الله يسلمكم يا خواتي
مشكلتي مشكله في رمضان واهيه بنتي
من زود ما اهيه متعلقه فيني مو مخليتني اسوي شي وكله تبيني اقعد يمها وله اروح مكان متعبتني
ولاني في فتره صيام احاول اني اغاور عنها لانه اكون تعبانه وهى ما شاء الله تاخذ كل طاقتي
واني اقول جذيه لانها حركيه وبسرعه تسوي الحاجه بدون ما احس لها ولاني صايمه ما اقدر اراقبها 24 ساعه اتعب والله
هذا على الرغم من اني ما اسوي فطور بس اللهم حلويات لاني اتفطر جماعه مع اهل زوجي
ولاني اتعب معاه صرت اضربها
صدقوني واني اكتب ليكم قلبي يتقطع على بنتي توني بس راكعتها وقريت قرآن وقمت اصيح لانه بنتي كله على بالي وقسوتي عليها ومعاملتي لها
لاني احاول اني ما اسوي لها شي يضرها بس اعاملها بخشونها يعني اباعدها عن الحاجه الي تسويها بخشونها
ولانه الله يهديها اي شي في غلط تسويه كله صوب الكهربا او تتعلق في الأشياء ،، ومره في بيت الوالده قامت سحبت الشرشف مال المطبخ وكان عليه مواعين واغراض الطباخ والله ستر ما صادها شي
يمكن ابالع بس عن جد تعبت وله ادري شنو الخل
يمكن موضوع مواساه مو اكثر لانه ادري انه يهال وايد جذيه ،، وبصراحه إلي معور قلبي اكثر اني مالي زاغر يهال من يوم يومي واني احب اليهال بس ما احب يتموون عندي فتره طويله والحين بنتي كله معاي وله تبي احد إله آنه
وبعد إلي معور قلبي اني لمن اكون معصبه تقعد تصيح وتطالعني بنظرات تعور قلبي
سامحوني طولت عليكم ،، بس والله حالتي حاله والله يمرر الشهر الكريم على خير
وإذا عندكم اراء وافكار لا تبخلون علي بها يزاكم الله الف خير
بنتي ورمضان
ع
03-09-2008 | 04:39 AM
أ
03-09-2008 | 05:29 AM
اختي اشغليها بألعاب جديده لوتقدرين
حطي لها قناة طيور الجنه
اذا عندك مرجيحه خليها فيها
والله يعينك
حطي لها قناة طيور الجنه
اذا عندك مرجيحه خليها فيها
والله يعينك
ع
03-09-2008 | 02:28 PM
مشكوره اختي ام عزوز على درك لي
عندها كل شي حتى مرجيحه بس ما تبي تضل بروحها ولين انزلها بيت عمي مسرع ويركبونها لانها تصيح وتتملل بسرعه
ووراح اشوف تردد طيور الجنه واخليها لها لاني ما عندي القناه
والله الموفق
عندها كل شي حتى مرجيحه بس ما تبي تضل بروحها ولين انزلها بيت عمي مسرع ويركبونها لانها تصيح وتتملل بسرعه
ووراح اشوف تردد طيور الجنه واخليها لها لاني ما عندي القناه
والله الموفق
t
03-09-2008 | 03:40 PM
ياروحي والله حسستيني ان بنتك رقيقة جداااااا
وجعتيلي قلبي لما قلتي
( لمن اكون معصبه تقعد تصيح وتطالعني بنظرات تعور قلبي)
بنتك متعلقة بيك كتير الباين
وشوفي حاولي لا تظهري عصبيتك ولا تصيحي
لان البنت متعلقة فيك واي شئ تعمليه راح تقلده وراح تعمل اللي تعمليه
وانتي ماتفضلي هذا شئ اكيد
وصراحة الاطفال يتعبو كتير
بس حاولي متل ماقلتلك ام عزوز
تشغليها بالالعاب واشياء تانية انتي ادري
الله يكون في عونك
:21_201::87457:
وجعتيلي قلبي لما قلتي
( لمن اكون معصبه تقعد تصيح وتطالعني بنظرات تعور قلبي)
بنتك متعلقة بيك كتير الباين
وشوفي حاولي لا تظهري عصبيتك ولا تصيحي
لان البنت متعلقة فيك واي شئ تعمليه راح تقلده وراح تعمل اللي تعمليه
وانتي ماتفضلي هذا شئ اكيد
وصراحة الاطفال يتعبو كتير
بس حاولي متل ماقلتلك ام عزوز
تشغليها بالالعاب واشياء تانية انتي ادري
