قصتي الحزينة من الذي يمسح دمعتي؟؟ ساعدوني

قل خيرا;7134262:
[GRADE="8B0000 D2691E A0522D FFA500 DC143C"]السلام عليكم ورحمة الله وبركاته
ماكل مايتمناه المرء يدركه ولكن تجري الرياح بما لاتشتهي السفن
اعلمي أن كل ماحدث لكي قد كتب وحفظ في الألواح ولن ترحلي من هذه الدنيا إلا وقد استوفيتي حقك كاملا
أخيتي أنا وأنت والجميع لانعلم ماالذي سيحل بنا!لاتعلمي قد يأتيكي من الله مايسركي وقد يأتي العكس
لذلك افعلي ماأمركي الله به ودعي عجلة الحياة تدور وتفعل ماتريد فقولنا نحن صامدون
تمسكي بالأمل والتفاؤل وابتعدي عن الحسرة والحزن والتشاؤم
واجعلي القرآن الكريم هو دوائك فوالله لو تعلمين مابه من فوائد حين يقرأه الإنسان الغاضب أو الحزين أو المهموم
أو أو أو ............. فهو بلسم للقلب
وفقك الله وبارك فيك[/GRADE]

لمُور;7129582:
السلام عيكم. كيفكم خواتي ان شاء الله بخير..
أنا بدخل في الموضوع علطول..
بصراحة قصتي حزينة تقطع القلب وتفطر الحجر يمكن انتم تشوفو إنه عادي مافيها شي بس أنا تأثرت كثير منها..
أنا عمري الحين 21 سنة أدرس بالجامعة عشت طول هذي السنين في ظلم وتسلط من أبوي دايم يكرهني ويقاطعني بالشهور والأيام لأسباب تافهه ويظلم أمي وسوى فينا أنا وخواتي وأمي كل شي في عذاب لنا وتزوج على أمي وما يصرف علينا أمي موظفة وهي تصرف علينا..

قولي الحمدلله على كل حال وادعي انو ربي يهدي ابوكي ويحنن قلبو عليكم

المهم كبرت وتخرجت من الثانوي ودخلت الجامعة في قسم تربية خاصة يعني خاص بالمعاقين ووظيفته مظمونة.. المهم دخلت الجامعة وأنا عندي أمل إنها راح تنفرج علي أنا وأمي وخواتي بإنه يجيني زوج طيب يريحني من أبوي لكن للأسف خلصت السنة الأولى من الجامعة وما تقدم لي أحد.
ويوم صرت بثاني جامعة خطبني ولد صديقة أمي ويوم أبوي سأل عنه زين لقي إنه الله يستر عليه معاه حالة نفسية وهو أساسا مو موظف لكن أهله عندهم فلوس بس يوم أبوي عرف عن حالته رفضه وقلت مو مشكلة هذي أول خطبة لي ما فيها شي اذا فشلت.

الحمدلله انو ربي كشفلكم هوا والا كيف حتكون حياتك معاه الله يشفيه وترى الفلوس مو كل شي تخيلي انو حالتو النفسيه مررررررررررره صعبه وممكن يضربك ويسبك ويضرب نفسو ويطلعلك سكينه ولا تدخلي تلاقيه يضحك ويتكلم مع نفسو كيف حيكون احساسك مو تجلسي في بيت اهلك احسن؟؟

وبعدها بشهر خطبني واحد جندي راتبه 300 آلاف وأبوي قبل الأمر في البداية ويوم سأل عنه لقي عنه أخبار سيئة جدا. وفشلت الخطبة.

تخيلي تتزوجي واحد سمعتو سيئه كيف حتجلسي مع الناس ولا كيف حتكون نظرت الناس لكي مع انو نظرت الناس مو مهمه انتي كيف احساسك وانتي تعرفي انو سمعتو سيئه وساكته كل هذا عشان تتزوجي لاوالله اجلسي في بيت اهلك معززه مكرمه ولا انو تتزوجي وبعد كم شهر تتتطلقي ؟؟


وانخطبت مرة ثالثة خطبني واحد راتبه 8000 ريال وما فيه عيب جات أمه وأخته وشافوني وعجبتهم مررررة لأني ولله الحمد بيضا وحلوة والكل يمدحني. ووافقوا علي لكن بعدها بيومين أرسلوا رساله على جوال أمي وكتبوا فيها إحنا مالنا نصيب عندكم الله يرزق بنتكم بدون أي سبب.

اولا هذول ناس شايفين نفسهم يعني حتى ما اتنازلو يتصلو وتقولي مافيه عيب اكبر عيوبهم انهم مايعرفو الاصول بالعكس انا منك افرح اني ماارتبط بناس زي كدا


