انا اخون خطيبي ..ساعدوني

بسم الله الرحمن الرحيم
السلام عليكم
كيفكم يابنات عروس؟
مبارك عليكم الشهر ..

بنات انا اتابعكم من سنة تقريبا
وترددت اني اكتب مشكلتي
لكن اليوم قررت اضع حد لمشكلتي وبما ان شهر رمضان جا
اتمنى تتابعوني وتقرن للنهاية

خواتي ..
اول بعرفكم بنفسي
اسمي ..مرام
عمري 21 سنة
مخطوبة (لكن لسه ماعقدنا ) وزواجي تقربا بعد سنة

بنات ابكتب مشكلتي للعلم اني فعلا ابغا حل واتمنى ماالقى انتقادات
وربي اني تعباااااااااااااااااااااااااااااااااانة نفسيا

قصتي تبدأ من وانا صغيرة
كان عمري 5 سنوات تقريبا
كنت مررررة حلوة احلى بنت بالعايلة في نظر الكل ..كان عندنا عامل هندي بالمزرعة حقتنا
حقير كان كل يوم ياخذني لغرفته ويطفي الانوار ويشغل نور ضعيف ويشلح ثيابه ويجلس يلمس فيني ويسوي اشيا ويخليني اشوف اشيا وانا كنت صغيرة ماادري بشي وكان الحيوان الحقير يضحك
>>والله احس موقادرة اكتب
بتقولون وين اهلك ..كان ابوي ياخذني انا لوحدي ..مابعد عندي اخوان انا البكر وكانت امي ماتروح معنا للمزرعة
وابوي يحسبني العب مع بنات عمي الصغار
لكن الحقير العامل ياخذني ويرجعني بسرعة ومحد يلاحظ

لما كبرت دايم تجي على بالي اللحظات اللي ياخذني للغرفة واتذكر واحس بخوف وبشعور غريب
وعلى طول الموضوع في بالي
وصرت اخاف ان احد ياخذني ويسوي فيني مثل مايسوي الكلب العامل
كبرت وكبر همي معي ولاكنت اقول لأي احد عن اللي صار
مارست العادة السرية ماكنت ادري انها حرام
لكن يوم عرفت كنت تركتها وتجيني فترات طوييييييلة مااسوي شي
وبعدها ارجع وهكذا


انا من عايلة من اشرف العوايل بمنطقتنا
وعائلتي معروفة جدا بالاخلاق والطيبة ورزانة العقل في رجالها
خطبني واحد ماهو بعيد عن العايلة ..اخلاقه اعلى الاخلاق ..والعايلة ماشا الله محترمة جدا
كانوا يجوني واااااااااااجد لكن ماربي كتب نصيب الا مع خطيبي الحالي

يوم جا يخطبني قالوا اهله انه مابيتزوج حاليا لكن عشان مااطير من يدينهم خطبوني بس حجز بدون عقد ولا شي
يعني وقتها كان يدرس ومابيخلص الا بعد 3 سنوات
وطبعا مابيننا اي اتصال ابد ابد ولا اعرف عنه شي
المهم
انا كنت وقتها بثالث ثانوي
بعدها لما خلصت السنة ..بالعطلة
كنت احس بالفراغ يذبحني وماسافرنا بسبب تسجيلات للجامعة ....الخ
كنت اجلس بغرفتي واجلس على الكمبيوتر واتردد اني ادخل الشات
واخيرا دخلت الشات
واتكلم مع الناس عادي

ومرة تكلمت مع واحد
كلامنا عادي جدا
وحسيت اني ودي اقول له عن اللي صار لي وانا صغيرة ..لاني مررررررة كنت ابغا اقول لأي احد
وقلت له وتأثر باللي صار لي
وعرفت انو مذاهبنا تختلف وماتأثرت ابد وهو كمان كان مااثر عليه هالشي

