أحلفكم بالله ايش العمل ؟؟؟؟؟؟؟؟؟؟

حبيبتى اهم شي انك توكونى ناعمه لاتبالغي بالبسك يعنى بالماسبات العاديه البسي طقم ناعم او دراعه حلووه
وبالزواجت البسي فتاسين حلوووه
بس اهم شي لاتبالغين بعدين ماتطلعين حلوه يعنى اهم شي تكونين مرتبه وتلبسين على حسب المناااسبه

اتمنى اكون افديك

أشكرك جداّ على الرد , بس اللي أقصده هو الزواره
يعني إذا إنعزمت عند أهله وش اللي ألبسه , وش أفضل فستان أو تايير أو شيء ثاني

حرام والله عليكم يابنات كذا الفزعة لأخت لكم محتاجة مساعدتكم 19 واحدة قرت الموضوع ولا رد إلا واحدة , حطوا نفسكم في مكاني , على العموم الله كريم وجزاكم الله خير .............

السلام عليكم
اهلين اختيhozam
انا من الرياض والمتعارف عليه عندنا ان الوحده اول ما تتزوج يعني تكشخ
مثلا ثاني يوم من الزواج لما تروح للحموله تلبس فستان كشخه وتلبس
طقم الصباحه او الشبكه ونفس الشي اذا بتروحين لخواله اوعمانه والمره الثانيه والثالثه وبعدين تبدين تلبسين تايورات حلوه وطقوم خفيفه واذا فيه زواره تلبسين افخم لبس عندك وتلبسين طقم الصباحه اوالشبكه وشعرك ومكياجك تصلحينه عند الكوافير فاهمتني
وشدي حيلك والله يوفقك
اختك بنوووودي

اهم شي عزيزتى انك تكونين كشخه يعنى البس على ريحت العطر على المكياااج يعنى كله يكمل بعضه
اما اذا وش تلبسين البسي احسن شي عندك

وانا كنت ساكنه الرياض واتفق مع بنودي

هلا اختي الله يوفقك ويسعدك
انا من الرياض
الي نعرفه بعد ماترجع العروس من السفر يسوون الزياره
العروس لازم يكون شكلها مميزززز مررره
ماعليكي من لبس الناس اذا ناعم وبسيط
انتي العروس لازم تلبسين شي فخمممم مررررره
وتسريحتك ومكياجك عند الكوافير
لايغرك اذا اخوات العريس لبسهم عادى المهم انتي
والحفلات الثانيه بعد الي تسوى عشانك لازم تكونين اشيك وحده
وبعدين تصيرين تلبسين لبس هادي
وعن الجلابيات عن معارفنا مانلبسها كثير ماعمري شفت عروس لابستها
بس ماادري عن الناس
الله يوووووووووووفقك ويسهل عليك دربك
وأي اسئله ثانيه انا في الخدمه
اختك : رشة

انا انصحج تلبسين كنادير فيها شغل بس خفيف ..

يعني فصلي فستان رااااااااااقي ... وفيه اشويه فصوص ... تلمع .. والبسيه حق العزايم ..

او البسي تنورة وقميص ونفس الشي فيهم شغل ... فصوص وكرستال ... والله كشخة

:)

أشكركم خواتي لاعدمتكم إنشاء الله , بس ودي أسألك أختي بنوووودي كم فستان أسوي ولكي جزيل الشكر والعرفان لكم جميعاّ ..

الأخت hozam بالنسبة للبس وخاصة الزواره او التحوال او الضيفه وهي عباره عن عزايم كبيره ينادى فيها القاصي والداني وتكون على شرفالعروس(تلبس العروس أحسن ما عندها ويكون يا فستان العرس أو يكون فستان فخم مع الطقم(الماس -عادة) والمكياج والكوافير عند الصالون0

وبالنسبه للمناسبات المختصره وتكون العروس هي المعزومة تلبس ايضا لبس فخم يميزها عن الغير وايضا نفس الشيء تسويه في المناسبه الكبيره من كوافير وغيره0


يعني بالمختصر المفيد احنا ما نعترف بالجلابيات في المناسبات حتى ولو كانت فخمه احنا نلبسها في النفاس -الطلعات الخفيفه0



وايضا العروس في الأشهر الأولى من زواجها لازم تطلع كشخه من-الى0(لأن العيون كلها عليها)


بالنبه للزيارات العائليه فلا تتنازلين عن التيورات مع لوازمه0


مع مرور الوقت ممكن ان تلبسين البلايز والتنانير 0



وبالنسبة للملابس السهره فترجع الى حجم العائله(كل ما كبرت الحموله زادت المناسبات والعكس صحيح)

يعني شوفي حجم حمولتك وعليه تقررين0 تحياتي لك0

الغاليه بنصحج من ناحية المكياج.. خلي مكياجك مره خفيف وطبيعي في النهار.. وفي الليل ووقت السهره خليه مناسب لللبس الي بتلبسينه ولا تكثرين منه لانج اذا كثرتي منه يخفي ملامح وجهج الطبيعي.. وخليج عاديه وطبيعيه ولا ترتبيك لانج اذا ارتبكتي بتخربين كل شي وبيبين عليج انج تعبانه ومرهقه.. خليكي عاااااااااديه وواثقه من نفسج.. واهم شي ان كل شي يكون نظيف ومرتب.. وان شاء الله تطلعين عروس وقمر يا رب والكل بيرتاح لج :shy:

فصلي تقريباً 5 فساتين

وواحد منهم خليه فخم مرررره للزواره اللي هي يسوونها في إستراحه أو قاعة بمناسبة زواجها .. وهي تكون أول مره تطلع فيها العروس بعد زواجها ..

وباقي الفساتين تكون تصلح لمناسبات كبيرة شوي و تلبسينها في باقي العزايم ..

و الباقي عليك .. عاد .. تايورات فخمه و حلوه .. و لا تلبسين تنانير و بلايز عادية إلا بعد سنه و أكثر .. إذا تبين الكشخه و المتعارف عليه ..

و بالنسبه للمكياج لازم يكون مكياج عرايس لأنك عروس وجديده ..

والشعر .. كل يوم خليه بشكل جديد ولا تربطينه .. مره استشوريه و مره لففيه ومره جعديه و مره حركات .. يعني زي ما انتي حابه ..

أختك :
:shy: بنوووودي :shy:

أشكركم كلكممممممممممممم على الفزعة وماهي غريبة عليكم .
بس بثقل عليكم شوي ياليت المتزوجات يعطونا من خبرتهم علشان الكل يستفيد لأني قريت مرة عن اللي سوته الغروس وندمت عليه وكان رد البعض انهم ندموا انهم فصلوا فساتين كثيرة , تكفون الرد بسرعة ماباقي عندي وقت .............