قصه ولادتي بالعسوووله فاطمه

[GRADE="00008B FF6347 008000 4B0082"]السلام عليكم خواتي ...

شخباركم عساكم بخير ان شاء الله ... في البدايه اشكر كل وحده سالت عني وباركت لي بقدوووم غناتي فاطمه على الدنيا .. الحمد لله على كل شي .. وعقبال اللي في قائمه الانتظااااار وربي يسهل على الجميع ويجعلها ساعه سهله ميسرة ان شاء الله .... وابعث سلامي للجميع وخاصه اللي كانوا معاي في نفس التجمع امثال شموووعه انتظاااااااااااااااار توتو ليتني معك والطاف والمولعانية وام سويرة وفاطمه وكنانه وعمه عيالي ركايز وروووونا وحروف القلب وام عبادي وحرف عنيد والماسه الحساسه عسى الله يسهل عل الجميع يا رب وباقي الشله سامحوني اذا نسيت حد تراكم في القلب :o:o وعقبال ما افرح ان شاء الله بخبر حمل ملوووووووذه وعروووس الموج يا رب وباقي العرايس اللي يتمنون الحمل(y) يا رب .....

ربيت بتاريخ 18-8 يوم الاثنين الصبح ....

اعرف انكم تبون تسمعون القصه خخخخخخخخخخخخخخ خلاص خلاص بسم الله ....
اول شي صلوا على النبي عليه افضل الصلاه واتم السلام اللهم صلي على محمد وال محمد ... الحمد لله ولادتي كانت سهله طبعا فيها عواااار خخخخخخخخخخخ ما في شي بالساهل بس الحمد لله البنوتة طلعت بالسلامه وانا نسيت الالم والعوار :D وقمت بالسلامه ... عقبال الجميع يا رب