وبعدها بفترة خطبني واحد يشتغل في البلدية " مسَاح " ما أدري كم راتبه المهم جات أمه وأخته وشافوني وعجبتهم وجوا الرجال عندنا في البيت واستقبلهم أبوي أحسن استقبال وما قصر.طبعاً هذي الخطبة صارتلي الحين في شهر 8 المهم جلس أبوي مع العريس وأخوانه وأبوه وسألوه عن شروطنا وقال: أنا شروطي إن بنتي تكمل دراستها واذا توظفت ما يمنعها ولدكم واذا احتاجت في أيوقت شغالة يجبلها ويوفر لها اللي يوديها ويجيبها من الجامعة وما ياخذ من راتبها شي.. المهم العريس وأهله قالوا طيب ابشروا احنا موافقين لكن ولدنا مستعجل يبغ الزواج الحين في شهر 12
طبعاً أنا اذا كنت بسوي شبكة بسويها في شهر 10 وبعد شهر يكون الزواج طبعاً أبوي ماوافق وقال هذا مو من عاداتنا اننا نملك للبنت ونزوجها بعد شهر الناس ما يرحمونا من كلامهم واتهاماتهم. قالوا أهل العريس خلاص إحنا نأجل الزواج في شهر 2 قال أبوي خلاص أنا موافق المهم حدد أبوي مع العريس موعد الشوفة وجاء العريس وشافني وعجبته وبعدين يوم جاء يخرج قال لجدي أنا ماراح أودي بنتكم الجامعة وأجيبها خلي أبوها يوديها.
المهم اليوم الثاني اتصل العريس على أبوي وقال له أنا أبغ الزواج في شهر 12 قاله أبوي انت مو اتفقت معانا على شهر 2 ليش تغير كلامك قال بس كذا أنا أبغ في هالوقت طبعاً أبوي ماوافق وقاله احنا ما يمدينا نزوج البنت بعد شهر والبنت عندها الحين دراسة أجلها لشهر 2 قال العريس لا أنا أبي في شهر 12 وأصلاً البيت بيكون ناقص فعادي اذا تزوجت بنتكم وعفشها ناقص بعدين بعد الزواج أنا وهي بنشتري كل شي.. أبوي رفض بدون ما يشاورني وقال هذا مو رجال لأنه غيركلامه وما قدرني ولا قدر بنتي هذا مافيه خير ولا المفروض يسمع كلامي لأني أنا أبو البنت وأنا أعرف مصلحتها وما فيها شي لو أخر الزواج بس شهر واحد.. وأم الولد وأخته طلبوه يأخر الزواج لكنه رافض تماما.. المهم إنه بعد ماشافني وشفته وتعلقت فيه وكانوا الرجال في البداية متفقين على الشبكة وعلى كل شي . إنهدم كل شي انهدم حلمي وفشلت الخطبة..

اول شي انتي ترضي انك تتزوجي ببيت مو مفروش وايش يضمنك انو حيفرشو بعدين وكمان هذا مو رجال اجل يغير كلمتو في الساعه 60 مره الرجال بكلمتو
وانتي راضيه انك تتزوجي واهلك يودوكي ويجيبوكي اجل اجلسي ببيت اهلك
والمفروض تتفقو على موعد الزواج ومو يتشرط ويقول ابغاه بعد شهر ترضو ليش انتي مافيكي شي واخلاق وكل شي وانتو منتو ميتين عليه لاتقولي اتعلقت بيه الكرامه اهم شي واحي ابوكي على موقفو الحلو والقوي وهذا دليل انو يخاف عليكي ويبغالك الخير





ليش ليش أنا مالي حظ لا عند أهلي ولا في الزواج. نفسي أفرح وأتزوج وأجيب عيال وأنا الحمد لله دايم أصلي صلاة الليل وأدعي في جميع أوقات الاستجابة بإن الله يرزقني..

صح ابوكي جاف معاكم بس احمدي ربك انو يبغالك الخير وبيسأل عن الي يخطبوكي غيرك ابوها يزوجها وهيا مو داريه ويطلع سكير ولا يضربها ويبهدلها ويخونها في بيتها

كل البنات حلمهم انهم يتزوجو ويستقرو ويجيبو اولاد لاكنلازم نفكر قبل مانتزوج الرجال لازم تكون سمعتو مزبوطه ولاكيف حترفعي راسك قدام الناس وتفتخري انو زوجك لما يقولو اسمو كيف حتجيبي اولاد يشيلو اسمو ويرفعو راسهم بيه

وربي يمهل ولا يهمل لو لكي نصيب اليوم حيجيكي وترى مكتوب الساعه الي حتتزوجي فيها من قبل ماتنولدي


والله سبحانه وتعالى رزقني بس برجال فاشلين مو سنعين.
ليش أنا حظي تعبان وأنا ذقت المر من أبوي ليش ما أقدر أفرح وش معنى أنا..مع إني بحاجة للزواج والاستقرار خلاص أنا تعقدت ما أقدر استقبل أحد ثاني يتقد لي لأني أخاف تفشل خطبتي مثل الثلاث مرات السابقة..

اول شي مهم نصيبك حتى لو كانو كويسين لازم تقتنعي انو الحياه كدا موشرط الي يتقدمو لك كويسين

بعدين احمدي ربك على ابوكي صح جاف لاكن مابيضربك ولا بيهينك في اباء يبيعو بناتهم لاصحابهم ولا عشان المهر

قولي الحمدلله

ولو جاكي اي احد تاني شوفو مواصفاتو واستخيري يقول المثل البنت يخطبوها الف وتتزوج واااااااااااااااااااااااااااااااااااااااااااااااااااااااااحد

تدمرت وتحطمت وتعبت نفسيتي وماتت أحلامي وآمالي ما أدري مين الظالم أبوي ولا حظي المايل مع إني والله ما أقصر في ديني والحمد لله وأخاف الله لكن أحيان أقول يمكن ربي غضبان علي ويمكن مو كاتبلي السعادة.. استغفر الله والله إني مقهووووورة وأبغ آرائكم ومشارتكم لي الله يسعدكم ويوفقكم ساعدوني وريحوني وقولولي رأيكم بصراحة...

قل لن يصيبنا الا ماكتب الله لنا