربع شهور ونص بالمجلس وأغراضي وثيابي والله كل إلي يشوفني ينكسر قلبه علي ,,
تعبت نفسيتي وفي هالفتره بعد حملت .. والله أمي كانت تحن علي أروح أنام عندهم بالبيت بس زوجي مب راضي يقول صعبه أخلييج وصعبه أجي وياج .. تحملت وتصبرت ..
والحمد لله إن هالحريقه إنعكست علي بالخير والله ..
تدرين انا من تزوجت كنت ساكنه أصلا بغرفه صغيـــره وبصاله صغيـــره واييد .. ومحد يجيني ولا حتى خواتي دوم يقولون ماعندج مكان ..
والحيييين الحمد لله لما إحترقت الغرفه قلت لزوجي خل نكبرها دام إن السالفه خربانه خربانه .. وفعلاااا الحين عندي غرفه كبيره وشرحه وصاله كل إلي يدخلها ينبهر بها .. وفوق هالشي حملت بولدي فديته لأني تميت سنتين ماحملت .. ولما إحترقت الغرفه الله عووض صبري بالحمل ...

تصبري ياقلبي وترى إلي يشوف بلاوي الناس تهوون عليه بلوته .. خلييج واقعيه .. ماألومج لو تعقدتي من الغرفه بس حطي في بالج لو ربي يبغي يضررج بيضرج في أي مكان وأي زمان بعد ,,,
إحمدي ربج حبيبتي وإن شالله مابعد الصـبر غير الفرج ,,

انا حاسه فيييج والله وصحت صيااااح قبلج لأني مجربه .. بس إنتي حالتج وااااااايد أحسن من حالتي قبل..
وصدقيني كل شي بيتصلح وبيكون أحسن من قبل إن شالله ...

تقبلي مروري وردي على موضوعج .. والله يهوون عليج ..

^_^

أ

أريج البنفسج

عروس مبدعة

09-09-2008 | 02:38 PM

الحمد لله على السلامه

اذا تقدرين تغيرين الغرفه حلو

i

israe

عروس ماسية

09-09-2008 | 02:41 PM

الحمد لله على سلامتك تصدقي لان الله نجاك من المصيبة والله يستر والاخت بشوشة كفت ووفت

s

sounya

مشرفة سابقة

09-09-2008 | 03:02 PM

حمدلله على سلامتج يالغالية
والحمدلله جت بالغرفة مب فيكم.. وهالاشياء تتعوض
وعسى ان تكرهوا شيئا وهو خيرا لكم
انا ما انصحج تغيرين غرفتج لان هاي مب حل ... الحل انج تريدين لغرفتج وتجدديها من اول..الله وناسة اثاث يديد ديكور يديد ولماستج وذوقج فيها وغرفة يديدة جنج عروسة يديدة :)
وشغلي فيها سورة البقرة وبخريها باللبان وصدقيني بتعرفين في يوم من الايام ان هاي كانت مصلحة
حاسة فيج يالغالية بس قل مايصيبنا الا ماكتب الله لنا ...ونعم بالله ادرى بمصلحة عباده

ع

عيون الفهد*

عروس ذهبية

09-09-2008 | 06:00 PM

يوووووووووووووووووووووووو اجل اختي لازم تتجنن مو تتعقد

اول شي

احنا غيرنا الغرفه حقتنا كلللللللللللللللللللللللللللللللللللللللللللللللللللللللللللللللللللللللللللها

خلينها بني في عسلي وكانت غريبه وحلوه في نفس الوقت

غيرناها من سنتين واخر الشهر حتسير 3 سنين

المهم اول شي احنا حطينا سلك التوصيله من ورى السرير عشان نقدر نشغل الكمبيوتر

وخرجنا والله والله والله اختي طفتها لاكن ماسحبت الفيش من الكهربا وماما وبابا في البيت

