مو قادره اتحمل الصيام

هذا لانج توج تصومين بعد كم يوم يتعود جسمك

واهم شي اكلي في الليل زين

وأخيرا شفناج يالغلا والله مساعة كنت أسأل عنج >>>> ما عليج شر حبيبتي

هذا الشي طبيعي وانا نفسج احس ما فيني باور احس بدوخات خفيفة العصر من اليوع

حاولي انج ما تسوين شي عشان الم ظهرج وشوفي دكتورتج اتصلي فيها وشوفي بشنو تنصح هل تصومين او لا ؟؟؟ وتعوضينهم بعدين >>>>>

إختي بسألج ما تنسيتي في شي ؟؟؟؟؟؟

لان انا متنسية في الماي ما اشتهيه احس فيه طعم المعدن والمرارة >>>ومتنسية على عطر من عطور ريلي مع اني انا ماخذته له في عيد ميلاده >>أكره ريحته ؟؟؟؟

مرايم السعوديه ..
ان شاء الله يكون بس في البدايه و اتعود عقب كم يوم
لان صعب ما اصوم ما يهون علي ما اصوم شهر الخير
حسافه اترك الصيام

نياز ..
و الله للحين ما تنسيت على شي
بس البارحه لاحظت ان طعم الماي متغير شوي صاير مالح و سالت زوجي ما تحس ان الماي متغير قال لي لا عادي مثل كل يوم
و اذا اجوع احس بلوعه
ابغي بسرعه تطلع الاعراض لان هذا يدل على حمل سليم
حملي اول مره ما كان باعراض و بعدين اكتشفت ان الجنيين مافيه نبض
و خايفه و الله هالمره على جنيني الله يحفظه و يحفظ اجنة كل البنات

ان شاء الله خير حبيبتي لا تحاتين ولا تخلين هالافكار في بالج وخلي كل اهتمامج هي هذا الحمل وانسي الاوليين >>>>>>وربي يثبت حملج وحملي وجميع البنات يارب >>>> ونولد انا وانتي بيوم واحد

الله يسمع منش يا نياز الله بثبت حمل كل البنات


ااااااااااااخ و الله تعبانه حتى الصلاه تتعبني اذا اوقف اصلي راسي يدور

اليوم بتصل حق الدكتورة بسالها انا مو خايفه على نفسي بس خايفه ان هذا ياثر على الجنيين

بس سؤال ثاني : الجنيين في هذا الشهر يتغدى على شنو ؟

انا عن نفسي مادري خيو علمي علمج ههههههههههه بنتظر ردود الاخوات عشان اعرف

ومثل ما قلت لج لا تفكرين وايد >>>> ووكلي امرج لله
تدرين انا ساعات اقول حق زوجي احس اني مو حامل >>>>لاني ساعات كلش ما أحس اني حامل >>>>> ما بصدق إلا لين رحت للدكتورة >>>> مادري يمكن لان هذا اول حمل لي ومتخرعة وللحين مو مستوعبة

ومثل ما قالت اختي مرايم السعودية حاولي انج تاكلين زين بالليل الفطرو وحاولي تأخرين السحور شوي بعد

الفطـــور

ذكررررررتيني...

العام كنت في الشهر الثالث...


وكنت بامووووووووووووت من اللوعه ...

حملي كان صعب جدا جدا جداااااا....



ماكنت اقدر اتحرك ودايما راسي يعورني ولايعه جبدي....


كنت ارجع في اليوم 4 او 5 مرااات حتى لو بطني فااضي..


مره قمت باسوي حلا وتوني مبديه فيها واتعب عددددل الى اميتقول قومي برررره وهي اللي كملتها...


ولما يجي الفطور اكل تمر واشرب الوربه بسسسسسسسسسس...

والى السحور اقدر اكل لي كم حاجه خفيفه....

ومره حسيت انه شهيتي مفتوحه على الفطور واكلت زين وشوي الى على طول على الحمام وارجع كل اللي في بطني...


