بنات مصر........ عايزة أفتح جيم فى مدينة نصر

s

sherrykitty

عروس ركن العناية بالبشرة والجسم

30-08-2008 | 05:48 PM

السلام عليكم ورحمة الله وبركاتة

أنا توكلت على الله ونفسى أفتح جيم فى مدينة نصر وأحل فيه مشكلة واجهتنى
وهى حضانة للبيبى عشان معظم الأمهات مش بتروح جيم و جسمها بيبوظ لأن مفيش مكان تسيب فيه البيبى

بس عايزة الأول أدرس المشروع كويس لأنة مكلف جدا

و ياريت إللى تقدر تفيدنى بمعلومات عن كل شئ

يعنى الأجهزة إللى حاحتاجها إدارة الجيم

الجلسات أسعارها إيه

ححتاج مدربة إيروبكس ولا أتنين

وأهم حاجة............

حتيجو تنفعونى ولا لأ؟

و متقلقوش
أنا حعمل ديسكاوند فظييييييييع لبنات عرووس

و يا ريت إللى عندها فكرة تقولهالى

أنا فكرت كمان أمل جزء منة لماسكات والحمام المغربى

أو يبقى فى وقت كل يوم مخصص للحالات الخاصة
زى إللى خارجة من حمل محتاجة تمارين معينة
أو إللى عندها ألام بظهرها مش كل التمارين بتنفعها

عشان كدة ححتاج مدربة إيروبكس بروفيشونال

يلا مستنية ردودكم

ا

انا حلوة

مشرفة سابقة

30-08-2008 | 10:20 PM

السلام عليكم

اختي اول حاجة ... لازم تداومي في احد الاندية الصحية .. و الهدف هو اكتساب خبرة و مناقشة عابرة مع احدى الاداريات عسى تفيدك في مشروعك ... و رؤيتك للاجهزة الي عليها اقبال من المتدربات و التي تركز عليها المدربة ....

ايضا ستتمكين من رؤية ردود افعال الامهات تجاه الامور المتعارف عليها مثل ساعات الحصص... نظام التدريب على الاجهزة ... و تحظري بعض المواقف التي قد تفيدك حين تفتحين مشروعك ....

اقرئي الكثير عن فنون الاداة ... و اقرئي عن ادارة المشاريع الصحية .. و ادارة الصالات الرياضية .. فكل هذه الامور تساعدك في اكتساب الخبرات ..

بالتوفيق ان شاء الله

ح

حياة رائعة

عروس رائعة

30-08-2008 | 11:44 PM

بصى
لازم تترددى على النوادى الصحية هيلث كلوب
وتعرفى ازاى بيشتغلو والعمل ماشى ازاى
وتتعرفى على نوعية الاجهزة
وتشوفى بنفسك المشروع وهو قائم بالفعل
ولو انتى هتاجرى مكان كبير اعملى ركن لالعاب الاطفال زى اللى بتشوفيها فى ماكدونلز
بس خدى بالك
كلو بيستورد الاجهزة من الصين
لانها بتكون رخيصة اوى

d

drveto

عروس جديدة

31-08-2008 | 09:06 AM

بصي لو انتي لوحدك هيبقي صعبه شويه لازم حد يساعدك يكون ليه خبره
لان انتي هنا هتتعاملي في اكتر من حاجه
واصعبها يمكن من وجهة نظري الاستيراد من الصين
القصد من كلامي
ان المشروع ده كبير ومكلف جدا ذي ما بتقولي فلاااااااازم حد خبره شويه يساعدك اوعلي الاقل تكونوا علي المام بكل ما يخص المشروع
وربنا يوفقك وتفتحي اكبر جيم
ومن ناحيه بقي ننفك فاتكدي لان الشعب كله ضرب ههههههههههه
والستات مش بتعمل حاجه غير الاكل
ربنا يستر
افتحي انتي بس وملكيش دعوه

s

sherrykitty

عروس ركن العناية بالبشرة والجسم

01-09-2008 | 02:43 AM

أنا حلوة
شكرا للنصائح الحلوة
جازاكى الله خيرا
عندك حق وأنا حبداء أعمل كدة إن شاءالله