وانا كنت اقول له انا اخاف اني فقدت عذريتي قال لي لاتخافين ومدري ايش وكلام كثير
اللي كلمته كان عمره وقتها 27 سنة وانا كان عمري 18 سنة
المهم اخذت رقمه بالغصب بالموت اخذته وكنت حابة اجرب اكلم >>كنت مراهقة تبغا اي شي تسويه
اخذت رقمه وماعطيته رقمي ..وقلت له ترا يمكن ماادق
قال لي براحتك مااغصبك على شي ماتبينه
لما جا الليل
كنت لحالي بغرفتي
دقيت وانا جسمي كله يرجف
دقيت ورد علي وكلمته وبعد دقيقة صرت اكلمه عااااااااااااااااااااادي جدا
المهم تعرفنا على بعض وصرت كل يوم اكلمه وكان يسولف لي سوالفه كلها كل شي كان يقول لي
وطبعا قال لي انه كلم بنات من قبلي وااجد
لكن حاليا مايكلم احد..ومن فترة ماكلم احد ..قلت له لييه؟
قال لاني مرة مشغول بشغلي ماني فاضي ابد ..وعشان كذا لسه ماتزوجت
الولد من جد ولد حلال صار لي مثل الاخ الكبير كان يسمع همومي واي مشكلة كنت اقول له عنها ويحاول يحلها لي كان واصل واي شي يقول لي اي شي تحتاجينه لاتستحين انا مثل اخوك
جا يوم كنت منهارة نفسيا من هوشة مع امي
ما اذكر على ايش كنت متهاوشة بس اذكر اني فكرت اني لو اموت احسن لي
ودق علي كالعادة بالليل وكان بعد عيد الفطر >>صار لنا مع بعض تقريبا 4 شهور
وكنت ابكي بقوووووووة كنت منهارة مرة
وحسيت انه والله مثل اخوي الكبير بجد كان يخفف علي
كنت قلت له انا ولا شي بهالدنيا ابغا اموت احسن لي
ووسط الكلام كان قال لي ..مروم انتي والله مافي احسن منك وهمومك هاذي ماتجي قدام همي لكني مطنش ..حسيته مرة قريب مني
فجأة قال لي مروم تدرين انا كنت ايش ..وصرت ايش..قال لي ..مروم انا كنت اشرب
كذا انا انصعقت بكيييييييت بقوة
قال لي لاتبكين خلاص انا قلت لك (كنت )
والحين والله اني مااشرب من زمان مالي بالخرابيط
قال لي ليش بكيتي ..قلت له كنت حاطة لك احلى صورةمثالية وانصدمت باللي سمعته
المهم مرت الايام وكان كل ليلة تقريبا يكلمني
وبعض الاحيان يضطر يسافر مع والده للشغل ..وما اسمع صوته وكنت اشتاق له بقوة

المهم
انا قلت افكر اعيدها مرة ثانية وادخل الشات
كلمت واحد و وتهاوشت معه مدري على ايش
وكان الشات زحمة مررررة
وقال لي خوذي ايميلي
قلت له لاااااا >>مومتعودة على هالاشيا ابد
المهم بالنهاية اخذت ايميله وأضفته عندي
وهو مبين انه مايعرف للنت اشيا واجد ومبين انه مايدخل الشات يلعب ولايتعرف على بنات >>بتقولون لا يكذب ومدري ايش
لا انا عرفت انه مايعرف للبنات ابد
وكنت كل يوم اكلمه بالماسنجر
وماكنت قلت له اني اكلم واحد ومتعرفة عليه
وكنت بنفس الوقت اكلم الاول وماقلت له اني تعرفت على واحد غيره

مرت الايام كان الاول يبعد عني شوي لظروف شغله
وكنت كل مابعد الاول اقرب من الثاني
تعرفت عليه اكثر وكان كله بالماسنجر وكان كل يوم يحاول يعطيني رقمه وانا اعيي
وبالاخر اخذته
وكلمته
كان مرتبك بقوووووووووووة ماعارف يتكلم ...من جد ماكان كلم بنات
كان قال لي ان عمره 22 وبعد فترة اعترف لي ان عمره 18 سنة ..انا تفاجأت ماتوقعت اكلم واحد كبري
واكتشفت بعد انه اصغر مني بشهور
واعترف لي بأشيا واجده كان مخبيها عني
وعرفت انه ابوه متوفي وهو صغير وعنده اخين بس وامه مسيطرة على الوضع
ووضعه المادي عادي جدا كان كل فلوسه يحطها لفاتورة جواله لانه يكلمني واجد
ويوم من الايام قال لي انه يحبني ..انا ماحسيت اني احبه
قلت له احس اني عادي يعني
ومع مرور الايام اكتشفت انه يموت فيني
اللي صار اني تقرب مني بقوة كان يدرس بثالث ثانوي وانا بالجامعة انقبلت طبعا
وانا احس انه عادي بالنسبة لي وكنت اعرف ان حبه لي حب مراهقة ولأنه ماقد جرب الحب

