زميلتي ماتت .. وأنا نفسيتي تعبااااااااانه

ر

راجا2

عروس جديدة

31-08-2008 | 12:06 AM

زميلتي توفت بحادث سيارة من شهر .. الله يرحمها ويغفر لها ... تركت طفلين .. يسألون عليها ليل نهار ... الله يلطف بحالهم ويسخر لهم الطيبين من خلقه ..

انا اول ماعرفت انصدمت جلست ساعة وأنا متنحه :eek: ... مابكيت تصدقون ... بس ادعي لها ورحت على حسابي في الراجحي سويت لها صدقات ... الله يقبلها .. كنت ولا زلت بين مكذب ومصدق ... اروح اقفل على نفسي بالغرفة ابكي بس مو هذاك البكاء اللي كنت اتوقعه اني ابكي عليها ...
بعد اسبوعين يمكن .. بعد ما خلصت المناسبات وابتدوا الناس يسافرون ... هذيك الساعة تعالوا دوروني ... تفرغت لذكرى حبيبتي ... صرت ابكي بكاء مو صاحي ؟؟؟ اخاف انام وحدي ... اشوفها في كل مكان ..اتخيلها قدامي .. بسمتها حنانها ضحكاتها سواليفها ... يااااااااااااااااااااارب رحمتك

الحين اي وقت افتكرها فيها تنزل دموعي ...طول الوقت افكر فيها ... كيف راحت ؟؟ وين راحت ..؟؟
اش تسوي ذحين ؟؟؟
افكار غريبة ... صرت 24 ساعة في النت بس ابحث عن الموت وما يتعلق فيه ...
طيب هل الواحد يدري انه بيموت ؟؟؟؟ ............ ارحمني يا الله
الحين صرت احس الموت قريب مني ... صرت اتقرب إلى الله اكثر ... زهدت في الدنيا ... ما صار يهمني شي ... الدنيا صغييييييييييييييييره وبتنتهي
صرت افكر بنفسي بعد الموت ... كيف اقابل الله ... كيف حتكون صحيفتي ؟؟؟

بعد شهر ح تيجي المدرسه كيف ح تكون من غير حبيبة قلبي ... طاولتها كرسيها ... الله يرحمها ويغفر لها وينور قبرها ....

ادعولي ... ادعوا لأهلها إلى اليوم مفجوعين ...ادعوا لأختها ..
الله يرحم موتى المسلمين ويغفر لهم
اللهم ارحمنا إذا صرنا وحيدين ... اللهم اجعل نورك ومغفرتك لي رفيقاً في قبري ...

بنات مين قد مرت بمواقف زي كذا ... خلونا نربط على قلوب بعض ...؟؟؟

د

دقة القلوب

عروس مشرقة

31-08-2008 | 12:12 AM

الله يرحمها برحمته ويسهل عليج و(وقل لا يصبنا الا ماكتب الله لنا)

د

دانهـ الدنيا

عروس نشيطة

31-08-2008 | 12:15 AM

الله يرحمها ويغفر لها ويعفو عنها ويصبر اهلها ويصبرك حبيبتي

ك

كلى دلع ودلال

عروس مشرقة

31-08-2008 | 12:17 AM

انا ابوي مات لين الحين مثاتره اااااه شو اقول شو اخلي الله يرحمه ويرحم صديقتك

w

wispy girl

مشرفة سابقة

31-08-2008 | 12:19 AM

حبوبه الموت حق علينا كلنا..صعبه تفقدين ناس قراب منج..وتكون فاجعه لج..بس تذكري أنه كلنا بموت تعدد الاسباب والموت واحد..وادعيلها بالرحمه..

ر

راجا2

عروس جديدة

31-08-2008 | 12:19 AM

الله يجزاكم خير .... ولا يفجعكم في حبيب ..

ب

بدور الليل

عروس ماسية

31-08-2008 | 12:21 AM

الله يرحم موتى المسلمين ويغفر لهم
اللهم ارحمنا إذا صرنا وحيدين ... اللهم اجعل نورك ومغفرتك لي رفيقاً في قبري ...

ن

نـور قطر

عروس نشيطة

31-08-2008 | 12:22 AM

حبيبتي الله يرحمها نشالله
الدموع ماتفييييد
ادعي لها
ورمضان جاي تصدقي عنها وطلعي عنها افطار صائم

انا خالي توفى.. بكره بيكمل سنه
ماتتخيلين انا كل يوم اتذكره وقلبي يعورني عليه وماتخيل انه راااح
وللحين اتتذكر ضحكته..ونصايحه لي..كان قريب لي وايد ويحب ولدي

والامممممرررر
خالي الثاني توفى من 3 شهور
نشفت دموعنننا
صعب علينا وايد
شلون موقف امي وخلاتي وجدي
بيت جدي صاير كئئئئئئئئئيب محد يقدر يروح له