الله يكون في عونك
:21_201::87457:
B
03-09-2008 | 04:59 PM
هي كم عمرها 8 شهور ؟؟حرام تصارخين عليها وتعاملينها بقسوة في هالسن شي طبيعي تتعلق فيك كثيير لانها توها تتفهم الحين للاشخاص واكييد بتتعلق فيك لانك مصدر امان بالنسبة لها
انا ولدي في عمرها الحين لصقة فيني لكن حاولت اني اشغله لكن وهو جالس جنبي مثلا لما اكون في المطبخ اجلسه على الارض (مستحيل يجلس في كرسي الا طفال يصيح )واحط له صحنين خفيفين وملعقة صغيرة واخليه يلعب
جلسيها في مشاية الاطفال حتى لو مابغتها في البداية كلميها ولاعبيها وهي جالسة فيها وشوي شوي بتتعود
واصلا اذا سويتين لها جذيه راح تزيد لك اخذيها بالهداوة
وعلى الكهربا والاشياء اللي ماتصلح لها اصرفي انتباهها لشي ثاني على طول صدقيني جربي وانتي اللي بتحسين بالفرق والله يهديها ويخليها لك
انا ولدي في عمرها الحين لصقة فيني لكن حاولت اني اشغله لكن وهو جالس جنبي مثلا لما اكون في المطبخ اجلسه على الارض (مستحيل يجلس في كرسي الا طفال يصيح )واحط له صحنين خفيفين وملعقة صغيرة واخليه يلعب
جلسيها في مشاية الاطفال حتى لو مابغتها في البداية كلميها ولاعبيها وهي جالسة فيها وشوي شوي بتتعود
واصلا اذا سويتين لها جذيه راح تزيد لك اخذيها بالهداوة
وعلى الكهربا والاشياء اللي ماتصلح لها اصرفي انتباهها لشي ثاني على طول صدقيني جربي وانتي اللي بتحسين بالفرق والله يهديها ويخليها لك
U
03-09-2008 | 05:12 PM
الحال من بعضه أني بعد بنتي ما تبي تقعد بروحها أبد لازم تبيني معاها علشان شذي ما أقدر اسوي معاها شي لما أحط لها ألعاب ما تلعب إلا إذا تأكدت أني بقعد معاها أما لما أكون واقفة عيونها تكون علي أو من أطلع تبكي لكن مالنا إلا الصبر أحاول إني ما أعصب عليها لأنها صغيرة عمرها تسعة أشهر يعني ما تفهم شي غير انها تبي ماما صح أحيانا تعصبني لكن أمسك روحي وأطلب من ربي أن يصبرني على تربيتها أو دايما أحط في بالي إني لما كنت في مثل عمرها سويت مثلها حق أمي لمل تعمل شي خلط مثل تبي تمسك المكواة أو الكهرباء أقول لها لا هي تفهم معنى الكلمة أوتتراجع وترد تحاول تمسكه أوقول لها مرة ثانية لا عد تسوي الحركة ألف مرة لما أقول لها لا تتراجع أو لما أسكت تحاول تمسكه أو من كثر ما أقول لها لا ألحين هي من أقول لها لا تقول لي لا يعني حفظت الكلمة
ر
03-09-2008 | 08:55 PM
الله يهديها ويبارك لك فيها ان شاء الله
ما اللك الا الصبرررررررررررر والصبررررررر
بنتي نفس الشي لمن تشوفي بحاول ادخل المطبخ شوفي انواع الصياح والتحجج
عندها مرة تسوي حالها عطشانه ومرة جوعانه وعلى هالحال لين اطلع من المطبخ
بس تبيني اقابلها ليل ونهار..تعودت وعودت حالي عليهااااا لكن ما اضربهااا مستحيل
خليش حنونه عليها عشان بعدين تحن قلبها عليش وتحبش ..
بعدين هذا التصرف يسمونه التعلق الا ارادي للطفل باقرب شخص اله مكانه
عظيمه بقلبه يعتبرة عالمه الحنون ..
ما اللك الا الصبرررررررررررر والصبررررررر
بنتي نفس الشي لمن تشوفي بحاول ادخل المطبخ شوفي انواع الصياح والتحجج
عندها مرة تسوي حالها عطشانه ومرة جوعانه وعلى هالحال لين اطلع من المطبخ
بس تبيني اقابلها ليل ونهار..تعودت وعودت حالي عليهااااا لكن ما اضربهااا مستحيل
خليش حنونه عليها عشان بعدين تحن قلبها عليش وتحبش ..
