بليز عطوني نصيحه ويد تعبانه

ياقلبي ربي يعينك هو مالك حل غير انك تاخدين مانع للحمل قوي خلاص حملتي بالسادس الله يتتملك حملك بالخير ان شاء الله بس تولدين وتعدي الاربعين لا تخلي زوجك يقربلك مرة وروحي الدكتورة اول وان شاء الله تلحقي تزبطي امورك

المال والبنون زينة الحياة الدنيا ربي يرزقم برزقهم وان شاء الله تربونهم فضل تربية وبعد ما تخلصين حملك وتولدين بالسلامه ان شاء لله تفوقي لنفسك وتهتمي بنفسك تراكي لسا صغيرة والله

وعليكم السلام ورحمة الله وبركاته

تبارك الرحمن
الله يخليهم لج


ادري الحمل صعب ومتعب
لكن انتي تقدرين تحلينه بعيونج وعيون ريلج

يعني لبسي وكشخي وتعدلي عشان نفسيتج ترتاح

بالعكس تجيبين الحين عيال عشان لين يكبرون تكونين للحين صغيره

ولين انتي تكبرين يقومون فيج ويشيلونج بعيونهم

انتي بس ادعي ربج انهم يكونون من الذرية الصالحة

اما سالفة اللولب بعد مب مضمونه
اعرف وحده عمرها فالاربعين وكانت مركبه لولب من 10 سنين او اكثر حملت قبل لاتنقطع عنها الدورة وجابت بنت

لو الله رايد لج الذرية بتجيج حتى لو استخدمتني كل انواع الموانع
انا مااحبطج
لكن بدل ماتزعلين من هالشي
افرحي والله لين كبروا العيال بتعرفين ان هذي نعمه من الله سبحانه وتعالى
ترى محد بيفيدج غير عيالج
عالاقل بيكون عندج حد تعتمدين عليه

الله يوفقج ويخلي لج عيالج ويكونون من الصالحين

السلام عليكم و رحمة الله وبركاته (f)

أولاً اختي قولي الحمد الله واسجدي سجود شكر لرب العالمين في حريم كثير يحاولون يجربون يحملون و موقادرين اقربهم اختي قلبها ميت على الأطفال و مابقى دكتور مارحت له و لا علاج ماخذته حتى العمليات سوت س عشان تحمل و الله يااختي هذي نعمه و قولي الحمد الله و اذا على الحمل روحي لدكتورة و قولي لها مشكلتك و في ناس تمشي على الحسبه اقصد حسبة الأيام و أكرر واقول قولي الحمد الله على كل شئ و الله يوفقك و يسهل عليك أمين يارب

أتمنى إنكم تدعون لأختي ان الله يرزقها بعيال و يرزق كل انسانه محرمه من الذريه
ألله يرزق جميع عباده أمييييييييييييييييين يارب :)

حبيبتي والله ومشكوره ويزاج الله ألف خير بس والله مب سالفة العيال سالفة الحمل وعووووووووار الولاده ونفس الوقت أبي أشوف عمري أشوي
اليهال هوووووشه ودوشه وعوار القلب

فديتكم والله أحب اليهال وأحمد الله على كل شي
بس اتخيلي أكبر بنت عندي9 اسنين

وأصغر وحده 8 أشهور

ووووووصدقيني وبقولها من كل قلبي الله يعطي من تتمنا الياهل ويعطي إلي ما عندها

وأتشيل نونوها الغالي ويعطيها أكثر من ياهل أنشاء الله ولا يقطع نعمته على إلي محتاج وأنشاء الله

يعطي أختج ويرزكنا با الذرية الطالحة ويكونون نعمه مب نقمه والله يحفظ عيالكم و عيالي قولو أأأأأأأأأأأأأأمين

فديتكم والله أعرف والله وأحمد الله على عيالي (f)

بس والله تعبانه من زوجي إل كله يقولي أنتي ما تهتمين في عياالج أنتي أم مهمله أنتي كذا وانتي وأنتي:(
مممل نفس السلفه يوميين :(

لا بعد أأأأأأأأتصدقين بنتي بتروح الرابع والثانيه بتروح الثاني أو والله أنهم من عشر أوئل ومتفوقات وشاطرات ورزينات الحمد الله وفضله الرحيم علي:)
حتى رعل الدكان ما أخليهم يطلعون يأخذون منه شي

وأعلمها الصلاه وخليت زوجي يشتريلهم كمبيوتر بدون نت طبعا

لكن كل هذا ما في فايده:mad: كل يقولي انتي أم مهمله وأنتي ما أتشوفين عيالج وأو أو أو أعتقد مليت من حنته وأقول لو ما كانو اليهال جان ما قعد يذمني على كل شي

شو هذا شو هذا البيت ليش هذا طيح هني وليش العفيسه(w)
وأنا نفس الموال :عندك يهال في البيت لزم يكون البيت جذي بس لا

كأنه عززوبي ما يب صوت ولا حس ولا صياح :mad:واذا حد صاح وأنا نايمه أأأأأأأأأأأأف الله يعني من الكلام

