شنط حلوة وين الاقي بنات ديرتي ساعدوني

عذراء البحرين 29-08-2008 14 رد 547 مشاهدة
ع
هلا ومرحب

لفيت ماكو مكان يعجبني شنط وين تشترون شناطكم اشوف عند الناس حلوين واني مالقى شيء حلو بالسوق

من وين تشتروا الشنط وين محلات الاقي فيها شنط حلوة وعلى الموضة والدارجة الحين

وهل تعرفوا اماكن بتخيط شنط على ذوقي وبتفصل

طبعا شنط اليد
T
up

up

up
ب
هلا عذوووره

الشنط في محلات وايد بس الناس اذواق

عندج ميلانو في السيف وغوتشي في السيف ومجمع البحرين وناين ويست في المارينا والبحرين والسيف و اكسسريز عندهم شنط روعة اني يعجبوني وفي محل في الرفاع اسمه شيري شفت عندهم شنط كشخه وجنبه في محل ماذكر اسمه عندهم عبايات ومعاهم الشنط نفس النقش شوفيهم يمكن يسوون لج شنط
ولا تنسين شومارت

موفقه خيتو
ط
احسن محلات تبيع شنط الدوو اسعاره مناسبه وعندج فندي وكوتشي وشانيل هذي ماركات وغاليه بس انا دائما اخذ من الدو بس اكسسوريز ماحبه لانه كل العالم لابسينهم

وعموما مجمع السيف فيه وااااااايد شنط خصوصا محلات اللي تبيع ملابس نسوان دوري فيهم وبتحصلين
ي
مثل ما قالوا البنات واذا تبين ماركة بس بدرجة ثانية او ثالثة عندج الحذاء الاحمر في العدلية
ح
وايد محلات تبيـع أشياءات حلوة!

روحي السيف . . أكسسريز

روحي المارينا أو مجمع الرفاع . . شو مارت

روحي العالي . . محلات بينك

وتلاقين بلاأسواق العامة بعد . . سوق بوكوارة أو جد علي .. المحرق .. سوق واقف

/
\

يعتمد على ذوقج بالنهاية!
ع
شكرا لكم اخواتي بحاول افتش عن شنط بهالمحلات المشكلة كل الناس نفس الشنط
ح
دموع الكوثر;7088111:
هلا عذوووره

الشنط في محلات وايد بس الناس اذواق

عندج ميلانو في السيف وغوتشي في السيف ومجمع البحرين وناين ويست في المارينا والبحرين والسيف و اكسسريز عندهم شنط روعة اني يعجبوني وفي محل في الرفاع اسمه شيري شفت عندهم شنط كشخه وجنبه في محل ماذكر اسمه عندهم عبايات ومعاهم الشنط نفس النقش شوفيهم يمكن يسوون لج شنط
ولا تنسين شومارت

موفقه خيتو




حبيبتي وين بالضبط هذي المحل اللي اسمه شيري ؟؟ ممكن توصفين المكان بليز ؟
أ
تبين شنط ماركه

عندج guss في مجمع البحرين

وgucci في مجمع السيف

وعندج ماركات وايد في السيف والعالي بس اسعارهم وايد مرتفعه فوق 300 دينار

وعندج الدو ’,, ناين وست,, اكسوسرييز في مجمع البحرين والسيف عندهم فروع

انتي اي ستايل تبين ممكن نساعدج
؟؟
ع
وين محل شيري دلوني عليه


وستايلي احب الشنط الي فيها انوثة وتكون خلق بالاغلب وحتى الجلد بس تكون حجم متوسط ويد الشنط صغير

شنط اكسسريز حلوة بس كل الناس لا بستها بس ابغي تغيير
ق
هلا اختي مثل ماقالو لج البنات الدو فيه شنط حلوة وفي جيان بتلقين محلات وايد بعد وبكوارة

وجدعلي
ع
وين محل شيري تكفون
ع
اي و الله بنات انا بعد ابي اعرف وين محل شيري
أ
بي اتش اس
ماركس سبنسر
اتش اند أم في السيتي

مانجو -زارا والمحلات اللي في القسم الجديد في السيف

الحذاء الجميل مارينا مول
مجمع اللولو انتي وحظج ساعات ينزلون شغلات حلوة
المحرق في كذا محل
مجمع مدينة عيسى
ا
شيري
يصير في سوق الرفاع قريب من مركز الشرطه

في صفة كافتيريا العهد

وفي محل في بناية الغتم اسمه غريضاتي عنده شنط حلوة
X