بنات انا كتير كنت انقل لكم مشاكل تصادفنى من اصدقائى او قريباتى وكنت الاقى عندكم حلول لمشكلاتهم
كنت احاول ارد على اى مشكلة مكتوبة فى المنتدى انما مشكلتى الوحيدة مش عارفة الاقى لها اى حلول
بصراحة تعبت
زوجى من يوم الجواز والمشاكل تلاحقنى انا وعيلتى
قبل الجواز كنت بشتغل وكان يتعرض عليا وظايف بمرتبات عالية عشان اسيب وظيفتى
كنت باخد مرتب يخلينى عايشة طول الشهر من غير ما اشيل الهم لدرجة انى مكنتش بطلب من امى او ابويا جنيه واحد
ده بخلاف شغلى فى البورصة والاسهم كانت الاسهم على طول فى ارتفاع وكنت ماشاء الله دايما كسبانة
من يوم ما اتجوزت
شوفو اللى حصلى
قبل زفافى بثلاث ايام جالى دور برد وسخونية فظيعة
فستان الزفاف اتقطع قبل زفافى بيوم واحد
سقف شقتى وقع واضطريت ااجر شقة مفروشة
دى احداث الاسبوع اللى قبل الجواز
فى يوم زفافى وبعد ما انتهى الحفل
اختى تعبت جدا ونقلوها المستشفى وقالو عندها صديد على الكلى
اخويا بعد زفافى بخمس ايام جالو كانثر ( ورم خبيث )
ابويا طفش وساب البيت
امى باعت كل دهبها وكل ما تملك عشان تعالج اخويا وبعد ما فلست تماما راحت على مستفى سرطان الاطفال
اخويا رسب فى الجامعة ودى اول مرة تحصل فى تاريخ عائلتى ان حد من العائلة كلها يرسب فى الامتحان
بعد اجازة الجواز لاقيت وظيفتى طارت
حتى الناس اللى كانو بيعرضو عليا وظايف كلمتهم قالولى للاسف خلاص الوظايف مشغولة
البورصة حصل فيها انهيار وخسرت فلوسى
بيعت سيارتى عشان اصرف على نفسى لان جوزى يادوب بيجيب طلبات البيت فقط
انما طلباتى لاء
امى دايما تقول ان قدمه على العائلة نحس
كنت ابكى من كلامها واستفغر ربى الف مرة واقرا القران وادعي ربى ان حياتى معاه تكون موفقة
ده بخلاف حياتى معاه كلها مشاكل والتفاهم بينا اصبح شئ مستحيل
حتى حقوقى الشرعية من يوم زواجى تعد على الاصابع
تسع شهور الحمل كان يتجنبنى بحجة انى حامل وهو بيخاف عليا
وبعد الولادة كان يعمل مشاكل كتير عشان مطلبش منه حقوقى الشرعية
بنتى دلوقتى عمرها تقريبا سبع شهور
ومن يوم ولادتها حتى الان لم ارى مع زوجى يوم يسعدنى
دايما شايفنى سيئة ومفيش حاجة فيا بتعجبه
والناس كلها تشهدلى انى جميلة ومش باين عليا انى ست متجوزة
كل الناس تحسبنى انسة
وكل الفلوس اللى كانت باقية معاية صرفتها على الانجيرى والاكسسوارات والمكياج والعطور عشان اعجبه ومفيش فايدة
والله يا بنات من يوم ما اتجوزت مطلبتش من جوزى يشتريلى شراب
كل احتياجاتى بشتريها بفلوسى
حتى كروت الشحن للموبيل وفاتورة تليفون البيت انا بدفعها يقولى انتى اللى بتتكلمى فى التليفون مش انا يبقى انتى ادفعى
ويوم ما نخرج سوا نسهر السهرة بتكلفة مبلغ بسيط خمسين جنيه تقريبا يقولى كنا اشترينا بيهم كيلو لحمة او فرختين ده غير انه كل شوية يبص فى الساعة كأن عنده معاد
ويدوب بنكون خارجين بقالنا ساعة بس
انما مع اصحابه بيرجع البيت 6 الصبح
امه ست طيبة جدا ودايما تاخدلى حقى
اتكلمت معاها كتير واشتكيت لها من تصرفاته
كانت تزعل جدا عليا وتتكلم مع ابنها واحيانا تهزئه
بس هو لا بيهمه كلام امه ولا كلام اى مخلوق
