ابي الفزعه منكن يابنات(وبنات الإمارات خاصه)

محرومه حبه 04-09-2008 3 رد 166 مشاهدة
م
السلام عليكم ورحمة الله وبركاته

هلا والله وغلا بالأمورات

شحالكن عساكم إلا بخير ؟

بقولكن قصتي خخ

انا انخطبت ع شهر 8 والملجه عقب العيد إن شاء الله والعرس بعده ماتحدد موعده بس يمكن يكون على شهـر 4

وانا ماعرف شي الصراحه

ماعرف متى ابدأ اتزهب ومتى أبدأ اهتم بنفسي وشعري
وهل اسوي جلسات تنظيف بالصالون وماعرف شو وإلا كيف ؟ ومتى ابدأ فيهم؟؟

وعن جسمي ماشاء الله -حدث ولا حرج خخ .. عندي اسوداد ب/منطقة الفخذ واسمرار بالركبه والكوع ..

ابي نصيحتكم الصراحه خواتي _ اعتبروني اختكم الصغيره وانصحوني...

وعن التزهيب والفستان والشعر والميك اب وين تنصحوني اروح لهم ( انا من الإمارات ) ياريت تساعدوني يابنات وخصوصا بنات الإمارات لانهن يعرفون الأماكن اهنيه..

وكيف احط لي جدول او ارتب بيزاتي

لاني انا وايد لفيت الصراحه بالمنتدى وفي وايد اشياء فادتني بس بعد من كثر المواضيع ماعارفه شو اسوي . تلخبط كل شي عندي

فـ ارجوكم يالغاليات ساعدووووووني ..


احس وايد طولت بس شو اسوي محتاجتنكن وربي

ساعدوني الله يخليكم
م
افا يا بنات ولا رد:eek:

والله زعلتوني :confused:
د
هذا رابط تجهيزات عرايس الامارات وان شاء الله بيفيدونك باللي تبين

http://www.3roos.com/forums/t304184.html
M
هلااااااااااا حبيبتي

احس بعده وقت عن تزهبين
بس اول شي غناتي
لو كنتي بتفصلين الفستان فصلي قبل العرس بشهرين
وعندج مايكل هزارا اماتو وليد عطالله
اما الـتأجير ما عندي فكره واايد بس تقريباا
امنه المطروشي اظني اسمهاا ام محمود امممم ندى العلي اظني يعني هذا اللي سمعته وإن شاءالله الأسامي تكون صح
تسريحه الشعر انصحج إيمي الفرنسيه او ماتيلدا
المكياج ع حسب انتي شو تحبين

تحبين ناعم واايد عندج ريحانه
تحبين وسط تقريبا عندج رحااب
انا تقريبا اللي اشوفهم اوكي ريحانه رحاب ندى عاشه البحرينيه

اما العنايه بالجسم شي صوالين يسولج بــ budget للعرايس وحاولي تسألين

امممممممممم إن شاءالله قدرت اساعدج ولو شوووي

اسمحيلي غنااتي
X