بعدين هذا التصرف يسمونه التعلق الا ارادي للطفل باقرب شخص اله مكانه
عظيمه بقلبه يعتبرة عالمه الحنون ..
ع
05-09-2008 | 02:15 PM
شكرا خواتي ما قصرتون في الردود والله يعطيكم الف عافيه
والله اني حاولت مرات عديده حتى مع القاري اني اخليها فيها بس ما ترضى وتقعد تصيح للين ما قلبي يعورني عليها واشيلها ،،، حتى لمن اخلي لها شي تلعب فيه في المطبخ تتحرك للين ما تجي صوب رجلي في المطبخ وتقعد خلاص يعني صوب المغسله او الفرن والمكانين خطرين عليها
والمضحك في الأمر انها تصبر علي للين ما اكمل تقعد ،، بس لين بطيت عليها تحاول توقف واهيه مجودتني يعني تعالي اخذيني وما اقدر اكمل شغلتي فأخذها وله اسوي شي
الله يساعدني
والله اني حاولت مرات عديده حتى مع القاري اني اخليها فيها بس ما ترضى وتقعد تصيح للين ما قلبي يعورني عليها واشيلها ،،، حتى لمن اخلي لها شي تلعب فيه في المطبخ تتحرك للين ما تجي صوب رجلي في المطبخ وتقعد خلاص يعني صوب المغسله او الفرن والمكانين خطرين عليها
والمضحك في الأمر انها تصبر علي للين ما اكمل تقعد ،، بس لين بطيت عليها تحاول توقف واهيه مجودتني يعني تعالي اخذيني وما اقدر اكمل شغلتي فأخذها وله اسوي شي
الله يساعدني
م
05-09-2008 | 03:58 PM
الله يعينش خيوو
كلهم جدي
كلهم جدي
ر
05-09-2008 | 04:15 PM
اختي تصرفات بنتك مثل الجهال لكن الوحده اذا صايمه وشغل البيت والطبخ وعندها اكثر من شيء
وعباده يصير مخها مشوش واقل شيء يعصبها
علشان كده انتي تعصبي عليها
وعباده يصير مخها مشوش واقل شيء يعصبها
علشان كده انتي تعصبي عليها
ع
05-09-2008 | 08:52 PM
حرام عليج عنوني
يعني انت وين تبينها تروح؟؟؟؟ اكيد عندج
مثل ما كنتي انت لما صغيرة عند امج
شنو بيكون احساسج لو امج هي اللي قالت هالكلام اللي قلتيه؟؟ او تعاملت وياج بنفس الطريقة اللي تتعاملين فيها مع البنت؟؟
حرام يا عنوني هذولا امانة
انا بنتي على طول معاي ما تهدني الا اذا شافت ابوها بيطلع ساعتها بس ما تبيني
حتى اذا اسبح تكون وياي في الحمام
شنسوي؟؟
فترة وبتعدي وبيكبرون
استحمليها شوي
عورتي قلبي عليها
يعني انت وين تبينها تروح؟؟؟؟ اكيد عندج
مثل ما كنتي انت لما صغيرة عند امج
شنو بيكون احساسج لو امج هي اللي قالت هالكلام اللي قلتيه؟؟ او تعاملت وياج بنفس الطريقة اللي تتعاملين فيها مع البنت؟؟
حرام يا عنوني هذولا امانة
انا بنتي على طول معاي ما تهدني الا اذا شافت ابوها بيطلع ساعتها بس ما تبيني
حتى اذا اسبح تكون وياي في الحمام
شنسوي؟؟
فترة وبتعدي وبيكبرون
استحمليها شوي
عورتي قلبي عليها
ع
06-09-2008 | 12:48 AM
مشكوره ام شجاع على مرورك وردك
ادري اختي اني بعد اقعد اصيح لمن ترقد واتضايق من نفسي على اني وايد اقسى عليها لدرجه اني مره من زود ما تضايقت من نفسي صارت مشكله بيني وبين زوجي
بس شنو اسوي اتعب والله
ومشكلتي اني وايد اهتم لكلام غيري يعني لازم اسوي شي مع الفطور حق بيت عمي بس ما يمديني وهذا كله على حساب وقتي مع بتول
على الرغم من انها زياده عن اللزوم في لزقتها فيني وهذا بعد شي طبيعي في بعض الأطفال
وبيني وبينك لو سويت مثل ما تبيني بنتي ما صارت حاجه في الشقه ،، وزوجي والشقه بعد مسؤوليات عليه
