اخر التطورات في موضوع (كرهت الدكاتره)

السلام عليكم ورحمة الله وبركاتو

كيفكم ياعرايس ان شاء الله بخير

كل عام وانتو بخير وتقبل الله صيامكم وقيامكم

اول شي

شكر خاااااااااااااااااااااااااااااااااااااااص

للاخت ام ارجوان على سؤالها المستمر عني وعن بابا الله يجعل كل دعوه من دعواتها في ميزان حسناتها ويبعد عنها كل شر

وشكر لكل عضوه قرت موضوعي ودعت لبابا او اعطتني وصفه او دعت لي

سواء كتبت الدعاء او قالتو

وشكر لكل وحده اتاثرت بالموضوع وحزنت او زعلت او بكيت والله انا مو قصدي ابكيكم انا كنت ابغى افضفض وكمان قلت ممكن الاقي حل عندكم

والشكر للمنتدى الرااااااااااائع بجد مافي زي عرووس

ودا الموضوع الاول للبنات الي ماشافو الموضوع

http://www.3roos.com/forums/t372981.html


انا زي ماوعدت كثير من البنات اني اطمنكم عن بابا بعد فتره من نصايحكم

الحمدلله الفظل لله ثم لكم بدعواتكم الي بعضها بكيت وانا اقراها من كثر ماحسيت انها من قلوكم طالعه

المويات خفت شوي من جسمو وسار يقدر يمشي شوي شوي وينام طبيعي لانو اول كان ينام وهوا جالس ولا مايقدر يتنفس

والحمدلله لله انو السكر انتظم شوي مع انو مرات يرتفع

وسار يخرج شوي امس واليوم خرج بس مارضي يخرج من السياره يخاف انو يطيح ومايحب انو يبان ضعفو قدام الناس

بس الحمدلله انو خرج وشم شوية هوا

بدل جلسة البيت الي تقرف الواحد

وجا شيخ للبيت وقري بصوت عاااااااااااااااااااااااااااااااااااااااااااالي والله انا خفت لما سمعت صوتو

بعدين قفل باب الصالون وجلس جنب بابا وحط يدو على راس بابا وبدأ يقرا وسارت رجلو اليسار تنهز بقوووووووووه الين خلص قرايا وبابا حس بتنميل برجلو

وقالو الشيخ دا طبيعي لانو فيك عين قوييييييييييييييييييييييييييييييييييييييييييييييييييييه وان شاء الله تروح مع القرايا والزيت الي مقري عليه والمويا

وبعد القرايه بيوم بدأ التحسن الحمد والشكر لله

ماشاء الله تبارك الله
هذا الي سار معانا وحبيت اطمنكم

والله يبعد عنكم كل حاسده وحاسد وكل شر ياااااااااااااارب

اسفه طولت عليكم

عيون الفهد