كل عاد وانتوا بالف خير :D
بمناسبة هالشهر الفضيل الله يعوده علينا وعليكم بالخير والرحمه والمغفره
احط لكم طريقة سلطتي الي صج صج لاتقاوم محد ضاقها وماعجبته :wink:
المقادير :
خيار
طماط
زيتون اسود
خس
جبنة مالحه ( فيتا ) انا استخدم الجبنه الهنغارية احلى شي ومتماسكه
تتبيلة سلطة من كنور اي نوع تحبينه
نص استكانة زيت زيتون
ملعقتين اكل خل
الطريقة :
نقطع الخيار حلقات والطماط مكعبات كبيرة والخس اصابع يعني شرايح الموهيم فهمتو علي صح :tongue: ونضيف الزيتون الاسود والزيت الزيتون والخل والتتبيله ونخلطهم مع بعض عدل ... ونحطهم في صحون التقديم .. الحين ناخذ كمية من الجبنه الموجوده ونبشرها شرط تكون مبرده يعني مو حاره عشان تتمساك وانتي تبشرينها ... واخر خطوة رشي الجبن المبشور على السلطه وعشان الشكل ترشين شوي من التتبيله اذا بقت فوق الجبن :D
وخلاص هذا الشكل النهائي
واتمنى عجبتكم طريقتي وتجربونها