وعن دخول الحمام صعبه شويه ،، زوجي ما يرضى اني ابدل جدامها يقول الياهل يتعلم فما بالك بعد ادخلها معاي الحمام
ادري اختي اني بعد اقعد اصيح لمن ترقد واتضايق من نفسي على اني وايد اقسى عليها لدرجه اني مره من زود ما تضايقت من نفسي صارت مشكله بيني وبين زوجي
بس شنو اسوي اتعب والله
ومشكلتي اني وايد اهتم لكلام غيري يعني لازم اسوي شي مع الفطور حق بيت عمي بس ما يمديني وهذا كله على حساب وقتي مع بتول
على الرغم من انها زياده عن اللزوم في لزقتها فيني وهذا بعد شي طبيعي في بعض الأطفال
وبيني وبينك لو سويت مثل ما تبيني بنتي ما صارت حاجه في الشقه ،، وزوجي والشقه بعد مسؤوليات عليه
وعن دخول الحمام صعبه شويه ،، زوجي ما يرضى اني ابدل جدامها يقول الياهل يتعلم فما بالك بعد ادخلها معاي الحمام
ع
07-09-2008 | 12:08 AM
صدقيني مو لازقة فيج زيادة
بالعكس بنتج كللللللللللللللللللللللش عادية
وانا عكسج على فكرة وايد اعصب على زوجي اذا سوى لها حركة تضايقها او عصب عليها
مثل اليوم على الفطور طيحت الكولا مالي على الزولية ولعوت المكان وما اسمع الا صرخة زوجي عبالج طرزان
وعلى طول هديت فيه
يقول جزاي خايف على فطورج قلت له خلها تسوي اللي تسويه والا تصرخ عليها بهالطريقة ليش ناوي توقف قلبها
انا اعصب عليها ما اقول لج لا بس مو لدرجة اخليها تصيح مني
لا والله حزتها انسى الدنيا كلها واراضيها
والمشكلة عصبيتي اطلعها على زوجي مو عليها
بالعكس بنتج كللللللللللللللللللللللش عادية
وانا عكسج على فكرة وايد اعصب على زوجي اذا سوى لها حركة تضايقها او عصب عليها
مثل اليوم على الفطور طيحت الكولا مالي على الزولية ولعوت المكان وما اسمع الا صرخة زوجي عبالج طرزان
وعلى طول هديت فيه
يقول جزاي خايف على فطورج قلت له خلها تسوي اللي تسويه والا تصرخ عليها بهالطريقة ليش ناوي توقف قلبها
انا اعصب عليها ما اقول لج لا بس مو لدرجة اخليها تصيح مني
لا والله حزتها انسى الدنيا كلها واراضيها
والمشكلة عصبيتي اطلعها على زوجي مو عليها
م
07-09-2008 | 02:57 AM
الله يعينج اختي
على فكرة بنتي كان طبعها نفس بنتج بالضبط وكنت اتعب منها وصرت عصبية وكل اعصب عليها بس بعدين والحمد لله صارت تروح للناس لاني قمت اطلع بها كثير واخليها تسلم على الناس وتلعب ويا الاطفال الثانيين عشان جدي تعودت
تصدقين الحين ساعات اطلع عنها بالساعات وهي ولا تحس فيني طلعت او لا لانها تعودت تقعد مع غيري
خيو هذي الفترة اللي بسن بنتج طبيعي انها تكون متعلقة بج وادري انها متعلقة فيج زيادة على اللزوم بس اتحملي وحاولي تطلعين بيها وتقعدين ويا ناس اغراب عليها عشان تتعود ان تلعب مع اطفال ثانية وان شاء الله بتتغير
والله يساعدج على الفترة ان شا ء الله بتعدي بسرعة
على فكرة بنتي كان طبعها نفس بنتج بالضبط وكنت اتعب منها وصرت عصبية وكل اعصب عليها بس بعدين والحمد لله صارت تروح للناس لاني قمت اطلع بها كثير واخليها تسلم على الناس وتلعب ويا الاطفال الثانيين عشان جدي تعودت
تصدقين الحين ساعات اطلع عنها بالساعات وهي ولا تحس فيني طلعت او لا لانها تعودت تقعد مع غيري
