اريد مشورتكم في التالي :

شوفي انا من رايي من حق الرجال يطلب شوفة البنت ولا بعد يصر عليها


بقولج له ::

في بعض الرجال لهم مواصافات خاصه في اللي يبونها تكون زوجه له

وما ننكر 80 % من الرجال يحبون المظهر

مو حب كبير بس يقدرونه

ويحبون المره اللي مهتمه بشكلها

ممكن الرجال سمع سوالف عن الحريم اللي مهملين بروحهم او االلي اشكالهم غلط

فحب يطمن قلبه

وهذا مافيه عيب او يقلل من مستوى تفكير الشخص

بالعكس

بس اهم ما في الزواج الراحه النفسيه

اول

شي اهلو يجو يتكلمو مع اهل البنت ويشوفوها اكيد هوا معطيهم المواصفات

وبعدين اهلو يكلموها اذا عجبتهم او لاااا

واذا عجبتهم يحددو موعد يجي هوا وامو

وبعدين تدخل البنت يشوفها وتشوفو كيفك الحمدلله طبعا كلها 5 دقايق يشوفو بعض

ولاااااااااااااااااااااااااااااااااااااااااااااااااازم من الشوفه الشرعيه لانو ربي يقرب فيها القلوب او يبعدها

عيون الفهد

شرعا ودينا لازم يشوفها وتشوفه قبل الرؤية الشرعية
حتى لو كانو الإثنين ملكي جمال
ممكن مايرتاحو لبعض
أنا شايفة انها مو بس عادي بل ضرورية

لازم النظرة الشرعيه ولو كانت غلط مكنش الرسول صلى الله عليه وسلم قال عليها من حق اى انسان يعرف شكل اللى هيتجوزه مش كفايه مش هيعرف طباعه كمان هيتجوزه عميانى يشوف صورتها او شكلها عن طريق ومعرفه اهلها

اشكركم ياعروسات ولكن لحين مافهمتو وش اللي اقصدة

يابنات السالفة مو سالفة نظرة شرعية الولد يبي يجووف صورتي قبل لا يكلم اهلة وقبل حتى مايدخل مقابلة هي تسمى النظرة الشرعية (( قولو لي شو تصرفج راح يكوون

هل ترضين لو كنتو بمحلي صورتج يجوفها بدوون علم هلج ؟

هل يعتبر هذا الشيئ عادي وممكن تعطين صورتج لاختة او مرت اخوة اوو... الخ لو كنتي تثقين فيهم ؟( بدوون علم الاهل )

هل راح تخافين على نفسج مثلي وتحطين في راسج الف والف سؤال مثلا هذا الشخص مو قد المسؤلية واصرارة انه يجووف الشكل ولي هو المظهر ؟( دوون علم اهلة اي يرفض اه يجيب اهلةاو انه مايسمى المقابلة اللي تتم فيها النظرة الشرعية بل يرقب برؤيتي قبل كل ذالك مجرد انه يجوفني))


يابنات صج انا بحيرة يوم انه جاني الانسان اللي من خلال المعلومات الي ماعطيني اياها زينة يصيدني هلموقف
اللي ابيه منكم حطو روحكم بوضعي جد مو عارفة اتصرف وحتى لو مر علي هذا الموقف مرة ثانية هم مراح اعرف اتصرف سئلت صديقاتي بس هم غير اللي متزوجة من اهلها ولي تحب الشخص ولي ولي ومنهم المؤيدين للموقف ومنهم معارضين اريد مشاركات اكثر

اهااا


لا حبوبه لا ترخصين نفسج


اللي يبي الزواج يجي يدق الباب


تقاليدنا تقول جي


هو بخاطره يجي يشوفج يجي بيتكم ويخطبك وتم النظره الشرعيه


حبوبه فكري فيها من نظره ثانيه


تخيلي انج وافقتي تورينه صورتج

وبعد ما شافج قال لا ما في نصيب


شلون بيكون موقفج مع نفسج ليه ترخصين روحج


لا مب حلوه كلش في حق روحج


اللي يبي الزواج يتبع اصوله وكل شي له اصول


على كلامج انتي قلتي انج رافظه فكرت الزوج اللي يتزوجج عشان شكلج

شلون بترضينها وتكسرين القاعده بغلطه غبيه



هذا رايي

شوفي حبيبتي

اذا هو طالب انه يشوف صورتك من غير علم اهلك فلاتوافقي وارفضي هالشي

وقوليلهم اذا هو يبغى الزواج من جد يخبر اهله ويجون يطلبونك من ابوك رسمي

وبعده يشوفك الشوفه الشرعيه وتكون في حضور الوالد او احد من اخوانك

اذا اعجبتيه وصدقيني هالشي مراح يكون بالعين لا راح يكون بالقلب ممكن تكوني ملكة جمال

بس مايرتاح لك هالشخص لانه منتي من نصيبه واذا انتي من نصيبه راح يشوفك ملكة ملكات الجمال

وبعده يجي دور اهلك بالسؤال عنه والي كاتبه ربك بيصير


بس انتبهي انتبهي انتبهي تعطيهم صوره لك حتى لو برضى اهلك

الي يبغاك زوجه يجي يطق الباب هو واهله ويخطبك من ابوك ويشوفك وجه لوجه مو صوره



وربي يوفقك ان شاء الله

عزيزتي عصفورة
العرف عندنا يختلف باختلاف العوائل نفسها ، هناك عوائل تسمح للشاب حتى لو كان وحده دون اهله ان يقابل ابنتهم ودون سؤال حتى ثم اذا رد بالموافقة، ياتي السؤال

