اليوم سويت كيكة الجالكسي للأخت هند .. بس سويتها في بايركس كبير .. فضاعفت المقادير
تفضلوا ^_____^
خواتي لو سمحتوا لا تنقلون الموضوع إلا بذكر المصدر .. أنا في هالكمبيوتر ما عندي فوتوشوب فما قدرت أحط أسمي على الصور
نحتاج أربع قشطة نستلة .. بس كانت مخلصة فاستخدمت قشطة المراعي
8 جلاكسي الحجم العادي
بسكوت شاي .. عدد كأسين
8 مكعبات جبن كيري
عدد باكيتين كيك الكاكاو .. أنا استخدم أمريكانا
جوز مبشوور للتزيين
نقطع الكيك شرائح ونصفهم في البايركس
خواتي أنا رشيت شوية حليب على الكيك .. يطلع لذيذ .. شوية بس موب وايد
نطحن البسكوت .. وأنا تعمدت أخلي قطع شوية .. يحلي الأكلة :D
نضيف عليهم باكيتين ونص قشطة
ثم الجبن كيري ^_^ .. حاولوا تكونون مطلعين الجبن كيري قبل بفترة .. ويكون بدرجة حرارة المطبخ علشان يسهل عليهم عملية الخلط
بعد ما نخلطه نفرده على شرائح الكيك .. شوفوا حبات البسكويت الصغيرة إللي قلت لكم عنها
أنا طريقتي في إذابة الكاكاو شوية مختلفة .. حطيت عدد اثنين قشطة + ثمان كاكاو جلاكسي الحجم العادي ويا بعض في قدر .. وذوبت الكاكاو
هني لما بدأ بالذوبان :tongue:
بعد الانتهاء من الذوبان :tongue:
طبعاً أول ما اتحسين إن كل الكاكاو ذاب على طول اتشلينه من على النار .. ثم تصبينه على باقي طبقة الكريم
وتزينينة بالجوز المجروش .. واتغطينه بالألمنيوم واتحطينه في الثلاجة أقل شيء ثلاث ساعات .. وكل ما طول كل ماكان ألذ
وبس وهني وعافية على قلبكم ^_^