انتي هاااااااااااده عيلج ونايمه شو ما أنام......:confused:
ولا تعرفين عن هو دارج أأأأأأأف ممل أهو وعياله:o

متى برجع بيت أمي حبيبتي كانت أدلعني وشالتني على كفوف الرحه فديتها ادعو الله يهديني ويجعل في قلبي الرحمه على عيالي

لأنه خاطري أهدهم وأرجع إمارات عند أمي ......... من صج يوم كلمتكم عرفت شو فيني وليش أن مضايقا من الحنه مب من اليهال أنا تعبانه من الحمل ما يحس كأنه الحمل شي روتيني عنده وأنا ا ذابحني الخوف من عوار الولاده

بس أقوله انشاء الله يحس حتى لو في الحلم أنه يحلم أنه أهو يبي يربي وعنده أوجاع الولاده علشان يحس فيني ويتوب يحملني لأنه أكثر الحيان أهو يعاند ويحملني وأنا ما أبي:confused:

دعائي حق كل وحده تتمنا نوننوه بين يديها والله يعطيها ولا يحرمها من هذي النعمه وأيحفظ عيالكم وعيالي ويجعلهم من الذرية الطالحة أاامين

الله يكون بعونج حبيبتي

والله اني حسيت فيج وانا مو متزوجه ولا مريت باللي مريتي فيه
عندنا حاله مثلج تقريبا بالعايله

اول شي حطي ببالج انها نعمه من الله

ثاني شي عيالج مثل ما تقولين 9 سنين واقل

فديتج بهالسن لي الروضه جذي تقدرين تعطينهم مهمات

مثلا العابهم واغراضهم هم المسؤولين عن ترتيبها عشان البيت مايكون مكركب
واللي مايرتب اغراضه له عقاب بسيط
مثلا حرمان من الكمبيوتر
او حرمان من كارتون يتابعه
او حتى يروح ينام بدري عن موعد نومه
خلج ذكيه في تعاملج مع اليهال

ادري والله ادري انهم متعبين
وانج تحسين انج توج صغيره واليهال خانقينج من كل صوب

لكن تحملي
مردهم بيكبرون باذن الله وبيصيرون لج عون وسند

والحمد لله انج تييبين العيال وانتي صغيره بقوتج
في حريم اييبونهم وهم بالاربعين
تخيلي شنو القوه اللي عند مرة الاربعين والفرق عن بنت العشرين

بالنهايه تخيلي هالمشهد ببالج
انج اتزيدين عدد المسلمين اللي ينطقون كلمة لا اله الا الله
هذي بروحها تستاهل الصبر عشانها


بالنسبه لزوجج وتزينج وكيفية منع الحمل وهالاشيا
ان شاء الله البنات يفيدونج اكثر مني

كل الحب ..
وربي يكون بعونج غلاي :)

الله يعينك حبيبتي روحي عند دكتور زين وخذي مانع حمل قوي أو ركبي لولب.

السلام عليكم ،،،،،

حبيبتي سامحيني بصراحة ما عندي تعليق ، 25 سنة و 6 يهال ، وتطلع مصيبة
إذا ما عندج خدامة ، المفروض يكون عندج خدامتين ، وإذا ماعندج ولا واحدة أخلي البيت
يمشي ، لأن ما عندي وقت أنظف ، وإذا على العيال أهو لازم يتصرف دام انتي مافي حل
بيدج ، في ألف طريقة وطريقة أهم لازم يتبعها لتحديد النسل !!!!!!!

الله المستعان ............

اللهـ يتمم حمالج ع خيـر وييسر لـج ويرزقـج الذرية الصالحة اللي تسرج وتسر ابوهم :)

صاج ريلج دوم الكبار يقولون هالحجي وصاجين ترى

حتى اليهال باذن الله لين اكبروا وتزوجوا باذن الله بتصير عايلة عودة فيها اعمام وخوال

لكن لو العايلة صغيرة ماتحسين بذيج الصلة القوية اللي امبينهم

وفكري بالشي الزين ان ياما بنات تزوجوا وتموا بدون يهال واهم اكثر شي يتمنونه

واهم شي تشكرين رب العالمين ع هالنعمة اللي انحرموا منها ناس وربي يتمم لج

يناااااااااااااااااااسو

احب البيت الي فيه اطفال وخاصا بنوتات انا منك بالعكس اجلس معاهم وانظم وقتي

والبسهم حتى لو في البيت

واقسم عليهم اشغال خفيفه

وترى اعرف وحده زيك عندها خمسه وكللللللللللللهم ورا بعض

في البدايه تعبت بس دحين لما كبرو شوي وفهمو وزعت عليهم الشغل في البيت مع انو اكبرهم ثاني متوسط والباقين ابتدائي ووحده صغيرونه

وكمان وحده اعرفها جابت سته ماشاء الله كل واحد مابينو وبين التاني فرق وكمان هيا كانت صغيره

والله انو يوم ملكة ولدها الناس يحسبوها اخت العريس وعمة العريس يحسبوها امو

وكمان هيا في البيت معاهم كأنها اختهم ماشاء الله عليهم

ولو تبغينا نساعدك وننظم وقتك مستعدين وكمان عادي حتى وانتي حامل وعندك اولاد تقدري تهتمي بنفسك وزوجك

