انا حساسة ولا الناس ماعاد عندهم احساس

مرحبا يااخواتي
رمضان كريم يارب وكل سنة وانتم الي اللة اقرب
مشكلتي اني مادري انت احكمو علي انا مااقدر
احكم علي حالي مادري انا حساسة ولا الناس ماعاد عندها
احساس مشكلتي مع اختي الي يقولون انها اختي من يوم وعيت
علي الدنيا وانا في خلاف معها وهي شايفة روحها علي كثير تخيلو يابنات
اقرب موقف صار لليلة الصيام دخلت بيتنا وانا مرة من عندها ماسلمت ورحت علي
طول تسلم علي امي رحت انا سلمت عليها صفحتني وبس واللة اني جريتها
عشان اسلم عليها خد بخد ماتبي حتي تبوسني خد بخد واول يوم برمضان
اناديها بالدرج بعطيها صحن من الفطور قالت لي انتي شتبين قلت لها هذا صحن
لقيمات قالت احنا مانحب القيمات ولا احد ياكلة هذي وحدة
امي من يوم تزوجت وهي صايرة جشعة تحسبني علي الريال لدرجة ان مرة جات وقالتها بوجهي
انا ماعدة احبك انا اكرهك يمكن مااقدر اكتب لكم اكثر عن اطباعها السيئة معي حتي احتفظ بالصورة الحلوة الي كانت في بالي عن امي
عندي صديقة الروح بالروح تفرفة انا ويها بسبب جهاز لب توب ودية لها وشافو اهلها عندها وشاف اخوها محادثة مسنجر مع وحدة من صديقاتنا ساكنة باامريكا ومعندها غير المسنجر نتواصل معها
علية المهم قال اخوها انتي تكلمين رجال واخذو الب توب منها وقالو لي تعالي اخذي جهازك امها
سمعتني كم كلمة تقول لي بنتي بطريق وانتي بطريق واللة يابنات ان صديقاتي هذي علي اخلاق
عالية وحافظة من القران 5 اجزاء ومصلية ومسمية لكن اهلها يشكون فيها حتي لو قفلة الباب علي نفسها شكو فيها امها قالت كلام كثير جارح لكن انا ماابي اذكرة حتي مااتعب
وصارت صديقتي تكلمني من ورا اهلها كانها تسوي شي حرام وتكلمني بالجوال بس
ومن يوم صارت السالفة ترسل لي اتصل بي وبس وانا الي اكلمها دوم وحتي برمضان ارسلت لي
رسالة من جوال اختها
وصديقتي الثانية توها مخطوبة ومشغولة وغرقانة بالعسل ويوم تقول لي انا احب خطيبي يوم تقول
مابعد احبة يوم تقول هو نظل بس هو طيب يعني مدوختني معها وتحب تمدح بنفسها كثير
انا بيضة انا حلوة انا انخطبة في ذاك العرس اناشعري ناعم انا وانا وانا ماتتصورون شلون تمدح نفسه لدرجة اني امل من جلستي معها وبيناتنا خلافات من زمان وبعدها ماثرة فيها
وبنات خالي احس نفسي غريبة بناتهم اول يوم برمضان كنت رايحة اسلم عليهم وابارك الشهر
قالو احنا بنروح الصالون وبعدها بااربعة ايام كلمتهم علي الجوال قلت يجيكم ابارك الشهر قلت حياج
اللة بعدها اتصلت قالت لي احنا بنروح نبارك لوحدة والد بعدها انا سكرت قامت اتصلت وقالت خلاص تعالي مع البنات هم بيقعدون بالبيت واحنا بنروح
الخلاصة من كلامي اني احس بالغربة بداخلي ومكاني عايشة في بلدي كاني عايشة في بلد غريب كل واحد يصرفك من جه وبس تكون مصلحتة عندك ياسلام يحطك علي راسة
واحس بخيبة امل بالنسبة لصديقتي اتمني ربي يرزقني بصحبة تنور لي حياتي
واملي فراغ مشاعر الاخوة الي جواتي واللة الاخوة بس موجودة بالمسلاسلات والافلام والمشكله اني مريضة اكتئاب واخف من هالوحدة تجيب لي الحالة وللة الوحدة صعبة صعبة

انا اسفا طولت عليكم لكن حبيت ابين لكم الصورة كاملة وواضحة