وهما خارجين ماما تسمع صوت زي صوت الفشار لما يكون على النار

وسارت تدور تدور مالقت شي قامت دخلت الغرفه وتشوف الطوصيله مولعه واخه معاها ىالموكيت مولع والحمدلله بابا يشتغل في الدفاع المدنى مع انو مسكين ماكان يمشي بس مدري كيف عدت وقدر يطفيها طفوها وفصلو السلك والفيش وترج تطلع النار من نص التوصيله واحنا خلاص فاصلينها والله يوم مدري كيف عدى اصلا انفجعنا لما دخلنا الغرفه وحتى الجدار انعدم وسرير اختي والموكيت

وعدت وصلحنا كل شي بعد شهر طرطع في وجه اختي المكيف ومسكينه هيا منوعده بالمكيفت تخرب في وجهها وكل مانصلحو يخر وكل مانجيب جديد يخرب تخيل سنتين واحنا كل يوم في شي

ودحين نقلنا من البيت واختي اختارت سريرها تحت المكيف واول يوم في رمضان ماما صحتنا نصلي الظهر انا قمت بسرعه واختي رجعت نامت ورجعت صحيتها وخرجت وقفلت الباب ودخلت غرفة اخوي وجلست فيها وما اسمع الا صوت عااااااااااااااااااااااااااااااااااااااااااااااااالي كأنو شي انفجر

شوي اشوف اختي تجررررررررررررررررري وتبكي مسكينه انفجعت ههههههههههههه بس والله جلست اضحك مسكينه دايم تنفجر المكيفات عليها

ودحين صلحناه وعاااااااااااااااادي ولسه سريرها تحت المكيف مع انو نوع المكيف مرررررررررررررره كويس

ولاتوسوسي ولا شي احنا نقلنا من البيت كلو وغيرنا المكيف وبرضو انفجر ربي كاتب لنا كدا

ولو فين كنا مدام حيسير الش حيسير

لاتخافي ولا شي بالعكس احمدي ربك

وتلاقيه التماس كهربا

وقولي الحمدلله على كل حال

عيون الفهد

ن

نورة المزيونة

عروس برونزية

09-09-2008 | 06:24 PM

الحمدالله على سلامتج،،،والحمدالله الله سلمج من الحريجه
ولازم الفتره الاولى بتكرهين حجرتج يعني خلي فترة تمر اسبوع سبوعين،،ورقدي في حجره غيرها بعدين بتصيرين عادي وبتتقبلينها.

.

..Rajawi..

عروس متألقة

09-09-2008 | 06:26 PM

حبيبتي لسه أمس صارتلك الحريقه واليوم كرهتي البيت ..؟؟
قولي الحمد لله على سلامتكم ..

.
.

بت الفهد بصراحه أختك رهييييييييبه
وماشاء الله لو أنا منها ما أجلس في غرفها فيها مكيف دام المكيفات ناويه تجنني خخخخ
الحمد لله على سلامتها

s

sarah_uk

عروس ماسية

09-09-2008 | 07:46 PM

الحمدلله على السلامه ولاتخافي عدليها وصلحيها من جديد وافتحي قران وان شاءالله مايصيبك شي

M

Miss P!nky

عروس ماسية

09-09-2008 | 10:35 PM

الحمدالله ع السلااامه يا قلبي

اول شي لازم تيبون الكهربائي ويجيك ع كهربا البيت
عسب ما تكرر السالفه ولازم تشوفون وين العطل
من حقج تخافين والموقف اللي صار هب هييين
بس شو اذكري الجانب الثاني انه الله حماج
واحين انتي تكتبين إلنا يعني ما صار إلا الخير
وعن غرفتج لو حد بيبدل وياج بدلي معاه
لو محد طاع خلاص شوفوا وين العطل
وإن شاءالله بإذن الواحد الاحد ما راح تتكرر

M

Miss S.A

عروس ماسية

10-09-2008 | 04:13 AM

الحمد لله على سلامتك أختي يتوم
و إن شاء الله تنسين الحادث اللي صار و تتقبلين الغرفة
و تغيرين ديكورها شوي يمكن تتقبلينها شوي شوي بتنسين

&

>جوجو<

عروس جديدة

10-09-2008 | 10:07 AM

الحمد لله على سلامتكم

وماتدرين وش الخير من هالحريقه <<تهون عليك

ع

عالية المقام

عروس مبدعة

10-09-2008 | 10:16 AM

[FRAME="13 70"]

هلا يتوووم

الحمدلله على سلامتج ودايما قولي :)((((((( قدر الله وما شاء فعل )))))))):) والله كاتب هالشي ...