معليش طولت عليكي

عيون الفهد

السلام عليكم
اختي الله يعينج وربي يتمم لج الحمل على خير تذكري انهم نعمه والله اني متزوجه من ثلاث سنين والثالث جاي بالطريق والحمدالله اتصدقين اني يوم ابني يكمل ست شهور احن للحمل وحركة الجنين والبيبي وهم صغار يوم عمرهم ايام وااااااااااااااو يكونون روعه ريحتهم حلوه وملمسهم نااااااااااااااااااعم والله هذي الاشياء تهون علي اشوي وربي يحفظ عيالنا اجمعين ويبلغنا فيهم وانشوفهم عرايس وعرسان يارب امين.

ان شاء الله العرايس يفيدوك

مشكورات أخواتي الغاليات والله كلامكم يرد الروح ويشجع أشوي

بس أنا ووووووووووايد أعاتب عمري بأني ما أهتم في عيالي تعتقدون أني أنا أمقصره في حق عيالي ولا أني الحمد الله ما قصرة

لأنه كلام زوجي وأم زوجي وكل يقولولي أني مهمله في اليهال والبيت حتى ما أطلع مع ربعي لا خميس ولا جمعه
ولا عندي يوم ويكند
وكله قاعده معاهم أطلع معاهم وأرد معاهم بس الأحباط إلى يجيني من زوجي وأمه يكسر الحجر

فما بالكم وحده دلوعه بيت أمها وخدامه تجيبلها كوب ماي لين عندي وأهلي كل يتمدحون فيني أني ما قصرة في عيالي حتى ربعي يقولون لزم الشله معاج كل مكان وأنا كل أقولهم ألي يباني يبا عيالي ولي ما يبا عيالي مب ملزوم يستحملني صح

الله يجازيكم بلخير وأدعئ حق كل وحده تريد ياهل أنه الله يعطيه من خيره ولا يحرم أحد من أنه يشوف ضناه أأأأأأأأأأأأأأااامين

معليه معليه اختي الله يحفظج لعيالج يا رب
هونيها وتهون ..ما أعرف شيء بهشغلات ..
بس ما حبيت اطلع بدون ما رد عليج

كافي علي

إنه أحد يسمعني ويرد علي والله يجازيكم بكل خير أنشاء الله

[GRADE="00008B FF6347 008000 4B0082 00BFFF"]توته حبيبتي الله يخليهم لك وأنتي بغربه محتاجه ناس الله يحفظهم معك ولو بمكانك زوجته ثلاث عشان يمتلي البيت..........
وانبسط معهم ويبسطون أبوهم......
ويمكن تملين من دونهم والزوج ممل وأنتي ممله له...
لكن لعب الأطفال تجديد ومتعه...
ومادام ربي يرزقك بهم أرضي وتـأكدي هذه السعاده الآن أو لغدا ولاأظن........
صدقيني الأم الفاهمه لاشعوريا ضحكة عيالها ضحكتها....
ومللهم مللها وكذلك الأب......
وأجمل الفرحه لفرحة عزيز وغالي منها إنها تكون من نفسك........


لو ماتبينهم عطيني اياهم نعمه محد مقدرها الحين وكثير يدورها مايلقاها.....

جربي يضحكون مع أبوهم ويضحكونه ويمتعونه وشوفي نفسك ورضاه عن حبيبته وأم عياله وهالعسل اللي جايبتهم له وشفي سعادتك لسعادتهم أو الأغلى.........

الله يحفظهم....[/GRADE]

انا من رأيي فيه ثلاث نقاط لازم تمشين عليها:


1- لازم تجيبين شغاله اذا ماعندك لانك مستحيل تلحقين على الطبخ والترتيب وتربية الاطفال والعنايه بنفسك وبزوجك لازم احد يشيل عنك بعض المسؤليات.

2-أهتمي بنفسك كثييييييييير ولاتخلي الحمل يحرمك من تدليع نفسك وزوجك واقنعي زوجك ان المره تزين بالحمل من جميع النواحي وخصوصا الجنسيه فهمتي علي؟؟ البسي احلى لبس وقصي شعرك واستعملي خلطات طبيعيه ترا حتى نفسيتك راح تتغير واكيييييييييييد راح تشوفين التأثير على زوجك.

3- اولادك لازم تعوديهم على الترتيب والهدوء وتشغلينهم بالتلفزيون والبلاي ستيشن والجيم بوي والشغلات هذي عشان مايزعجون ابوهم وفهميهم ان بابا مايحب الازعاج ولازم يكونو هادين وهو موجود وكمان لازم يكونو لبقين مع ابوهم يبوسونه اذا جاء من برا ويطلبون منه الاشياء اللي يبونها بدلع وذوق ويشكرونه ببوسات وضم اذا جابلهم اي شي لو حلاوه بعدين حتى ازعاجهم يصير حلو على قلبه.


اتمنى اني ساعدتك
تحياتي

الله يعينج على الحياة وترى ربي يحبج

الزمي الاستغفار وشوفي النتايج ايش بتصير