واخر اسبوع في رمضان حسيت اني اشوىىى

وفي رمضان نزل وزني 6كيالووووو

الله يعين اللي تتنسا في رمضاااااااااااااان

الحمدالله انا الحين بنهاية الثامن والصوم اريح لي

وانتي حاولي انج تاكلين عدل في السحور واشغلي نفسج بأي شي عشان ماتفكرين بالتعب

واجر وعااااااااااااااااااااااافيه انشالله

طيب حاولي تنامين فترة النهاااار ,, واصحي ااخر اليوم يمكن اريح لك .... !! :)

ياحبيبتي الله يعينك ويعنيني ويعين البنات كلهم

انا زيك بس قالولي دايما اطبخ من بالليل لاني بس اشم ريحة بصل او ثوم او لحم او دجاج او سمك او.........................

احس بتعب رهييييييييييييييييييييب
الحمد لله على كل حال والله يعدي هالفترة على خير ويفرحنا بعيالنا يارب

شوفي يا اختي انتي انوي الصيام عادي يعني بس لو تعبتي الصباح افطري عندك رخصة من ربك

ونصيحة انك على السحور تاكلي كربوهيدرات ثلاثية مثل الشوفان باي طريقة وكلي عسل مع زبادي مثلا حتى لو مو مشتهية لازم تاكلي عشان الجنين وكلي كاسة تمر مع حليب كل هذي الحاجات مفيدة


والله يعينك ويعيني ويعين البنات

والله الحال من بعضة وزيادة ع هذا انا ادرس في الكلية والحركة زيادة الله يكون في عونه وكل شي باجرة يارب


انتي دقي ع الدكتورة شوفي بشو تنصحج؟؟؟

أختي لابد تكلمي دكتورتك تسأليها عن الصيام

ولا تشعري بالحسرة على عدم الصوم إن نصحتك بهذا لأن طفلك أمانة عندك، وربنا سيحاسبك إن قصرت في تغذيته ورعايته لأنه لا مصدر له للغذاء غيرك

أنا دكتورتي قالت لي صراحة لا صيام للحوامل هذا العام، اليوم طويل أكثر من 12 ساعة والمفروض الحامل ما تقعد أكثر من 12 ساعة بدون أكل هذا غير درجة الحرارة المرتفعة والحامل ممنوع تعطش

وعندك رخصة من الله فلم تعذبين نفسك وتعذبين البيبي معك؟؟

اسألي الدكتورة وإن نصحتك بالإفطار فاسمعي كلامها ولك الأجر عند الله لأنك تفعلين هذا صيانة للأمانة التي أعطاك الله

يسر الله لك الخير ورعاك وأتم لك حملك على خير

كثري من السبانخ والفاصوليا تراهم مفيدين للجنين

مرحبا خواتي ...
مشكورين على ردودكم
و الله اني محتاره و الدكتورة في شهر رمضان تفتح بس بالليل و ما عندي رقمها الخاص و رقم العياده البارحه ما ترد السكرتيره بجرب اليوم بعد اتصل

التعب واصل حده ما اصدق ياذن اول اكل على السريع كاني مفجوعه على الاكل بعدين اصلي و ارجع اكمل الفطور على راحتي
و الجوع يسبب لي لوعه و دوخه راس و غير الصداع طول اليوم

الله يحفظ جنيني نفسيا تعبانه بين نارين

اليوم اذا ما ردت الدكتورة بروح لها العياده ادعو لي الله يثبت حملي و حملكم يارب

أختي أنا نفسج بالضبط حتى دوام ما أداوم والله لاعت جبدي وتمللت بس انتظر فترة الوحم تعدي
الله يهون علي وعليج وكل وحدة تتوحم والله الولادة أسهل من الوحم على الأقل الولادة يوم والثاني الا انتي والدة أما الوحم 4-5 شهور بصراحة موت
الله يعيينا

الله يعينج حبيبتي ويثبت حملج

وانا سمعت ان الحامل لها الحق انها تفطر سبحانك يارب راحمنا اللهم لك الحمد

هلا اختي انا زي اغلبكم ...
حامل في شهري الثالث تقريبا ..
والتعب ودوخة الراس ..ساعات احس نفسي مو قادرة اخذ نفس ..من الدوخة والعطش..
ولا الصلاة ماااقدر اوقف احس روحي احيانا بطيح ...الله يعين بس وكل شئ باجرة...