اممممممممممممم يوم الاحد بتاريخ 17-8 كالعاده كان اييني عوار بس مال اي كلام يعني ما فيه شي كل 6-7 ساعات .. ما عطيته اهميه وحطيت في بالي ان شاء الله يوم برد من الدوام برووح عند دكتوورتي وبالفعل هذا اللي صار ... رحت لها العصر وقلت لها شو اسوي ابا اربي وباقي على موعدي 10 ايام انا مستعيله ورمضان على الابواب وانا بعدني ما ربيت ... طبعا عارفه انا انه كل شي بيد رب العالمين والحمد لله على كل شي والدكتورة قالت لي خلاص بجيك لج تحت قلت لااااااااااااااااااااااااااااااااا خلاص ما فيني شي لا شفت دم ولا ماي خلاص انا بخير خخخخخخخخخخ جبانه قالت لي انتي ما شاء الله البيبي نازل ومستعد يمكن يومين ثلاث وان شاء الله تولدين جان اقولها قصه حياتي ... قلت لها كل حد يقول لي نفس الكلام دكتورة ما فيه فايده انا تعبت ابا اربي والعوار اييني بس فترات متباعده يعني ما فيه شي قالت لي حبيبتي ارقدي وخليني اجيك اشوي احم قلت لها يعور خخخخخخخخخخخخخخ استعبط ما عليكم لاني خايفه اشوي ضحكت علي قالت تعالي خفيف ما بيعورج واااايد ... وما خليت شي ما قريته لبست القفازات وما ادري شو سوت بس كان في اييدها ملقط او شي ثاني الله اعلم هي واقفه مع السستر وقالت قومي قلت خلاص قالت هي الحين انتي بس 2 سانتي قلت هااااااااااااااااااا قالت عادي كل الحريم جيه 2-3 سانتي ما فيها شي جان اسال السستر انتي شفتي د. زينب شو سوت ؟؟ كان مفتووح ولا هي فتحت ؟؟؟ وهي طبعا ما طاعت تخبرني المهم عرفت انها سوت شغلها مع الملقط اللي عندها وعقبها عطتني زيت خروع في قلاص صغير وع وع وع مع عصير برتقال فرش وقالت لي اشربي عادي مرة وحده وانا شربت لوعه جبد جنج تشربين فازلين المهم قالت لي عقبها بيييج عوار خفيف مال زيت الخروع اذا وقف العوار خلاص مافيج شي بس اذا زاد هذا عوار ولاده ... اوكي حطيت كلامها في بالي وقالت لي روحي البيت واشربي شي حار وبعد ساعتين ثلاث اسبحي في ماي دافي .. انا حليلي مطيعه سويت نفس الشي رديت البيت وريلي سخن لي حليب وشربته وزاااااااااااااااااد العوااار والحبيبه روووووووووووز تتحرى هذا من الزيت ... جريب ساعتين انا -تكرمون- في الحمام اطلع وادخل جني حارس عمارة اطمن على الرعيه عقبها اتسبحت بماي دااافي حلوووو بس العوار ما خلاني اتهنى ولا بيلس لي الصبح خخخخ(a)خخخخ ....وريلي يقولي يلسي انزين على الشبريه وما فيه فايده اطلع من الحمام دقيقه وادخل 10 دقايق وجيه الحال ساعتين ونص تقريبا ورافضه اروووووح المستشفى اقول هذا عوار الزيت واذا رحت بيقولون لي 3 سانتي ما بروووووووووووح بيلعوزوني والعوار يصير كل 5-10 دقايق وانا مب طايعه ارووووح وامي ويدتي حليلهم عندي في البيت ويدتي حاشرتني كلي شي اقولها ما لي خاطر ابا ارجع صح بطني خالي بس ما لي نفس لاي شي وريلي يقولي قومي اودييييييج بس عنيده وراسي يابس ما ابا ... اخر شي صارخ علي :mad:وقالي اذا ما رحتي بحطج في السيارة وياب العبايه والشيله ولبسني حليله وركبني السيارة هو وامي وعلى طووووووووووووووووو:rolleyes:وووووووووووووووووول المستشفى طيرااااان والعوار يزيد ويزيد وانا ذابحه عمري في السيارة من الصريخ وحاطه في بالي انه هذا بعده من الزيت مو مستوعبه بعدني ويتني حاله البرووووده والارتجاف سبحان الله ما اعرف ليش حتى على ولدي جيه كنت ومن دخلوني طواري الدكتورة جيكت علي جان تقووووول بسررررررررعه ولاده وانا اصارخ وفيني عوار ما عرفت كم سانتي الا وانا في غرفه الولاده اختي حليلها خبرتني عشان تشجعني حليلها تقولي الحمد لله ما شاء الله ما شاء الله انتي اشوية وبتربين يا الله 8-9 سانتي ... بسرررعه ودوووني للولاده والسسترات حليلهم بسرعه يجهزووون السرير والشرشف والمعداات وانا ما اسمعهم عدل لاني غرقانه في آلالامي هني ظهري وهني بطني بس الحمد لله كله اقوووول يا الله ساعدني يا الله ساعدني :confused::confused:وارتجف واتنافض واهز السرير وياي موو قادرة اسيطر على عمري بس اختي الكبيرة كانت وياي في الغرفه واقفه عند راسي بس ريلي حضرته ما دخل وااقف برع ويدعي والحمد لله مشت الامور على خير وساعه الا ربع تقريبا الا وانا مربية ... الحمد لله ااااااااااااااااااااااااااااااااااااااااه وشرفت حبيبتي وعمري ودنيتي كلها فاطمه .. الله يجعل مقدمها خييير علي وعلى ابوها وعلى اخوووها علي يارب العالمين وان شاء الله انها تكون من الذرية الصالحه يارب اللي نفتخر بها ان شاء الله ....

بس خواتي اللي ساعدني الحمد لله اني كنت استغفر بنية تسهيل الولاده وكثر ما تقدرين استغفري في اليوم وغير هذا الصلاه على محمد ( اللهم صلي على محمد وال محمد) بعد كثر ما تقدرين وفيه دعاء وااايد ساعدني سبحان الله ( يا خالق النفس من النفس يا مخرج النفس من النفس يا مخلص النفس من النفس خلصني ) وسورة الزلزله ما شاء الله عجيبة وغير هذا كنت اقرى سورة الانشقاق اذا السماء انشقت ... والحمد لله الادعية لها تأثير كبير على اللي بتولد ورب العالمين يسر علي وساعدني في الولاده .... عقب ما ربيت وطلع البيبي ريلي واختي وامي دخلوا علي وباركوا لي وريلي باسني على راسي :tongue: وبارك لي .... والحمد لله مرت ساعه الولاده على خيييييييييييييير وافتكيت وعقبال باقي الحوامل يا رب :cool:... [/GRADE]