جياة رائعة
كلامك حلو أوى
بس صعب عليا موضوع الأستيراد دة
أنا لقيت واحد بيبيع الأجهزة بالتقسيط على 15 شهر
أعتقد دة حيسهل الموضوع شوية
وحلوة جدا فكرة الألعاب دى
جازاكى الله خيرا يا قمر

drveto

أنا جوزى حيساعدنى إن شاء الله بكل مجهودة عشان عايز يخلص منى هههههههههه
بس المهم إنتى تجيلى وأنا حظبتك

ع

عروس البحر

عروس فضية

02-09-2008 | 03:38 AM

الله معاكي يارب ويوفقك ومشروعك خطير ربنا ييسر لك أمرك يارب بس زي ما قالولك الإخوات إذهبي لنوادي صحية واقري واطلعي لإكتساب الخبرة ومني ليكي ياستي هجبلك زباين كتييييييييييييييييييييييييييييييير أد كدة بس يلا شدي حيلك

s

sherrykitty

عروس ركن العناية بالبشرة والجسم

03-09-2008 | 10:31 PM

عروس البحر;7114305:
الله معاكي يارب ويوفقك ومشروعك خطير ربنا ييسر لك أمرك يارب بس زي ما قالولك الإخوات إذهبي لنوادي صحية واقري واطلعي لإكتساب الخبرة ومني ليكي ياستي هجبلك زباين كتييييييييييييييييييييييييييييييير أد كدة بس يلا شدي حيلك

شكرا لردك الحلو زيك يا قمر
يعنى أعتمد عليكى فى موضوع الزباين؟

بنات أنا عايزة أعرف الأسعار إيه
سعر الساعة بكام ولو إشترك شهرى بكام؟

د

دندون الحضرى

عروس نشيطة

07-09-2008 | 06:23 AM

هاى يا جميلة ربنا يوفقك انا برضوا كان نفسى افتج جيم او بيوتى سنتر بس لقيتة هيتكلف كتير وعايز ورق وحاجات كدة وانا لوحدى عموما ربنا معاكى وانشالله انا واختى وبنت خالى اول حد هيسجل عندك بس افتحى انتى وملكيش دعوة

ع

عضوه جديده_87

عروس جديدة

07-09-2008 | 07:46 AM

عقبااااااااااااال كل وحده تنزل للوزن اللي عاوزته

s

sherrykitty

عروس ركن العناية بالبشرة والجسم

08-09-2008 | 01:18 AM

دندون الحضرى
مرسى يا قمر على ردك الحلو
أنا عرفت أجيب دراسة جدوى لجيم بس فى الرياض بس لسة عايزة أغير الأرقام للمصرى
الموضوع مكلف جداااااااااااا فعلا
بنات أنا محتاجة حد يقولى الأسعار إيه فى الجيم إيه المعقول لو إشتراك شهرى أو سنوى؟
إيه الأوفرز إللى ممكن أعملها؟
يلا ورونى الهمة

h

heart-moon

عروس جديدة

13-09-2008 | 07:31 AM

الله يوفقك يارب ..

وانا كمان بدي أفتح نادي رياضي ..

الله يسهلك هيا .. لو ما عليكي كلافة وتنزلي لي دراسة الجدوى الا من الرياض ..

لاني راح افتحه في المدينة :o

وعلى فكره بالنسبة النادي ..

الاشتراك بالسعودي راح اقولك :D

شهري بالنسبة لايروبيك 400 ..

وجيم 400

واذا جيم وايروبيك ..750

هادي الاسعار بالنادي الا مسجلة فيه :(

عاد انتي حولها بالمصري:D

والله يعطيكي خيره ويكفيك شره ..

ر

ريحانة ام عبدالرحمن

عروس جديدة

24-10-2008 | 10:31 PM

اختي العزيزه انا من القاهره ونفسي اعمل هذا االمشروع ممكن تبعتلي دراسة الجدوي

ج

جمانه الحب

عروس جديدة

09-11-2008 | 12:46 AM

ازيكم يا بنات .. اللى عندهـا اى مشروع وعايزة عماله ايه رأيكم

تقولنا عليه ويبقى كدا ساعدنا فى مشروعها وتشغل بردو بنات تانيه

" طبعا الموضوع لبنات مصر " عشان تبقى واضحه المسأله
:)