مرت الايام
والاسابيع ..والشهور وانا على هالحال
اكلم اثنين واحد اخوي والثاني حبيبي
وطبعا بعد فترة كنت قلت للأول عن الثاني يعني اللي اعتبره اخوي قلت له اني كلمت واحد وعصب علي لكن قال لي انا مااقدر اقول لك اقطعيه انتي بكيفك

ومرت الشهور وكنت كل يوم اكلم الثاني وحبيته من كل قلبي
حبينا بعض لحد الجنون مع انو مذاهبنا مختلفة لكن هالشي مااثر فينا كلنا

وهنا تبدا الكارثة
بنات بقول لكم بس لاتعصبون علي
مارست معه العادة السرية >>>>>>احس بموت وانا اكتبها
واول مرة بحياتي
وتعودنا على هالشي

وقلت للأول (اللي اعتبره اخوي)
قلت له اني تركت الثاني
وانا ماتركته

وضليت اكلمه ومثل ماقلت لكم
ومن جد حبينا بعض بقوة ..
على فكرة
كانوا االاثنين يعرفون اني مخطوبة

المهم ..والله يابنات انو حبينا بعض بقوة
وكنت دايم اقول له احنا لازم نفترق لان اللي نسويه حرام
وكنا نفترق اسبوع ونرجع
وكنت اغير رقمي
بس مااتحمل اسبوع وارجع اكلمه
وهو بعد اشتغل الحمد لله بس حتى بالشغل يكلمني مانقدر يمر يوم مانكلم بعض


وجا يوم قال لي ابغا اخطبك ..هالكلام بعد سنة كاملة اكلمه
قلت له مايصير انا مخطوبة وبعدين مذاهبنا تختلف
مستحيل نتوافق
ظل يحن علي ..وكان يبكي انو احنا مو لبعض
وعلى فكرة انا وريته صورة لي وحذفها على طول
وبين فترة والثانية كنت اوريه لي صور
وانا شفته بعد
بنات تراني يوم طلعت معاه كنت على اساس رايحة للجامعة وطلعت معه
بس بالسيارة
طبعا هو من ديرة ثانية لكن جا هاليوم بس عشان يشوفني

والى الحين وانا اكلمه ولا يدري اني اكلم غيره(مايدري عن الاول)

احس اني بموت
مو انا اللي كذا

والله ان الحين ابغا اتركه ابغا ارجع مرام الاوله اللي تخاف ربها
لكن ماني قادرة
الحين صار لنا اكثر من سنتين مع بعض


بنات انا ادري ان اللي سويته يوديني النار ويغضب ربي علي
والله يابنات اني كنت موكذا لكن هالشي دمرني
والله اني موكذا
تراني اصلي واسوي اشيا وااجده لربي
ماابغا اقول هالكلام عشان امدح نفسي ..لا
بس عشان تعرفوني

والله اني منقهرة على حالي والله اني ابكي بالليل عشان اني ليه صرت كذا
مو مرام اللي تسوي كذا
اهلي لويدرون وش بيصير لهم

وعلى فكرة خطيبي جات فترة من سنة تقريبا كلمته والله انه يمووووووووووووووووووت فيني وهو اللي قال لامه تخطبني له
كنت وقت اللي اترك هذاك اكلم خطيبي
كان يعتبرني درة
يموت فيني ماتدرون قد ايش
ولا له بالسوالف البطالة
الحين مااكلم خطيبي لانه سأل وقالو له انه حرام تكون بيننا خلوة وهو مايقدر يمسك نفسه عن كلام الحب
وانا قلت له اذا على كذا لاازم مااكلمك
بنات هو يموت فيني وانا ماحبيته احسه ثقيل على قلبي

ادري طولت عليكم لكن ماكتبت كل شي الا عشان ابغا اهتدي واصير مثل اول
وانا دايم اقول للي اكلمه اني ابغا اصير كذا ومثل ماقلت لكم نترك بعض ثمن نرجع
وترا برمضان مااكلمه الا بالليل وشوي
ابغا انتهز هالفرصة عشان اتركه

حتى اني قررت السنة اروح مع ابوي الحج ان شا االله
يمكن اعقل