خيو هذي الفترة اللي بسن بنتج طبيعي انها تكون متعلقة بج وادري انها متعلقة فيج زيادة على اللزوم بس اتحملي وحاولي تطلعين بيها وتقعدين ويا ناس اغراب عليها عشان تتعود ان تلعب مع اطفال ثانية وان شاء الله بتتغير
والله يساعدج على الفترة ان شا ء الله بتعدي بسرعة
ن
07-09-2008 | 04:56 AM
اختي الله يعينك 10873 هذا تردد طيور الجنه تراها مفيده وممتعه مرررررررررررره الله يحفظلك بنتك وتشوفيها عروس وتنسي هذا التعب كله
ن
07-09-2008 | 04:57 AM
اختي الله يعينك 10873 هذا تردد طيور الجنه تراها مفيده وممتعه مرررررررررررره الله يحفظلك بنتك وتشوفيها عروس وتنسي هذا التعب كله
&
07-09-2008 | 07:35 PM
حبيبتي اشغليها بالاناشيد حتى لو باشرطة افضل عشان النظر مو زين تقابل التلفزيون
ومو شرط تطبخين شي عالفطور هم ادرى بحالتج وعندج بيبي بنت 8 اشهر يعني صعبة وايد
خلي ريلج يبين لهم ان بنتج ما تخليج تسوين شي واكيد بيعذورج اذا هم شوي وما يتحلمون لازم بعد يتعاونو معاك
ومو شرط تطبخين شي عالفطور هم ادرى بحالتج وعندج بيبي بنت 8 اشهر يعني صعبة وايد
خلي ريلج يبين لهم ان بنتج ما تخليج تسوين شي واكيد بيعذورج اذا هم شوي وما يتحلمون لازم بعد يتعاونو معاك
s
07-09-2008 | 07:48 PM
حبيبتي الله يعينج:
انا تعرفين شو اسوي؟؟
ولدي الكبير يروح الروضة الصبح
اقوم العيال كلهم
نروح نتحوط بالسيارة ان شاء الله نروح مكان بعيد وبالساعات عادي عندي مب مشكلة، واحد قاعد بكرسي السيارة والثاني بعد معاه ويطالعون بهدوء بارني او تيلي تبيز او اي شئ كرتوني ،ونشتري لهم حلالالالاوة
نرجع البيت<< لما ولدي يرجع من الروضة
يكونو كللللللللللللللللهم تعباننين
اغديهم ويناموووووووون مع ابوهم
بها الفترة اعرف ان نومهم بيطول
أروح مطبخي واسوي لي الفطور اللي مقرره اسويه، احيانا ولدي الصغير يقوم
ادخله بالمشاية والبسه دلاغات واخليه يلعب بالحووووووووووش لين يبكي بروحه اعرف انه يبي يطلع
اكون خلال هالفترة مخلصه فطوري بالكامل
اروح آخذ شور، وعقب أقومهم من النوم
الام لازم تحصل لها حل علشان ما تتضايق من عيالها
صدقيني اكيد كلنا نفس حالتج بس كل وحدة تدور حل لها حسب حالتها وظروفها بالبيت
انا ارتحت وايد من دش ولدي الروضة ، حتى ولدي الاصغر منه بشوي صار متغير، بس ولدي الصغير بو 11 شهر، ما شاء الله توه فاقس من البيضة ، يبدي يبي يكسر ويلعب ويستكشف، فوالله اخليه براحتهـ/ لآ، هذا وقته باللعب
الله يعينج حبيبتي
حبيت اخبرج تجربتي
وان شاء الله نرتاح جميعا
انا تعرفين شو اسوي؟؟
ولدي الكبير يروح الروضة الصبح
اقوم العيال كلهم
نروح نتحوط بالسيارة ان شاء الله نروح مكان بعيد وبالساعات عادي عندي مب مشكلة، واحد قاعد بكرسي السيارة والثاني بعد معاه ويطالعون بهدوء بارني او تيلي تبيز او اي شئ كرتوني ،ونشتري لهم حلالالالاوة
نرجع البيت<< لما ولدي يرجع من الروضة
يكونو كللللللللللللللللهم تعباننين
اغديهم ويناموووووووون مع ابوهم
بها الفترة اعرف ان نومهم بيطول
أروح مطبخي واسوي لي الفطور اللي مقرره اسويه، احيانا ولدي الصغير يقوم
ادخله بالمشاية والبسه دلاغات واخليه يلعب بالحووووووووووش لين يبكي بروحه اعرف انه يبي يطلع
اكون خلال هالفترة مخلصه فطوري بالكامل
اروح آخذ شور، وعقب أقومهم من النوم
