صالة قصر المـــرجان في البحرين ( صور)

مشكووورة حبيبتي عالمعلوماات

من زمان وانا ابي اعرف تفاصيل عنها

يعطيك الف عافية يالغلا

حلوة القاعة افكر اسوي فيها زواجي بس متحيرة بالبوفيه او بارسل

كثير حلوه هذي القاعه
الله يعطيك الف عافيه
خلتينا نشوف قاعات البحرين
مشكوره اختي دلوعة بحرينيه

الصاله حلوة وايد انا حجزتها مع كل شي حق بدايه شهر 8 حق جلوتي والكيكه عليهم والاكل حلو
لان طلبت ان يكون البوفيه من مطعم سمر قند اهم بيسون لي الحجز حتى التصوير حجزت سكوي واقل
ب20 دينار من لما تحجزينه بروحج المسرح مو ذاك الزود فحجزت عند محل يسويلي كوشه لكن الصاله يديده
ووايد حلوة مو مستعمله وايد ولها باركات ومجلس ريايل وخدمه ممتازة ادعولي ان يكون كل شي مرتب وحلو يوم جلوتي.

امم حلوة
بس في النهايه مع الاكل يوصل سعرها الف وشي
خااطري اسوي فيها حفلتي او في مرمريز بس غااااليه :(

اي غالية ان شاء الله تتحسن الميزانية ونسوي فيها

يعطيك العافية

انا سويت فيها زواجي شهر 11 وخذيتها ب570دينار مع مظيفتين زيادة بس بدون المكسرات- انا شريت كل شي بروحي - والصراحة حتى الشاي والقهوة مالتهم مب شي فعشان جذي خالتي راحت من العصر ومعاها كراتين الشاي والزعفران والماءورد والقهوة وهي سوتهم- الشاي يحطون لج في الدلة كيسين فقط!!! كأنه ماي وسكر اذا تشربينه...

طبعا الأكل انا سويته بوفيه بروحي مب من عندهم- وكانت ليلة عادية مش ليلة إجارة لأن اذا ليلة اجازة تكون سعرها 650دينار بدون الأكل وحجزت سكوب من صوبهم وكان سعره 160دينار - عطوني البطاقات من عندهم بس رحت مطبعة كريستال كملت باقي البايانات الإسم والعائلة والتاريخ وسوهم لي 550 بطاقة ب15دينار- لايقصون عليكم يبنات يقولون لكم اذا بدون الأكل مانعطي بطاقات لا ماعليكم عطوني والله

بس حاسبو للمضيفات والله خسارة يوم قامو ينظفون الطاولات المكسرات والحلويات والمعمول حطوهم بالزبالة الله يكرمكم!!! انتبهوا لهم


انا العضوة بحرينية وأفتخر بس صديقتي تفاحة مسلفتني النك نيم مالها بعد ماراحت عضويتي مع خلل المنتدى للأسف

تسلمين عالصور
ان شاء الله انعزم فيها واروح اشوفها عالطبيعة

بصراحة صايرة حلوة الصالة بالتعديلات

عجبني تزينها حسيته بسيط وبنفس الوقت حلو

توسعه الممر عجبتني ما كنت اعرف يصير يوسعونه

موضوع حلو مشكوره خيتو

نايس ..

يسلموو ..

حلوة ماشاء الله

ما شا الله رووعه

يسلمو

روعه جميله جدا عقبال يارب مانشوف فرحك فيها

الصالة زوينة بس السيرفس مالهم مو شي
من سنة اخذناها لخطوبة ولد خالتي
والموظفات ما وزعوا البوفيه على المعازيم عدل
حتى ناس طلعوا ما حصلوا مشروبات واللي ما حصلوا سمبوسة
واللي حطوا لهم ام علي مرتين
كلش مأساااة كان الوضع
وحتى لما بنطلع من الصالة كان الاكل بعده ما شالوه على الرغم من ان كل الناس طلعت وما بقى غير الاهل

ما ادري اذا تعدلوا الحين او لا

اني سويت خطوبتي فيها بس ماطلبت بوفيه لان بوفيهم مو لذاك الزود وماعجبني

احنا سوينه خطوبه اخوي فيها

بس ماكانت جذي

هني وايد احلى من خطوبه اخوي

وثانكس على الصور

حلوة الصالة انا رحت وشفتها وعجبتني واجد مرتبة

تسلمين يالغلا