[/FRAME]

ر

رزان00

عروس متألقة

10-09-2008 | 10:15 PM

الحمدلله عالسلامه وشييييييييييييييي سالفة عيون الفهد...

تدرين أنا عالريحه أتعقد وأخذ موقف الا ولله الحمد غرفتي ووقت عشان ترجع نفسيتي زي أول...
أشوف البلاوي وأضحك يمكن أني أحبها بزود وأقصد فيها بعد وبطانيتي حتى بالحلم ماتفارقني<<<بحلم واحد لكن صدت عني أذى ليش المبالغه...
لكن أخاف من الكهرب أخاف وأعترف هنا جبانه أنادي أختي الأصغر مني لكن بغرفتي عادي...
مكيفي متقلب له مليون حاله وأحسد عليه ويمكن حسد صدق لكن أحبه مادام جزء من غرفتي فمحوظه من العين بإذنه تعالى ودايم أقرا الأذكار وبمره قلت احترق طلعت ريحه لكن اللي فكرت فيه ياكيف بتنام عيوني من دونه..

أختي بمره صار لي حادث بسيييييييييط بالسياره أزعجت أخواني السياره على بعد كيلو واصيح فيهم انتبه سياره اذا ماله خلق شوفيييييييييييييييييي القلق اللي مسويته له وقعدت فتره ماركبت سياره الا اني مستعجليني أهلي.......
والحين نوعا ما انتهت وماعشقتها زمان عشان أعشقها بعد هالعقده.........

لكن حاولي تناسين الحريق وبتنسين وتذكري ذكرياتك الحلوه واستقبلي ذكريات جديده وحياة أجمل مع غرفه جديده ومحد ماعنده ذكريات أشكال وألوان........

N

NO-WAY

عروس متألقة

10-09-2008 | 10:22 PM

الله يحفظج يارب

استعيذي بالله ولاتخافين

انتي بس الموقف هذا خلاج تخافين

ان تصير الحركه مرة ثانية

اقرئي المحصنات

وان شاء الله مابتشوفين غير العافيه

ح

حياة رائعة

عروس رائعة

10-09-2008 | 10:34 PM

حمد الله على سلامتك وان شاء ما تشوفى شر ابدا
اعملى انه قضاء الله وحاولى تغيرى غرفتك لغرفة تانية
وغيرى لون الحيطة والعفش والستاير كلها تكون الوان جديدة وحطى ايات قرانية على الحائط وزينى غرفتك بالطريقة اللى تحبيها وان شاء ترتاحى فيها اكتر من الاول

أ

أم طروقي وهنوفه

عروس فضية

10-09-2008 | 10:40 PM

الحمد لله على سلامتك تصدقي لان الله نجاك من المصيبة والله يستر والاخت بشوشة كفت ووفت

و

ورد المشمش

عروس برونزية

10-09-2008 | 10:53 PM

يتـــــــــــــــــــــــــــوم
ألف حمد لله على السلامه قلبي
ماصار اللي الخير في الغرفه ولافيكي ياسكره
غيري غرفتك نيــــــــــــــــــــــولوك يعني خخخخ
ولاتتركي سورة البقـــــــــــــــــــــره ابدا حياتي

البشـــــــــــووشه
قصتك عجيبه والله
تتهني ياقمر

عيون الفهد
خخخخخخخخخ
اما قصة اختك مع المكيفات تحفه خخخخخخ
مسكينـــــــــــــــــــــــــه والله