ولو حكيت لاخويا هيحصل مشاكل كتيرة واخويا عصبى جدا وامى نفسيتها تعبانة بسبب مرض اخويا الصغير ومش عايزة اشيلها الهم
كنت اخرج معاه وابدا احكيلو عن التعب النفسى اللى بمر بيه
يقولى احنا نازلين عشان نتكلم فى مشاكل ولا نتفسح
ولو حكيت بمنتهى الهدوء يحول الكلام الى قضية وصوت عالى ويخاصمنى بالاسبوع
ده غير الموبيل بتاعه قافل التليفون برقم سرى عشان مشوفش مين بيكلمه
ويدخل البيت يعمل التليفون اوف لاين ولو مسكت تليفونه يتخانق ويرفع صوته
انا تعبت
فكرت فى الطلاق لكن حسيت ان حياتى هتبقى جحيم وكمان عشان بنتى
لو زعلت معاه يقولى لو مش عاجبك روحى بيت اهلك
بحس ان كرامتى مهانة
ولو روحت بيت اهلى هبقى زى الخدامة اكنس وامسح واشوف شغل البيت كله وبيت اهلى كبير جدا
انا بجد تعبت ومش لاقية اى وسيلة للتفاهم معاه
وبحس من نظرات عنيه انه بيكرهنى بس مش عارفة ايه السبب
دايما يحس انى حقيرة ومش مناسبة له
ويقولى انا متحملك عشان خاطر بنتى
والله يا بنات حتى الكلمة الكويسة مفيش
لو قدمت له اكلة جديدة وكانت حلوة عمره ما يقولى ان الاكل حلو الا اذا سالته
عمره ما يقولى بحبك الا اذا سالته وبيكون ارد كلمة اه فقط بتحبنى ؟ اه وكأنه بيقولها غصب عنه
حتى شكلى لازم اساله هل شكلى حلو يقولى اه وكانه بيقولها غصب عنه
انا طولت عليكم لكن بجد تعبت
نفسيا متدمرة
لازوج ولا راحة ولا شغل ولا فلوس ولا حتى راحة مع الاهل فين اروح
فكرت الم هدومى واخد بنتى واطفش واختفى تماما من حياته
والله انا بحكى لكم لانى حاسة ان كلكم اخواتى
دلونى على حل اكرمكم الله
كنت احاول ارد على اى مشكلة مكتوبة فى المنتدى انما مشكلتى الوحيدة مش عارفة الاقى لها اى حلول
بصراحة تعبت
زوجى من يوم الجواز والمشاكل تلاحقنى انا وعيلتى
قبل الجواز كنت بشتغل وكان يتعرض عليا وظايف بمرتبات عالية عشان اسيب وظيفتى
كنت باخد مرتب يخلينى عايشة طول الشهر من غير ما اشيل الهم لدرجة انى مكنتش بطلب من امى او ابويا جنيه واحد
ده بخلاف شغلى فى البورصة والاسهم كانت الاسهم على طول فى ارتفاع وكنت ماشاء الله دايما كسبانة
من يوم ما اتجوزت
شوفو اللى حصلى
قبل زفافى بثلاث ايام جالى دور برد وسخونية فظيعة
فستان الزفاف اتقطع قبل زفافى بيوم واحد
سقف شقتى وقع واضطريت ااجر شقة مفروشة
دى احداث الاسبوع اللى قبل الجواز
فى يوم زفافى وبعد ما انتهى الحفل
اختى تعبت جدا ونقلوها المستشفى وقالو عندها صديد على الكلى
اخويا بعد زفافى بخمس ايام جالو كانثر ( ورم خبيث )
ابويا طفش وساب البيت
امى باعت كل دهبها وكل ما تملك عشان تعالج اخويا وبعد ما فلست تماما راحت على مستفى سرطان الاطفال
اخويا رسب فى الجامعة ودى اول مرة تحصل فى تاريخ عائلتى ان حد من العائلة كلها يرسب فى الامتحان
بعد اجازة الجواز لاقيت وظيفتى طارت
حتى الناس اللى كانو بيعرضو عليا وظايف كلمتهم قالولى للاسف خلاص الوظايف مشغولة
البورصة حصل فيها انهيار وخسرت فلوسى
بيعت سيارتى عشان اصرف على نفسى لان جوزى يادوب بيجيب طلبات البيت فقط
انما طلباتى لاء
امى دايما تقول ان قدمه على العائلة نحس