هناك عوائل لا تسمح للشاب بمقابلة ابنتهم دون تقدم اهله والسؤال المسبق، واهلك ووالدك من هذا النوع


صحيح ان الولد من حقه يشوف شكلك ، وما يصير تحكمي عليه انه انسان يهتم بالمظاهر او بس يريدك عشان شكلك يا حبيبتي لانه هذا حقه مثل ما هو حقك حتى انك ترفضي اي شاب ما ترتاحين لشكله، لازم يكون فيه ارتياح نفسي للشكل متبادل وتقبل فالناس اذواق

لكن نصيحتي لك ان لا تعطي الصورة من ورا اهلك ابدا، حتى لو كانو ثقة، فالمقابلة افضل واصدق من الصورة التي لا تعكس بوضوح كالواقع
لذا فلتتقدم النساء رسمي وبامكانهم وصفك له، وليتم السؤال وما ادراك ربما تنكشف بعد السؤال امور كانت خافية،
ثم حتى لو فرضا صار فيه رفض بعدين (لا سمح الله)بعد السؤال عادي ما فيها شي ولا احراج، هذي ارزاق وكل واحد في هالدنيا ياخذ نصيبه، وعلى الاقل بيكون وقع الاثر اهون ، لانك ما تصرفتي من ورا اهلك هذا بالنسبة لك

وبالنسبة له ما المحرج في الموضوع الموضوع جدا عاد انو يجون اهله
واذا كنتي مكتوبة له بتكوني من نصيبه، لو مهما صار، وثقي ان الله يقدر ما فيه صلاح العبد

طبعا هذي وجهة نظر..وقبلا تستطيعين استشارة امك في الموضوع
الله يوفقك ويرزقك الزوج الصالح

الحمدلله والله اني ضنيت نفسي معقدة ولكن من خلال كلامكم يبين انه تفكيري صح ماتدروون اشكثر اني مستانسة ومرتاحة يعني تفكيري صح وماني رخيصة حتى اسوي كذا ( لو كانت السالفة فيها نظرة شرعية لما تطرقت الى فتح الموضووع لانه واضح كوضووح الشمس ومن حقة ومن حقي ولكن ماحدث هو العكس ) وبعد تفيكر مطول وكوني اصلا مو مقتنعة من سالفة يجوفني قبل مايتقدم الى هلي احسيت فيها والله اني اكسر الخاطر كيف ارضها لنفسي ولكن قلت في خاطري يجوز اني معقدة المسئلة وبعض صديقاتي قالو عادي هذا الي خلاني اتخربط واقول يمكن الناس غير وانا تفكيري غير . ادعو لك وحدة اجابت على موضوعي التوفيق في حياتها يارب
واتمنى ان ارى مشاركات اخرى

وين مشاركاتكم دخلت اليوم مخصوص حتى بس اجووف مزيد من المشاركات بهذا الموضووع

حبيبتي انتي لا معقده السالفه ولاشي
تصرفك تصرف بنت تعرف الاصول
انا عندي يكون احراج قدام الاهل ((برفض اوقبول))
ولا تصيرلك مصيبه واحساس بالذنب من ورا اهلك.
خافي على نفسك في ناس مايخافون الله يطبعون على الصوره ويتهمونك ان لك علاقات مشبوهه
وهات ياتهديد وحرب اعصاب والدنيا هالايام مالها امان...
على قولة امي الي يمشي سيده وبشور اهله ماينخاف عليه...
بعدين لوانا مكانك كنت عصبت كثير على طلبه هو واخته ليش ان شاء الله ماعندي اهل؟
مو حالي حال بنات خلق الله؟؟؟
اكيد انتي غاليه وعزيزه فلا تعرضي نفسك لجرح ماتنسيه طول العمر..واذا يبيك يجي ويطلب يشوفك
مع اهله الحريم..
بالنسبه لاهتمامه بشوفتك حقه من امام الله ورسوله
يعني ماطلب حرام وترى الغرض من النظره مو بس مجرد الشكل
لا هدفها الارتياح النفسي والموده والرحمه ...
تحياتي

مرحبا بك اختي

ثبتك الله على عقلك ,, ورجاحه فكرك .. وما عملتيه هو عين العقل ,, واسأل الله العظيم ان ييسر أمرك ويسخر لك الرجل الصالحه .. فمن ترخص نفسها للزواج .. من دون علم اهلها يرخصها زوجها فالمستقبل ..

تحياتي لك اختي ..

أم جنى

يالله اشكثر حلوة دعوتج....................Noor1979

ودعواتي للمشاركات بموضوعي بتوفيق

رايكم يهمني وايد متمنية مزيد من المشاركات

حبيبتي بختصار قولى البيت يدخل من الباب ما يندخل من الشباك وما يصح الا الصحيح والى ينبني بالظلام يموت بالظلام اذا كان نيته صادقه حياه الله من الباب واذا بيضيع وقت الله وياه اتمنا لك التوفيق انشاءالله