لبنات البحرين ضروري وللاهمية

الصراحه انا ماعرف مدرسات انجليزي
بس اللي اعرفه ان المفروض انتي ماتدرسينها بالبيت الا اشياء بسيطه فقط ومتابعه لحل الواجبات بس
لأن الاختلاف في طرق التدريس يخلي الياهل يتخربط سواء في اللغه او في الرياضيات
اذكر مدرسة ولد اختي قالت حق اختي جذي، وهو في مدرسة النور

وهالشي بعد فيه مصلحة البنت، انها تتعلم بروحها وماتعتمد على الدروس الخصوصيه
لان بعدين المواد بتصير صعبه، واذا هي من الحين اعتمدت على مدرسين في الاشيا اللي تعتبر سهله فمابتقدر تواصل بروحها
في البدايه يمكن تتخربط او مابتعرف بس بعدين لما تكبر شوي شوي بتقدر تعتمد على روحها في كل شي

والسموحه

حبيبتي جيكي الوسيط وان شاءالله تلقين

حطي لش اعلان في الوسيط وبتشوفين الاتصالات (a)

وتقدرين بعد تجيكين مجلة البحرين الاعلانية ،، بس اقوولج لا تضمنين اي احد الا بعد ماتتأكدين من طريقه تدريسهم ،،

وانا مع انا الشووق في راايها ،،، لانه اذا اهي من الحين ابتدائي بتخلينها تعتمد على دروس خصوصية يعني عقب الله يعينج مادري شبتسووين وياها ،، خليها تعتمد على نفسها والله يووفقها :)

كان عندي رقم وحدة ف جدعلي "هندية" وايد يمدحونها

باسأل باذن اللهـ وبارد عليــج

ومايصير خاطرج الاطيب :)

حبيبتي مالا داعي تحطين لها مدرسين خصوصيين ترى حتى اليهال في بيتنا بعد حصلوا صعوبه في البدايه
لكن شوي شوي واكبوا أللي معاهم في الصف وألحين يتسابقون معاهم في المستوى لا تستعيلين وتحطين لها مدرسيين تونا بداية العام الدراسي واللله يوفقها إنشاءالله

مشكورين خواتي الغاليات ع الرد والتجاوب
لكن انا مافكرت احط لها مدرس خصووصي الا لمن حسيت نفسي
مب عارفه حتى افهم شنهو المطلوب من الواجب
تيب لي البنت الواجب الكلمات تكون صعبة اطلع معناها من القاموس وبعد ما افهم المطلوب
واحيانا ابي اخليها تقرا الكلمات تقولي يمه شنو هالكلمة ما اعرف انطقها او اخاف اعلمها شي خطا

انا مهتمه فيها وايد وبنفسي اتابعها لكن الانجلش صعب علي

اتمنى انكم ماتبخلون علي برقم اي مدرسة بس ابي استعين بها بالاشياء والمواد اللي تصعب علي وعليها
واكرر شكري لكم