كنت ابكى من كلامها واستفغر ربى الف مرة واقرا القران وادعي ربى ان حياتى معاه تكون موفقة
ده بخلاف حياتى معاه كلها مشاكل والتفاهم بينا اصبح شئ مستحيل
حتى حقوقى الشرعية من يوم زواجى تعد على الاصابع
تسع شهور الحمل كان يتجنبنى بحجة انى حامل وهو بيخاف عليا
وبعد الولادة كان يعمل مشاكل كتير عشان مطلبش منه حقوقى الشرعية
بنتى دلوقتى عمرها تقريبا سبع شهور
ومن يوم ولادتها حتى الان لم ارى مع زوجى يوم يسعدنى
دايما شايفنى سيئة ومفيش حاجة فيا بتعجبه
والناس كلها تشهدلى انى جميلة ومش باين عليا انى ست متجوزة
كل الناس تحسبنى انسة
وكل الفلوس اللى كانت باقية معاية صرفتها على الانجيرى والاكسسوارات والمكياج والعطور عشان اعجبه ومفيش فايدة
والله يا بنات من يوم ما اتجوزت مطلبتش من جوزى يشتريلى شراب
كل احتياجاتى بشتريها بفلوسى
حتى كروت الشحن للموبيل وفاتورة تليفون البيت انا بدفعها يقولى انتى اللى بتتكلمى فى التليفون مش انا يبقى انتى ادفعى
ويوم ما نخرج سوا نسهر السهرة بتكلفة مبلغ بسيط خمسين جنيه تقريبا يقولى كنا اشترينا بيهم كيلو لحمة او فرختين ده غير انه كل شوية يبص فى الساعة كأن عنده معاد
ويدوب بنكون خارجين بقالنا ساعة بس
انما مع اصحابه بيرجع البيت 6 الصبح
امه ست طيبة جدا ودايما تاخدلى حقى
اتكلمت معاها كتير واشتكيت لها من تصرفاته
كانت تزعل جدا عليا وتتكلم مع ابنها واحيانا تهزئه
بس هو لا بيهمه كلام امه ولا كلام اى مخلوق
ولو حكيت لاخويا هيحصل مشاكل كتيرة واخويا عصبى جدا وامى نفسيتها تعبانة بسبب مرض اخويا الصغير ومش عايزة اشيلها الهم
كنت اخرج معاه وابدا احكيلو عن التعب النفسى اللى بمر بيه
يقولى احنا نازلين عشان نتكلم فى مشاكل ولا نتفسح
ولو حكيت بمنتهى الهدوء يحول الكلام الى قضية وصوت عالى ويخاصمنى بالاسبوع
ده غير الموبيل بتاعه قافل التليفون برقم سرى عشان مشوفش مين بيكلمه
ويدخل البيت يعمل التليفون اوف لاين ولو مسكت تليفونه يتخانق ويرفع صوته
انا تعبت
فكرت فى الطلاق لكن حسيت ان حياتى هتبقى جحيم وكمان عشان بنتى
لو زعلت معاه يقولى لو مش عاجبك روحى بيت اهلك
بحس ان كرامتى مهانة
ولو روحت بيت اهلى هبقى زى الخدامة اكنس وامسح واشوف شغل البيت كله وبيت اهلى كبير جدا
انا بجد تعبت ومش لاقية اى وسيلة للتفاهم معاه
وبحس من نظرات عنيه انه بيكرهنى بس مش عارفة ايه السبب
دايما يحس انى حقيرة ومش مناسبة له
ويقولى انا متحملك عشان خاطر بنتى
والله يا بنات حتى الكلمة الكويسة مفيش
لو قدمت له اكلة جديدة وكانت حلوة عمره ما يقولى ان الاكل حلو الا اذا سالته
عمره ما يقولى بحبك الا اذا سالته وبيكون ارد كلمة اه فقط بتحبنى ؟ اه وكأنه بيقولها غصب عنه
حتى شكلى لازم اساله هل شكلى حلو يقولى اه وكانه بيقولها غصب عنه
انا طولت عليكم لكن بجد تعبت
نفسيا متدمرة
لازوج ولا راحة ولا شغل ولا فلوس ولا حتى راحة مع الاهل فين اروح
فكرت الم هدومى واخد بنتى واطفش واختفى تماما من حياته
والله انا بحكى لكم لانى حاسة ان كلكم اخواتى
دلونى على حل اكرمكم الله