وانا افكر واايد..امي اكبر وحده.....وخايفه عليها وايد
الله يطول عمرهاااا يارب

بس الواحد يتذكر اللحظات الحلوه ويدعي لهم بالرحمه

ع

عروس بدون معرس

عروس مشاركة

31-08-2008 | 12:26 AM

الله يرحمها ان شاءالله ويصبر اهلهاا آآمين
انا مريت بنفس حالتج ،صديقتي ماتت تقريبا قبل 8 شهور كانت صدددمه لانه قبل لاتموت
بكم يوم كان مافيها شي ابد وللاسف كانت تدق علي وتكلمني بالماسن وانا ماكنت فاظيه وقتها
وارسلت لي ايميلات شفت نصهم والباقي خليتهم وبعدها بكم يوم ماتت سكته قلبيه سبحان الله
ورديت وشفت الايميلات وفتحت وحده منهم وطلع دعاء للميت ومكتوب آخر شي ادعي للي ارسل الرساله
اهوه بحاجه للدعاء طبعا انا قمت ابكي وارجف لاني فعلا انصدمت من الايميل ومن خبر وفاتها المفاجئ

ر

راجا2

عروس جديدة

31-08-2008 | 12:26 AM

بس الواحد يتذكر اللحظات الحلوه ويدعي لهم بالرحمه

صادقه والله ... هذا الشيء يحسسنا انهم ما ماتوا ... لساتهم عايشين ... في قلوبنا عايشين ..

الله يرحم موتى المسلمين ويغفر لهم وينور قبورهم ... اللهم آنس وحشتهم وارحم غربتهم يارحمن يارحيم ,,

والله يجبر قلب جدتك وامك ..

ويجبر قلب كل إنسان فقد عزيز ..

ر

راجا2

عروس جديدة

31-08-2008 | 12:30 AM

عروس بدون معرس ....

الوفاة المفاجئة أصعب شي على النفس .... الله يجبر قلبك .. ويرحمها ويغفر لها ...

كلي دلع ودلال ...

الله يرحم ابوك ويغفر له ... ويجبر قلوبكم على فرقاه ..

ا

العتب

مشرفة سابقة

31-08-2008 | 12:38 AM

الله يرحمها ويرحم أمة محمد الأحياء والأموات .... يارب ....

رائعتي عظم الله أجركم وأحسن عزائكم ... والموت حق والجنة حق والنار حق ...
فكل نفسا ذائقة الموت

رائعتي كان الله في عونكم ... جعل الجنان ملك يمينكم ...

والتفكير بالموت أمر عظيم وطيب ... فالموت ملازم لنا ولا نعلم ساعته فلهذا علينا
بالدعاء بحسن الخاتمة اللهم نسألك حسن الخاتمة

العتب

c

ceres

عروس مشرقة

31-08-2008 | 12:44 AM

الله يرحمها .. يرحم جمييع أموات المسلمين ..

وحبيبتي هذي سنة الحياة .. وكلنا بنموت .. وماكو شي بيفيدنا الا العمل الصااالح ..

الله يرحمهم أجمعييين ..

~

~ مهرهـ الزينـ ~

عروس رائعة

31-08-2008 | 01:01 AM

يآآلله ..
مآ بعد الموت مصبيبه

يآلله ترحمنآآ برحمتكـ
والله بهون عليج عليهم مصيبتهـ يآآآرب

.:.

ب

ببح

عروس مشرقة

31-08-2008 | 01:09 AM

نصيحتي لك الحي اولى من الميت و اذا اذكرتيها قومي واقري القران لاته يهدي نفسيتك و ترتاحين وكل هالوساوس من الشيطان والعياذ بالله جربي و ما راح تندمين

ا

الدنيا__حلوه

عروس جديدة

31-08-2008 | 01:12 AM

انا لله وانا اليه راجعون هذا يومها وان شاء الله الله يرحمها ويسكنها فسيح جناته
لازم تهدين عشان تقدرين تتقبلين هالفكره وتتعاملين معاها
واولا واخرا راح تقولين الحمدالله لان احنا بشر مابيدنا شي ...

(

((بنت الشرقيه))

عروس مشرقة

31-08-2008 | 01:20 AM

الله يرحمها ويجعل مثواها الجنه..

الدعاء والصدقه اكثر ما تحتاجه ...

الله يصبر اهلها...

ويصبر كل من فقد عزيز ...

ق

قلب ملاكـــ~

عروس جديدة

31-08-2008 | 09:18 AM

الله يرحمها ويجعلها من أهل الجنة ويصبرج على فراقها تدرين يوم قريت موضوعج تذكرت ربيعتي اللي ماتت من كم شهر تأثرت وايد لفراقها وخاصة ماتت وأنا ما كان عندي علم بوفاتها لأني كنت في هذيك الايام مشغولة وايد وحزنت حزن شديد وبكيت وكل ما أتذكرها قلبي يعورني على فراقها الله يرحمها ويسكنها في فسيح جناته مع ربيعتج ان شاء الله

ت

تولين 1400

عروس مبدعة

31-08-2008 | 09:57 AM

الله يرحمها ويغفر لها اختى لازم تطلبين ربك ادعى لليل نهار لها وانتى خليك مع ربك واسغفري كثير حال الدنيا الله يكون بعونا ولا يفجعنا بعزيز وفكري بنفسك حبيبتى ويسعدك ربي

L

Lily_of_the_Valley

عروس ذهبية

31-08-2008 | 06:26 PM

الله يعينك و يصبرك

الله يغفر لها و ينور قبرها