بنـــــااااات البحرين تعااالو هناااا ابيكم شووي بشغلــه

نصيحه من اخت
الحين البحرين فيها اكتفاء من القانونيين
انا الحين متخرجه صار لي سنتين ومومحصله شغل
الا اذا انتي حابه تشتغلين عند محامي هذي شي ثاني

اختاري تخصص مطلوب عندج المحاسبه اشوف الحين وايد ناس يدرسون محاسبه

القانون مومطلوب
الاداره التربويه مافهمت يعني شنو

علوم الكمبيوتر مطلوب في كل مكان

مافهمنا الادارة التربوية شتقصدين ابها هل تخصص جديد يعني

الشيئ الاهم من ذولي 2 ياترى باي جامعة راح اتدرسين ترى هشي مهم وايد ان كان بجامعة البحرين فلها سمعتها وشهادة ما ابي اقولج وامدح ولكن هذي الصج ولي اجوفة كوني خريجة ... واذا كان جامعة خاصة كوني على ثقة تامة باختيارج الجامعة ترى في جامعات غير معترف بشهاداتها خارج البحرين وبالاشغال في البحرين لما تتقدمين لوظايف حتى لو كان الجي بي اي عالي لايعترف به

مثل ماقالوا البنات
القانون ابتعدي عنه، مامنه فايده

الادراة التربوية ماعرفه التخصص بس بعد اعتقد ان اماكن التوظيف محدوده

اذا تبين شي له مستقبل ومطلوب في كل مكااان درسي لج شي له علاقة بالبزنز، مثل المحاسبه أو البنوك او حتى ادارة الاعمال

بس بعد أولا وأخيرا شوفي ميولج اكثر شي لشنو
لان مايصير تدرسين شي وتشتغلين في مجال ما تحبينه

واذا كان عادي عندج فتخصصات البزنز أحسن شي

انا ويا القانون

شوفي حبيبتي مافي شي مافيه اكتفاء انتي عليج انج تدخلين على حسب ميولج انتي سالي واقتنعي
بس بالاخير صلي صلاه الاستخاره وسوي اللي يريحج لا انه والبنات بنفيدج هاي مستقبلج وانتي عليج تخطيين له لجدام

شوفي انا الحين ادرس قانون ومرتاحه وايد ومادرس بجامعه البحرين

بس الاهم من هاي انج تدرسين وتخلصين وانتي متوكله على الله الاشغال ياحبيبتي نصيب بتحطين على روحج بتيبينه غير هاي اذا عندج واسطات طبعا

شوفي القانون عندج مجال في:
مكتب محامي
محاماه بالانتساب لجمعيه المحامين
مدرسه قانون
استشاره قانونيه
وظيفه باحدى المحاكم
الداخليه <<<<< وهني طموحي في التحقيقات الجنائيه
ووايد اشيه حبيبتي


بس اقولج شغله مهمه
الحين شهاده البكالريوس شربي مايها
عليج بالماستر باذن الله عقب ماتخلصين
بس الاهم اهو انج تاخذي كوميرشل لووو القانون التجاري لانه اهو اللي ماخذ مساحته لان تقدرين تتوظفين كمحامي لشركه ووايد مطلوب
عن نفسي بتخصص قانون جنائي واذا لقيت علم نفس جنائي بندرج فيه

عندي سؤال انتي باي جامعه تبين
وبيني وبينج اذا تبين اخبرج عن جامعتي كلميني خاص لان صج اهي صغيره بس فيها رحلات تعليميه في المواد اتينن واخر مره رحنه سجن جو وعسكر صج استفدنه

نسيت اقول شغله
حبيبتي عليج بدراسه icdl ويا دوره انج

لان وايد مطلوبين

والاهم من كل اللي قلته واللي قالوه البنات انج تتوكلين على الله بكل خطوه تتخذينها

والله يوفقج ووفقنه وياج

بانتظارج

هلا أختي

شوفي كلش ما أنصحج بالقانون لأنج لين تخرجتي بتشوفين وايد من الخريين قاعدين لا خبره ولاهم يحزنون ي وحده أعرفها أضطرت تشتغل سنه كامله بدون راتب عند محامي بس عشان الخبره وكرفها كراف الشر وبعدين خذت الخبره وأشتغلت فيها سكرتيره عند محامي

والتخصصات التربويه نفس الشي خريجين وايد مو قادرين يتوظفون بها

يعني أنا أضم صوتي مع خواتي وأقول لج شوفي لج تخصص في إدارة الأعمال أو الكمبيوتر أو الهندسه هذي التخصصات المطلوبه

هلا بالكـــل


تسلمـــــوون خوواتي على الرد

وان شاء الله بدرس في جامعه دلمونـ

قبل كنت باخذ قاانون ومحتارة ومتخووفه منه ،، الحين تقريبا شلته من بالي
لانه ميوولي مش له ،،

وبصرااحه انا مااحب البزنس ولا المحااسبه والاولى هذلين اللي بيدرسهم يدرسهم

بالانجليززي وانجليزيتي انا مييح ..


فـ الحين حااطه في بالي ادراه تربووويه مع اني ابي اعررف أكثر عن الادااره

وبالنسبه للاكتفاء في البحرين شي طبيعي من صوب الترربيه ،،

فـ الحين انا محتتاااره ؟؟؟

وبشووف بعد مستقبل الادااارهـ ؟؟؟