s

shoshochocolah

عروس جديدة

09-11-2008 | 07:35 AM

جميل جدا الموضوع ياريت تعملي غرفة صغيرة للسونا وتبدئى بعدد بسيط من الاجهزة ولما الموضوع يمشى شوية زودى عدد الاجهزةواعملى عرض000مثلا اشتراك 3شهور بقيمة كذا**** واحصلى على كورس لوضع المكياج اوتذاكر مجانية للاطفال في مدينة العاب ترفيهية0000000000 نسيت اقولك اعملي **ترديد مابعد الولادة**وربنا يوفقك:winner_second_h4h_a:winner_second_h4h_a:winner_second_h4h_a:winner_second_h4h_a:winner_second_h4h_a:winner_second_h4h_a

l

looloo86

عروس ذهبية

09-11-2008 | 09:34 AM

بصي من الأخر عشان المشروع يكسب اوعي تعملييه بنات بس
قسمي الوقت ساعات ولاد بس و ساعات بنات بس و خلي أيام الولاد أكتر
من الأخر البنات كسلة جداً و مش بيروحو فالشتة أول ملصيف يكبس ينزلو على أمل هدوم الصيف تدخل تاني هههههههههه
أنا بكلمك عن تجربة فالجيم إلي كنت فيه بجد صاحب ال جيم كان بيقول للمدربة إلي هي صاحبتي إن مش جايبين همنا دة يعني صعب علي
كنا بنشغل ال tv وال-cassette يعني خسران ههههههه

لئن والله ساعات كان الجيم بيفضى على ٣ بنات بس يعني مش جايبين هم الكهربا هههههه
أما الولاد يا سلام عليهم ههههه كانو بيجو قابلينا أو بعدينا و في أيام ولاد فقط كان الجيم شغال من ٩ الصبح لحد ١١ بليل تقريباً فلازم جوزو يساعد هههه
أنا مش فاكرة الأسعار عشان كان من سنة و عايزة أقولك البنات كسل فظيع الأغلبية بيدفعو باليوم عشان مش ضامنين بقيت الشهر هيجو ولا لأ ههههههه
أكيد كل البنات إلي هتقرى هيضربوني بالرصاص ههههه بس دة عن تجربة
و إن شاء الله بعد الكلام إلي قلتو دة هتقلبي نشاط الجيم ولادي هههههه و حيث كدة أهم حاجة أجهزة الحديد ههههههه
بالتوفيق

l

looloo86

عروس ذهبية

09-11-2008 | 09:49 AM

اه نسيت حاجة مهمة جداً أهم حاجة في أي مشروع دراسة نفسية الزبون و أهم من كدة البيئة بتاعته إلي فالحالة دي مصر و في مصر البنات مش بتهتم بالرياضة خالص عايزين حل سريع أكل زي منا عايزة و متخنش
تقومي انتي عملة إيه بقى هى؟؟؟
والله شكلي هتضرب هههههه محدش يقرى إلا shery

تقومي مستهبلة فيها ههههه و تعملي ركن مساج تنحيفي و سونا و حمام مغربي بالبتنجان هههههه
و عرفة لو بنت عايزة تخس أو أم أو كدة أول متخس هتسيبك فلازم تحس إن الحاجات دي جانب الرياضة ساعدت ههههه شريرة أنا
أما بقى شباب المنطقة أهم حاجة العضلات
توصي المدرب و تتفقي مع الصيدلي يجبلكو amino علا supplements بس ونبي بلاش deca durabline دة عشان بيضر قليلو اوعى يجيب الحاجات إلي بتضر هو هيفهم و تبعيه بسعر أرخص من الصيدليات

الأغلبية بيشترك شهر أو شهرين يزبط الجسم و يريح حبة فكري في طرق تكسب الزبون بالذات انك تجبي مدرب أو مدربة يصاحب الزباين عشان يحس إن البيت بتهم و الاتنين ولادي أو بناتي يكونو شباب و حلوين
ليه بقى دي بردو نفسية هههههه
القصة و ما فيها يا ستي اني مرة رحت جيم والمدربة كانت مليانة و سنه حاجة و تلاتين كدة
أول حاجة جت في دماغي إيه
إلي بعملو دة ملوش لازمة لو ليه لازمة كان أثر فيها و الجيم إلي بقولك عليه المدربة مكنتش صاحبتي و إتصحبنا و جسمها تحفة و من سننا
متنسيش إن البنات أو الولاد إلي هيرحو جيم اغلبهم شريحة عمرية معينة
لما أفكتر حاجة هلك تاني و ممكن أفكار شريرة تانية تجي في دماغي ههههه