الام لازم تحصل لها حل علشان ما تتضايق من عيالها
صدقيني اكيد كلنا نفس حالتج بس كل وحدة تدور حل لها حسب حالتها وظروفها بالبيت
انا ارتحت وايد من دش ولدي الروضة ، حتى ولدي الاصغر منه بشوي صار متغير، بس ولدي الصغير بو 11 شهر، ما شاء الله توه فاقس من البيضة ، يبدي يبي يكسر ويلعب ويستكشف، فوالله اخليه براحتهـ/ لآ، هذا وقته باللعب
الله يعينج حبيبتي
حبيت اخبرج تجربتي
وان شاء الله نرتاح جميعا
ع
07-09-2008 | 11:06 PM
زين عنوني بنتج اكيد تنام غفوتين في النهار لانهم بهذا السن لازم ينامون مرتين فوقت نومها طبخي براحتج
لا تقولين لي من تنام تنامين وياها
ولا تقولين ما تنام لانها اذا ما نامت بتصير لج حدها عصبية
لا تقولين لي من تنام تنامين وياها
ولا تقولين ما تنام لانها اذا ما نامت بتصير لج حدها عصبية
*
08-09-2008 | 10:42 AM
انا حبيبتي عندي راي آخر من راي البنات ... طبيعة الاطفال في هذه السن الاستكشاف والتعرف على كل شي مو بس الالعاب ... وهذا ينمي من قدراتها العقلية والفكرية ... وانتي تريدي تمنعيها من هذا الشي ...
يعني اعطيك مثل تخيلي نفسك في غرفة في بيت يعطوك في كل يوم نفس الالعاب ما باتملي ... هذا حال بنتك ...
بنتك تريد تستمتع بحياتها وتريد تلعب وتستكشف ليش ما تخليها ... الاطفال يحبو يرسمو في الحيط واحنا ما نريدهم يرسمو في الحيط علشان ما يتخرب منظر البيت هذا خطأ .... بهذا الشكل انا قاعدة احرم ابني من اشياء هو يحبها علشان اشياء تافه وهبلة وهي المظاهر ...
يعني انا في بيتي رفعت كل شي قابل للكسر وعملت اقفال امان للكهرباء ورفعت اي شي ممكن يأذي ابني .. وعملت مغالق للحمامات والمطبخ .. وتركت البيت كله مساحات واسعة وخالية علشان يستمتع .. والصقت ورق جدار في البيت بحيث انه ما تتأثر بوهية الجدار وخليت ابني يشخبط في الحيط براحته .. او حتى في غرفته بس ممكن الصق ورق الجدار وافهمه الشخبطة بس في جدار غرفتك ... واخلي يرسم ويلعب مثل ما هو يريد
صحيح اني خربت مظهر بيتي .. بس لا بأس بكرة عيالي يكبروا وارجع انسقه وارتبه ... بس اهم شي اني اخلي ابني يستمتع ويعيش حياته ويتعلم ...
يعني اعطيك مثل تخيلي نفسك في غرفة في بيت يعطوك في كل يوم نفس الالعاب ما باتملي ... هذا حال بنتك ...
بنتك تريد تستمتع بحياتها وتريد تلعب وتستكشف ليش ما تخليها ... الاطفال يحبو يرسمو في الحيط واحنا ما نريدهم يرسمو في الحيط علشان ما يتخرب منظر البيت هذا خطأ .... بهذا الشكل انا قاعدة احرم ابني من اشياء هو يحبها علشان اشياء تافه وهبلة وهي المظاهر ...
يعني انا في بيتي رفعت كل شي قابل للكسر وعملت اقفال امان للكهرباء ورفعت اي شي ممكن يأذي ابني .. وعملت مغالق للحمامات والمطبخ .. وتركت البيت كله مساحات واسعة وخالية علشان يستمتع .. والصقت ورق جدار في البيت بحيث انه ما تتأثر بوهية الجدار وخليت ابني يشخبط في الحيط براحته .. او حتى في غرفته بس ممكن الصق ورق الجدار وافهمه الشخبطة بس في جدار غرفتك ... واخلي يرسم ويلعب مثل ما هو يريد
صحيح اني خربت مظهر بيتي .. بس لا بأس بكرة عيالي يكبروا وارجع انسقه وارتبه ... بس اهم شي اني اخلي ابني يستمتع ويعيش حياته ويتعلم ...