مشكلتي ولدي والروضة

مرحبا امهات شخباركم

اني في مشكلة كبيرررررررررررررررررررة ومتعبتني والله صايرة ما اكل ولا انام تعبانة واجد منهااا

السالفة وما فيها ان ولدي صدوقي عمره الحين 4 سنوات وسجلته في روضة وكان متحمس الى الروضة عدل ومستانس وحتى يوم اروح اسجله دخل الروضة وما رضى يطلع الا بالغصب والحين يوم ابتدى الدوام اول يوم راح مستانس واني استانست ان ما صارت لي سالفة وراح بسهولة ومستانس لكن يافرحة ما تمت عقب الفطور هناك في الروضة قعد يصيح وغربلهم لين تعب ونااام رغم انه كان نايم من وقت ومرتاح بس من كثر الصياح داخ ونام

وبعدين تعلم على ان الصبح يقعد يصيح ما يرضى يلبس ثيابه ويطلع روحي وما يرضى يتنازل وفي الاخير يجي الباص واقول اليهم يمشون عنه وبعدين اتصل لزوجي يجي من الشغل ونوديه بالغصب للروضة وهناك ما يرضى ينزل من السيارة وتجي مدرسته وما شاء الله عليها حبوبة وحليو تعامله وياه ويدخل الروضة ويشرط اني اكون وياه ومدرسته تلعب وياه وتسولف واني اغفاله واطلع ووكل اشوي اليوم اتصل في مدرسته وتقول ان اليوم اخف من قبل وما صاح واجد وبس هو ما يحتك وية الجهال كلشش وكل لاصق في مدرسته ويسولف وياهااا

ولما رجع البيت كان مستانس عدددل ويقول كل يوم بروح الروضة حليو وانا احب مدرستي واني هني استانست وقلت خلاص راح موال كل يوم في الصياح ولكن يوم جت المغرب رد يقول ما بيرروح الروضة ونام وهو يصيح يقول باجر ما بررروح وانا ابي اقعد في البيت وما ابي اروح روضااااات

واني المغرب عصبني وقلت له اذا ما تروح الروضة بالطيب تروح بالغصب لانة تعبت واني اتحايل فيه والله تعبت وما ظل شي ما قلته ولا سويته اليه

وما ادري ويش اسوي فيه والمشكلة ان زوجي ما يقدر كل يوم الصبح يطلع من الشغل يوصله لروضة

وياريت الي عندها فكرة او حل تفيدني